38 : සාද් – අරාබි හෝඩියේ 14 වන අකුර

පරිච්ඡේදය: 38

මුළු වැකි ගණන : 88

මෙම පරිච්ඡේදයේ පළමු වැකියේ සාද් යන අකුර සඳහන් වී තිඛෙන බැවින් මෙලෙස නම් කරන ලදී.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

38 : 01 සාද්.2උපදේශය අන්තර්ගත මෙම කුර්ආනය මත දිවුරමි.379

38 : 02 (එකම දෙවියන්) ප්‍රතික්ෂේප කළ අය ගර්වයෙහි ද පරස්පර විරෝධතාවෙහි ද සිටිති.

38 : 03 මොවුනට පෙර අපි පරම්පරාවන් කොපමණක් විනාශ කර ඇත්තෙමු ද? එවිට ඔවුහු විලාප නැගූහ. එය මිදෙන මොහොතක් නොවීය.

38 : 04 ඔවුන් අතුරින් ම අවවාද කරන්නෙක් ඔවුන් වෙත පැමිණීම ගැන ඔවුහු විස්මයට පත් වූ හ. මොහු බොරුකාරයෙක් යත හූනියම්කාරයෙක් යැ”යි (එකම දෙවියන්) ප්‍රතික්ෂේප කරන අය පැවසූ හ.

38 : 05 ඔහු දෙවිවරුන් එකම දෙවියකු බවට පත් කළේ ද? මෙය විස්මයජනක පුවතක් ය.

38 : 06 “(මොහු කෙරෙන් ඉවත් වී) යන්න. නුඹලාගේ දෙවිවරුන්ගේ විෂයයෙහි ස්ථීරව සිටින්න. මෙය යමක් බලාපොරොත්තුවෙන් පවසනු ලබන දෙයක් යැ”යි ඔවුන්ගෙන් ප්‍රධානීහූ පැවසූ හ.

38 : 07 “වෙනත් දහමක අපි ඒ ගැන අසා නැත. මෙය කල්පිත කථාවක් මිස වෙන නැත.”

38 : 08 “අප අතුරින් අනුශාසනාව පහළ කරන ලද්දේ මොහු කෙරෙහි (පමණක්) දැ”යි ද (අසති). නමුත් ඔවුහු මාගේ අනුශාසනාවෙහි සැකයෙහි ම සිටිති. මොවුන් මාගේ වේදනාව රස විඳ බලා නැත.

38 : 09 අබිබවන්නා ද දානපතියා ද වන ඔබේ දෙවියන්ගේ දයාවේ භාණ්ඩාගාරයන් ඔවුන් ළඟ තිබේ ද?

38 : 10 නැතහොත්, අහස්, පොළොව හා ඒවා අතර තිඛෙන දෑහි පාලනය ඔවුන් සතුව තිබේ ද? එසේ නම් ඉණි මං වල නැඑග ඉහළට ගමන් කරත්වාෟ

38 : 11 මෙහි සිටින මෙම කුඩා සේනාව පරාජය කරනු ලබන සේනාවකි.

38 : 12,13 මොවුනට පෙර නූහ්ගේ ජන සමාජය, ආද් ජන සමාජය, විශාල සේනාවන්ගෙන් යුත් ෆිර්අවුන්, සමූද් ජන සමාජය, ලුත්ගේ ජන සමාජය, (මද්යන්) උයන්වාසීන් ආදීහූ අසත්ය යැයි සිතූහ. (පරාජය කරන ලද) ඒ ජන සමාජයන් ඔවුහු ම ය.26

38 : 14 (ඔවුන්ගෙන්) සෑම කෙනෙක් ම දූතයින් අසත්‍යය පවසන්නන් යැයි නොසිතා සිටියේ නැත. එබැවින් මාගේ වේදනාවට උරුම වූහ.

38 : 15 මොවුහු එකම එක් මහා ශබ්දයක් මිස (අන් කිසිවක්) බලාපොරොත්තු නොවෙති. එයට කිසිඳු ප්‍රමාදයක් ද නැත.

38 : 16 “අපගේ දෙවියනි, විභා.කරනු ලබන දිනට පෙර අපගේ කොටස (මෙලොවෙහි) අපට ඉක්මනින් ම පිරිනමනු මැනවැ” යි ඔවුහු අසති.

38 : 17 (මුහම්මද්,) ඔවුන් පවසන දැය ඉවසන්න. බලවතෙකු වූ අපේ වහලා වන දාවූද් සිහි කරන්න. ඔහු (අප වෙතට) හැරෙන්නෙක් විය.

38 : 18,19 සවස හා උදය කඳු ද එක් රැස් කරන ලද පක්ෂීන් ද ඔහු සමඟ දෙවියන් සුවිශුද්ධ කරන මෙන් අපි වසඟ කර දුනිමු. සියල්ල ඔහු වෙතට හැරෙන සුළු ඒවා වූහ.26

38 : 20 ඔහුගේ පාලනය ශක්තිමත් කළෙමු. ඔහුට ප්‍රඥාව ද පැහැදිලි විග්‍රහය ද දුනිමු.

38 : 21,22 නඩු කථා කිරීමට පැමිණි අයගේ පුවත ඔබ දන්නෙහි ද? නැමදුම් ස්ථානය පසුකර ඔවුන් දාවූද් වෙත පැමිණි විට ඔවුන් දැක තිගැස්සීය. “බිය නොවන්න. අපි කෙනෙක් මත තවත් කෙනෙක් සීමාව ඉක්මවා සිටින පැමිණිලිකරුවෝ දෙදෙනෙක් වෙමු. අප අතර යුක්තිසහගතව විනිශ්චය කරන්න. වරදවා නොගන්නා නිවැරදි මාර්ගයට අප යොමු කරන්නැ”යි ඔවුහු පැවසූ හ.26

38 : 23 “මොහු මාගේ සහෝදරයා ය. මොහුට එළුවන් අනූ නවයක් සිටිති. නමුත් මට එළුවෙක් පමණක් සිටියි. එය ද මට භාර දෙන්නැ”යි මොහු පවසයි. තව ද තර්කයෙන් මොහු මා ජය ගත්තේ යැ” යි කෙනෙක් පැවසීය.

38 : 24 නුඹේ එළුවා ද තම එළුවන් සමඟ එක් කිරීමට ඔහු ඉල්ලා සිටීමෙන් නුඹට අපරාධ කර ඇත. නුඹලාගෙන් හවුල්කරුවන්ගෙන් වැඩි දෙනෙක් කෙනෙක් තවත් කෙනෙක් කෙරෙහි අපරාධ කරති. විශ්වාස කොට යහපත් ක්‍රියා කරන අය හැර. ඔවුහු ඉතා ස්වල්ප දෙනෙක් යැ”යි

දාවූද් පැවසීය. අපි ඔහු පරීක්ෂා කළ බව484 දාවූද් වටහා ගත්තේ ය.337 තම දෙවියන්ගෙන් ක්ෂමාව අයැදීය. යටහත් පහත් වී වැටී ය.396 ශිෂ්ට විය.

38 : 25 එබැවින් ඔහුට එය ක්ෂමා කළෙමු. ඔහුට අප වෙත ළං වීමක් ද අලංකාර නවාතැනක් ද ඇත.

38 : 26 දාවුද්, අපි ඔබ පොළොවෙහි අනුප්‍රාප්තිකයෙක්46 කළෙමු. එබැවින් ජනතාව අතර යුක්තිසහ.තව විනිශ්චය කරන්න. චිත්තාභිලාෂය අනුගමනය නොකරන්න. එය ඔබ අල්ලාහ්ගේ මාර්.යෙන් නොම. යවයි. අල්ලාහ්ගේ මාර්ගයෙන් නොමග යවන අය විභාග කරනු ලබන දිනය1 අමතක කළ බැවින් ඔවුනට දරුණු වේදනාවක් ඇත.

38 : 27 අපි අහස ද පොළොව ද එදෙක අතර තිඛෙන දැය ද නිකරුණේ නිර්මාණය නො කළෙමු. මෙය (එකම දෙවියන්) ප්‍රතික්ෂේප කරන අයගේ සිතුවිල්ල ය. ප්‍රතික්ෂේප කරන අයට නිරය නමැති විනාශයක් ඇත.

38 : 28 විශ්වාස කොට යහපත් ක්‍රියා කළ අය පොළොවෙහි අවුල් ඇති කරන්නන් සේ කරන්නෙමු ද? නැතහොත් (අපට) බිය බැතිමත් අය වරදකරුවන් සේ කරන්නෙමු ද?

38 : 29 මෙය භාග්යමත් ධර්ම ග්‍රන්ථයකි. ඔවුන් මෙහි වැකි සිතනු පිණිසත් බුද්ධිමත් අය ඉගෙනුමක් ලබනු පිණිසත් ඔබට පහළ කළෙමු.

38 : 30 දාවූද්ට සුෙලෙමාන් ප්‍රදානය කළෙමු. ඔහු යහපත් වහලෙකි. (දෙවියන් වෙතට) හැරෙන්නෙකි.

38 : 31,32 පුරුදු පුහුණු ලත් උසස් වර්ගයට අයත් අශ්වයින් ඔහු ඉදිරිපිට සවස් කාලයේ දී නතර කරන ලදුව, අවසානයේ දී උන් තිරයක් පිටු පස සැඟවුණු විට “මාගේ දෙවියන් සිහි නොකර මෙම හොඳ දැය පි්‍රය කළෙමි”යි පැවසීය.26

38 : 33 “උන් මා වෙත නැවත ගෙන එන්නැ”(යි පවසා) උන්ගේ පාද ද ගෙලවල් ද අත ගා දුන්නේ ය.

38 : 34 අපි සුෙලෙමාන් පරීක්ෂා කළෙමු.484 ඔහුගේ රාජාසනය මත (ඔහු) මළ සිරුරක් ලෙස හෙළුවෙමු.338 පසුව ඔහු ශිෂ්ට විය.

38 : 35 “මාගේ දෙවියනි, මට ක්ෂමා කරනු මැනව` මට පසු කිසිවෙකුටත් නොලැඛෙන පාලනයක් මට පිරිනමනු මැනව` දානපතියා ඔබ ම යැ”යි පැවසීය.

38 : 36 ඔහුට සුළඟ වසඟ කර දුනිමු. එය ඔහුගේ අණ පරිදි ඔහු සිතූ සේ යටහත් පහත් ව හමා ගියේ ය.

38 : 37,38 ෙෂෙතාන් වරුන්ගෙන් ගොඩනැගිලි ඉඳි කරන අය ද මුතු කිමිදෙන අය ද විලංගු දමන ලද වෙනත් අය ද (ඔහුට) වසඟ කර දුනිමු.26

38 : 39 “මෙය අපගේ අනුග්රහයයි. අසීමිතව අන් අයට පිරිනැමිය හැකිය. නැතහොත් ඔබ ම තබා ගත හැකියැ”(යි පැවසීමු).

38 : 40 ඔහුට අප වෙත ළං වීමක් ද අලංකාර නවාතැනක් ද ඇත.

38 : 41,42 අපගේ වහලා අය්යූබ් සිහි කරන්න. “ෙෂෙතාන් වේදනාවෙන් හා දුකෙන් මා ස්පර්ශ කළේ යැ”යි

ඔහු තම දෙවියන් වෙත ප්‍රාර්ථනා කළ විට, “ඔබේ පාදයෙන් පාගන්න. මෙන්න, සිසිල් වූ ස්නානය කරන තැනක්` පානයක්`” (යැයි පැවසීමු).26

38 : 43 ඔහුට ඔහුගේ පවුලේ අය ද ඔවුන් සමඟ ඔවුන් වැනි අය ද පිරිනැමුවෙමු. මෙය අප වෙතින් ලැඛෙන දයාවක් ද බුද්ධිමතුන්ට අනුශාසනාවක් ද වේ.

38 : 44 “ඔබේ අතින් තණ කොළ අහුරක් ගෙන එයින් ගසන්න. දිවුරුම කඩ නොකරන්නැ”339(යි පැවසීමු). අපි ඔහු ඉවසිලිවන්තයෙකු ලෙස දුටුවෙමු. ඔහු යහපත් වහලෙකි (අප වෙතට) හැරෙන්නෙකි.

38 : 45 ශක්තියත් චින්තනයත් ඇති ඉබ්රාහීම්, ඉස්හාක්, යඃකූබ් ආදී අපේ වහලූන් සිහි කරන්න.

38 : 46 පරලොව ගැන සිතනු පිණිස අපි ඔවුන් විශේෂයෙන් තෝරා ගතිමු.

38 : 47 ඔවුහු අප වෙත තෝරා ගන්නා ලද විශිෂ්ට අය වෙති.

38 : 48 ඉස්මායිල්, අල් යසඃ, දුල් කිෆ්ල් ආදීන් ද සිහි කරන්න. සියල්ලෝ ම විශිෂ්ට අය වූ හ.

38 : 49,50 මෙය උපදේශයකි. (දෙවියන්ට) බිය බැතිමත් වන අයට දොරටු විවෘත කරන ලද සදාතනික ස්වර්ගයන් වන විශිෂ්ට නවාතැනක් ඇත.26

38 : 51 එහි හාන්සි වී බොහෝ පලතුරු ද පානයක් ද ඉල්ලති.

38 : 52 සම වයසේ බැල්ම පහත හෙළු කන්‍යාවියෝ 8 ද ඔවුන් සමඟ සිටිති.

38 : 53 විභාගකරන දිනය1 වෙනුවෙන් නුඹලාට පොරොන්දු වන ලද දැය මෙයයි

38 : 54 මෙය අපගේ සම්පතයි. මෙයට නිමාවක් නැත.

38 : 55 මෙන්න` සීමාව ඉක්ම වූ අයට නරක නවාතැනක් ඇත.

38 : 56 ඔවුහු නිරයේ දැවෙති. එය අයහපත් නවාතැනකි.

38 : 57 මෙන්න` උණු දිය ද සැරව ද ඇත. ඔවුන් මෙය රස විඳිත්වා`

38 : 58 මෙවැනි වෙනත් විවිධ වර්ග ද ඇත.

38 : 59 “මෙය නුඹලා සමඟ එක් වන පිරිසක් යැ”(යි නිරයේ සිටින නායකයින්ට පවසනු ලැබේ). “මොවුන්ට කිසිඳු පිළිගැනීමක් නැත. මොවුහු ද නිරයේ දැවෙන අය ම යැ”(යි නිරයේ සිටින නායකයෝ පවසති).

38 : 60 “එසේ නොවේ. නුඹලාත් ය. නුඹලාට ද කිසිඳු පිළිගැනීමක් නැත. මෙයට අප ගෙන ආ අය නුඹලා ම ය. මෙය නරක නවාතැනකි” (යි මොවුහු පවසති).

38 : 61 “අපගේ දෙවියනි, මෙය අපට ගෙන දුන් අයට නිරයේ වේදනාව කිහිප ගුණයකින් වැඩි කරනු මැනව`”යි ද පවසති.

38 : 62 “දුදනන් යැයි අපි අදහස් කරමින් සිටි මිනිසුන් අපි (නිරයේ) නොදකින්නේ ඇයි දැ”යි ඔවුහු අසති.

38 : 63 “(ඔවුහු යහපත් අයව සිටියදීත්) අපි ඔවුන් උපහාසාත්මක ව ගත්තෙමු ද? නැතහොත් (අපගේ) බැල්ම ඔවුන් කෙරෙන් ඇල වූයේ ද?”

38 : 64 නිරාවාසීන්ගේ මෙම බහින් බස් වීම සත්‍යයකි.

38 : 65 “මම අවවාද කරන්නෙක්මි. මර්දනය කොට පාලනය කරන එක ම අල්ලාහ් හැර නැමදීමට සුදුස්සා අන් කිසිවෙක් නැතැ”යි (මුහම්මද්,) පවසන්න.

38 : 66 (ඔහු) අහස්, පොළොව හා එදෙක අතර තිඛෙන දෑහි දෙවියන් ය. අබිබවන්නා ය අධිකව ක්ෂමා කරන්නා ය.

38 : 67 “මෙය ඉමහත් පුවතක් යැ”යි පවසන්න.

38 : 68 නුඹලා මෙයට පිටු පාන්නෙහු ය.

38 : 69 (සුර දූතයින් වන) උසස් පිරිස විවාද කළ විට ඔවුන් ගැන දැනුමක් මට නැත.380

38 : 70 මම පැහැදිලිව අවවාද කරන්නෙක් යන්න මිස අන් කිසිවක් මට දැනුම් නොදෙන ලදී.

38 : 71,72,73,74 “මැටියෙන් මිනිසෙකු නිර්මාණය කරන්නට යන්නෙමි.368 )503 ) 506 ඔහු හැඩ ගස්වා මාගේ ප්‍රාණය ඔහු තුළට පිඹින විට ඔහුට යටහත් පහත් වී වැටෙන්නැ”යි11 ඔබේ දෙවියන් සුර දූතයින්ට කී විට ඉබ්ලීස් හැර සුර දූතයින් සියල්ලෝ ම යටහත් පහත් වූහ. ඔහු උඩඟු විය. (එකම දෙවියන්) ප්‍රතික්ෂේප කරන්නන්ගෙන් විය.26

38 : 75 “ඉබ්ලීස්, මාගේ දෑතින්488 නිර්මාණය කළ දැයට නුඹ යටහත් පහත් වීමෙන් නුඹ වැළැක්වූයේ කුමක් ද? නුඹ උඩඟු වූයෙහි ද? නැතහොත් උත්තරීතර කෙනෙක් වූයෙහි දැ”යි (දෙවියන්) ඇසීය.

38 : 76 “මම ඔහුට වඩා විශිෂ්ට ය. ඔබ මා ගින්නෙන් නිර්මාණය කළෙහි ය. ඔහු මැටියෙන් නිර්මාණය කළෙහි යැ”යි ඔහු පැවසී ය.503 ) 506

38 : 77,78 “මෙතැනින් පිට වෙනු. නුඹ පළවා හරින ලද්දෙකි. විනිශ්චය දිනය1 දක්වා නුඹ කෙරෙහි මාගේ ශාපය ඇතැ”යි (දෙවියන්) පැවසීය.26

38 : 79 “මාගේ දෙවියනි, පණ ගන්වනු ලබන දිනය1 දක්වා මට ඉඩ ප්‍රස්තාවක් දෙනු මැනවැ” යි ඔහු ඇසීය.

38 : 80,81 “නියමිත මොහොත අන්තර්ගත දිනය1 තෙක් නුඹ ඉඩ ප්‍රස්තා දෙන ලද කෙනෙක්යැ”යි (දෙවියන්) පැවසීය.26

38 : 82,83 “ඔබේ ගෞරවය මත දිවුරමි. තෝරා ගන්නා ලද ඔබේ වහලූන් හැර ඔවුන් සියල්ලන් ම නොමග යවන්නෙමි”යි (ෙෂෙතාන්) පැවසීය.26

38 : 84 “සත්‍යය මෙයයි. සත්‍යය ම පවසන්නෙමි”යි (දෙවියන්) පැවසීය.

38 : 85 “නුඹගෙන් ද ඔවුන් අතුරින් නුඹ අනුගමනය කරන අයගෙන් ද මම නිරය පුරවන්නෙමි” (යි දෙවියන් පැවසී ය.)

38 : 86 “මම මේ සඳහා නුඹලාගෙන් කිසිඳු කුලියක් නොඉල්ලමි. මම ස්ව කැමැත්තෙන් උපදවා කියන්නෙක් ද නොවෙමි”යි (මුහම්මද්,) පවසන්න.

38 : 87 මෙය ලෝවැසියන්ට උපදේශයක් මිස වෙන නැත.

38 : 88 සුළු කලකට පසු මෙහි පුවත නුඹලා දැන ගන්නෙහු ය.