37 : අස් සාෆ්ෆාත් – පෙළ ගැසී සිටින්නෝ

පරිච්ඡේදය: 37

මුළු වැකි ගණන : 182

මෙම පරිච්ඡේදයේ පළමු වැකියේ අස් සාෆ්ෆාත් නමැති අරාබි පදය සඳහන් වී තිඛෙන බැවින් මෙසේ නම් කරන ලදී.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

37 : 01 බ. ඇණි වශයෙන් පෙළ ගැසී සිටින අය මත දිවුරමි.379

37 : 02 දරුණු ලෙසින් පළවා හරින අය මත දිවුරමි.379

37 : 03 අනුශාසනාව ප්‍රකාශ කරන අය මත දිවුරමි.379

37 : 04 නුඹලාගේ දෙවියන් එක් කෙනෙක් ම ය.

37 : 05 (ඔහු) අහස් පොළොව හා එදෙක අතර දැයෙහි දෙවියන් ය. නැගෙනහිර දිශාවන්හි ද දෙවියන් ය.335

37 : 06අපි පළමු අහස තරු නමැති අලංකාරයෙන් අලංකාර කර ඇත්තෙමු.

37 : 07 (අපි ඒ වා) අවනත නොවන සෑම ෙෂෙතාන්වරයෙකුගෙන් ම ආරක්ෂාවක් කළෙමු.307

37 : 08,09,10 .(සුර දූතවරු නමැති) උසස් පිරිසගෙන් (වචන කිහිපයක්) හොර රහසේ ඇහුම් කන් දෙන කෙනෙකුට මිස ඔවුනට සවන් දිය නොහැකිය. එළවන පිණිස සෑම පසකින් ම ඔවුන් මත විසි කරනු ලැබේ. දීප්තිමත් ගිනි පන්දමක් ඔවුන් ලූහු බඳියි.307 ඔවුනට සදාතනික වේදනාවක් ද ඇත.26

37 : 11 ”මොවුහු ශක්තිමත් නිර්මාණයක් ද? නැතහොත් අපි නිර්මාණය කළ (අනිකුත්) දැය දැ”යි මොවුන්ගෙන් අසන්න. අපි මොවුන් ඇලෙන සුළු මැටියෙන් නිර්මාණය කළෙමු.368 )503 ) 506

37 : 12 සැබවින් ම (දෙවියන්ගේ බ.ය ගැන සිතා) ඔබ විස්මයට පත් වන්නෙහි ය. නමුත් ඔවුහු විහිළු කරති.

37 : 13 මොවුනට අනුශාසනා කරනු බන විට ඉගෙනුමක් නොබති.

37 : 14 මොවුහු සාධකයක් දුටු විටත් විහිළු කරති.

37 : 15 “මෙය පැහැදිලි හූනියමක් මිස වෙන නැතැ”යි මොවුහු පවසති.

37 : 16,17 අපි මැරී පස් හා ඇට කටු බවට පත් වූ විට අපිත් පෙර සිටි අපේ මුතුන් මිත්තනුත් පණ ගන්වනු ලබන්නෙමු දැ”(යි අසති).26

37 : 18 “එසේ ය. නුඹලා අධමයින් වන්නෙහු යැ”යි පවසන්න.

37 : 19 එය එක ම එක් මහත් ශබ්දයක් ම ය. වහාම ඔවුහු දකිති.

37 : 20 “අපට විනාශයක් මය මෙය විනිශ්චය දිනය”යි1 එවිට ඔවුහු පවසති.

37 : 21 “නුඹලා අසත්‍ය යැයි සිතූ ඒ විනිශ්චය දිනය1 මෙය යැ”(යි පවසනු ලැබේ).

37 : 22,23 අපරාධකරුවන් ද ඔවුනට සහය දුන් අය ද අල්ලාහ් හැර ඔවුන් නමදමින් සිටි දැය ද එක් රැස් කරන්න. ඔවුනට නිරයේ ම පෙන්වන්න.26

37 : 24 “ඔවුහු විමසනු ලබන අය වෙති. ඔවුන් අල්ලා නතර කරන්නැ”(යි සුර දූතයින්ට පවසනු ලැබේ).

37 : 25 “නුඹලාට කුමක් සිදු වී ද? එකිනෙකාට උදව් නොකර සිටින්නේ ඇයි දැ”(යි අසනු ලැබේ).

37 : 26 එසේ සිදු නොවේ. අද1ඔවුහු යටත් වූ අය වෙති.

37 : 27 ඔවුන්ගෙන් කෙනෙක් තවත් කෙනෙකු වෙත හැරී එකිනෙකාගෙන් විමසා ගනිති.

37 : 28 “නුඹලා ම අප කෙරෙහි බලය පතුරුවමින් සිටියෙහු යැ”යි (ඇතැම්හු) පවසති.

37 : 29 “නැත.නුඹලා ම විශ්වාස කරන්නෝ නොවූවෙහු යැ”යි (තවත් සමහරු) පිළිතුරු දෙති.

37 : 30 “නුඹලා කෙරෙහි අපට කිසිඳු බලයක් නොතිබුණි. නමුත් නුඹලා නොමග ගිය පිරිසක් වූවෙහු ය.”

37 : 31 “එබැවින් අප දෙවියන්ගේ අණ අපට එරෙහිව ස්ථීර විය. (එහි ප්‍රතිවිපාක) අපි භුක්ති විඳින්නෙමු.”

37 : 32 “අපි නුඹලා නොමග යැවීමු. අපිත් නොමග ගියවුන් වූයෙමු” (යි ද ඔවුහු පවසති.)

37 : 33 එදින ඔවුහු වේදනාවෙහි හවුල්කරුවෝ ය.

37 : 34 අපි වරදකරුවන් සම්බන්ධයෙන් කටයුතු කරන්නේ මෙලෙස ය.

37 : 35 “අල්ලාහ් හැර නැමදීමට සුදුස්සා අන් කිසිවෙක් නැතැ”යි ඔවුනට පවසන ලද්දේ නම් ඔවුහු උඩඟු වූ වන් ව සිටිය හ.

37 : 36 “උමතු468 කවිකාරයෙකු වෙනුවෙන් අපගේ දෙවි වරුන් අපි අත් හරින්නෙමු දැ”යි ඔවුහු අසති.

37 : 37 එසේ නොවේ. ඔහු සත්‍යය ගෙනැවිත් ඇත. ඔහු දූතයින් සත්‍ය කරවයි.

37 : 38 නුඹලා පීඩාකාරී වේදනාව රස විඳින්නෝ වන්නෙහු ය.

37 : 39 නුඹලා කරමින් සිටි දැයට මිස (අන් කිසිවකට) කුලී පිරිනමනු නොලබන්නෙහු ය.

37 : 40 තෝරා ගන්නා ලද අල්ලාහ්ගේ වහලූන් හැර.

37 : 41,42,43 ප්‍රමෝදමත් ස්වර්ගයන්හි ඔවුනට නියමිත ආහාරයක් ද පලතුරු ද ඇත. ඔවුහු ගෞරව ද කරනු ලබති.26 37 : 44

ඔවුහු යහන්හි මුහුණට මුහුණලා සිටිති. 37 : 45

සුරා උල්පත් වලින් (පුරවන ලද) කුසලාන ඔවුන් වටා එනු ලැබේ.

37 : 46 එය සුදු පැහැයෙන් ද පානය කරන්නන්ට ආස්වාදජනක ද වේ.

37 : 47 එහි කිසිඳු හානියක් නැත. ඔවුහු මත් කරවනු ද නොලබති.

37 : 48,49 ඔවුන් සමඟ දමිත බැල්මෙන් යුත් දිගැසියන්8 සඟවා තබන ලද බිත්තර මෙන් සිටිති.26

37 : 50 ඔවුන්ගෙන් කෙනෙක් වෙනත් කෙනෙකු වෙත හැරී එකිනෙකා විමසා ගනිති.

37 : 51,52,53 ”මට මිතුරෙක් සිටියේ ය. නුඹත් (පරලොව) ගැන විශ්වාස කරන අයගෙන් කෙනෙක් ද? අපි මැරී පස් හා ඇට කටු බවට පත් වන විට අපි කුලී දෙනු ලබන්නෙමු දැ”යි (මාගෙන් ඇසී යයි) ඔවුන්ගෙන් කෙනෙක් පැවසීය.26

37 : 54 නුඹලා (ඔහුව) එබී බලන්නෙහු දැයි (දෙවියන්) අසයි.

37 : 55 ඔහු එබී බලන විට ඔහුව නිරය මැද දකියි.

37 : 56 “අල්ලාහ් මත දිවුරමි. නුඹ මා වළකට තල්ලූ කිරීමට අදහස් කළෙහි යැ”යි ඔහු (ඒ නිරා වැසියාට) පවසයි.

37 : 57 මාගේ දෙවියන්ගේ අනුග්‍රහයක් නොවූයේ නම් (නිරයට) ගෙන එන ලද අය අතර මා ද සිටින්නෙමි.

37 : 58,59 අපගේ පළමු මරණය මිස, අපි මැරෙන අය නොවෙමුදෝ? අපි දඩුවම් කරනු ලබන අය නොවෙමු දෝ? (යනුවෙන් ද ඔහුගෙන් අසයි).26

37 : 60 ඉමහත් ජයග්‍රහණය මෙයයි.

37 : 61 ක්‍රියා කරන්නෝ මෙබන්දකට ම ක්‍රියා කරත්වා.

37 : 62 මෙය විශිෂ්ට නවාතැනක් ද? නැතහොත් සක්කුම් ගස ද?

37 : 63 අපි එය අපරාධකරුවන්ට පරීක්ෂණයක් කළෙමු.

37 : 64 එය නිරය පතුලේ සිට හෙළිවන ගසකි.

37 : 65 එහි කොළපුව ෙෂෙතාන් වරුන්ගේ ඔළු වැනි ය.

37 : 66 ඔවුහු එයින් අනුභව කරති. එයින් කුස වල් පුරවා ගනිති.

37 : 67 පසුව ඔවුනට ඒ මත උණු කරන ලද පානයක් ද ඇත.

37 : 68 තව ද ඔවුන් ආපසු පැමිණෙන තැන නිරය ම ය.

37 : 69 ඔවුහු තම මුතුන් මිත්තන් නොමග ගියවුන් ලෙස ම දුටූ හ.

37 : 70 ඔවුන්ගේ පා සටහන්හි ම මොවුහු අදිනු ලබති.

37 : 71 මුතුන් මිත්තන්ගෙන් වැඩි දෙනෙක් මොවුනට පෙර නොමග ගොස් සිටියහ.

37 : 72 ඔවුන් වෙත අවවාද කරන්නන් එවීමු.

37 : 73,74 ”තෝරා ගන්නා ලද අල්ලාහ්ගේ වහලූන් මිස අවවාද කරනු ලැබුවන්ගේ අවසානය කෙබඳු වී දැයි බලන්න.26

37 : 75 නූහ් අප වෙත ප්‍රාර්ථනා කළේ ය. අපි පිළිගන්නා අයගෙන් විශිෂ්ට අය වෙමු.

37 : 76 ඔහු ද ඔහුගේ පවුලේ අය ද මහත් විපතින් ආරක්ෂා කළෙමු.

37 : 77 ඔහුගේ පෙළපත ම සෙස්සන් කළෙමු.

37 : 78 මතු පරපුර අතර ඔහුගේ ප්‍රශංසාව සදා පැවතීමට සැලැස්වීමු.

37 : 79 ලෝවැසියන් අතර නූහ්ට සලාම්159 උදා වේවා`

37 : 80 අපි සත් පුරුෂයින්ට කුලී පිරිනමන්නේ මෙලෙස ය.

37 : 81 ඔහු විශ්වාස කළ අපගේ වහලෙක් විය.

37 : 82 පසුව අන් අය දියෙහි ගිල්වීමු.

37 : 83 ඔහුගේ පෙළපතෙහි කෙනෙකි, ඉබ්රාහීම්.

37 : 84 ඔහු තම දෙවියන් වෙත පිවිතුරු සිතකින් පැමිණි සැටි සිහි කරන්න.

37 : 85 “නුඹලා කවරකට නැමදුම් කරන්නෙහු දැ”යි තම පියාගෙන් ද තම ජන සමාජයෙන් ද ඇසූ සැටි සිහි කරන්න.

37 : 86 නුඹලා අල්ලාහ් හැර මනඃකල්පිත දෙවිවරුන් පතන්නෙහු ද?

37 : 87 විශ්වයේ දෙවියන් ගැන නුඹලාගේ අදහස කුමක් දැ(යි ඔහු ඇසීය.)

37 : 88 පසුව තරු දෙස ඕනෑකමින් බැලීය.

37 : 89 “මම ලෙඩෙක් මි”යි පැවසී ය.336

37 : 90 ඔවුහු ඔහු හැර දමා ගියහ.

37 : 91,92 ඔවුන්ගේ දෙවිවරුන් වෙත ගොස් “නුඹලා අනුභව නොකරන්නෙහු ද? නුඹලා කථා නොකරන්නේ ඇයි? නුඹලාට කුමක් සිදු වී දැ”යි ඇසී ය.26

37 : 93 පසුව ඒවා වෙතට (ළං වී) ගොස් බලවත් සේ පහර දුන්නේ ය.473

37 : 94 ඔවුහු ඔහු වෙතට ඉක්මනින් පැමිණිය හ.

37 : 95,96 ”නුඹලා නෙළුෑ දැය නුඹලා නමදින්නෙහු ද? අල්ලාහ් ම නුඹලා ද නුඹලා කරන දැය ද නිර්මාණය කළේ යැ”යි පැවසීය.26

37 : 97 “ඔහු වෙනුවෙන් ගොඩනැගිල්ලක් තනා දැල්වෙන ගින්නට ඔහු විසි කරන්නැ”යි ඔවුහු පැවසූ හ.

37 : 98 ඔවුහු ඔහුට එරෙහිව කුමන්ත්‍රණයක් කිරීමට සිතූ හ. අපි ඔවුන් අධමයින් කළෙමු.

37 : 99 “මම මාගේ දෙවියන් වෙතට යන්නෙමි. ඔහු මට ම. පෙන්වන්නේ යැ” යි පැවසීය.

37 : 100 “මාගේ දෙවියනි, මට හොඳ හැදියාවක් ඇති අයගෙන් කෙනෙකු (උරුමක්කරුවෙකු ලෙස) දෙනු මැනව` (යි ද ඇසීය).

37 : 101 ඔහුට ඉවසිලිවන්ත පිරිමි දරුවෙකු (ඉස්මායීල්) ගැන අපි සුබාරංචි කීවෙමු.

37 : 102 ඔහු (ඉස්මායීල්) හෙතෙම සමඟ උපයන අවධියක් .ද විට “මාගේ දයාබර පුතණුවනි, මම නුඹ කපා ඝාතනය කරන්නා සේ 455 සිහිනෙන්122 දුටුවෙමි. නුඹේ අදහස කුමක් දැයි සිතා බලා පවසන්නැ”යි (ඉබ්රාහිම්) ඇසීය. “මාගේ පියාණෙනි. ඔබට අණ කරනු ලැබූ දැය ඉටු කරන්න. අල්ලාහ් සිතුවේ නම් ඔබ මා ඉවසිලිවන්තයෙකු ලෙස දකින්නෙහි යැ”යි (ඉස්මායීල්) පිළිතුරු දුන්නේ ය.

37 : 103,104,105 ඒ දෙදෙනා ම අවනත වී ඔහු තම පුත්‍රයා මුණින් අතට හෙළුෑ විට “ඉබ්රාහිම්, ඔබ ඒ සිහිනය සැබෑ කළෙහි ය. යහපත කරන අයට අපි කුලී පිරිනමන්නේ මෙලෙස යැ”යි ඔහු අමතා පැවසීමු.26

37 : 106 ඉමහත් පරීක්ෂණය මෙයයි.

37 : 107 විශාල බිලි පුදන සත්ත්වයෙකු ඔහුට ඒ වෙනුවට දුනිමු.

37 : 108 මතු පරපුර අතර ඔහුගේ ප්‍රශංසාව සදා පැවතීමට සැලැස්වීමු.

37 : 109 ඉබ්රාහීම් කෙරෙහි සලාම්159 උදා වේවා`

37 : 110 යහපත කරන අයට අපි කුලී පිරිනමන්නේ මෙලෙස ය.

37 : 111 ඔහු විශ්වාස කළ අපේ වහලූන්ගෙන් කෙනෙක් ය.

37 : 112 නබිවරයෙක් ද සත් පුරුෂයෙක් ද වන ඉස්හාක් ගැන අපි ඔහුට සුබාරංචි කීවෙමු.

37 : 113 ඔහු කෙරෙහි ද ඉස්හාක් කෙරෙහි ද සෞභාග්‍යය උදා කළෙමු. ඒ දෙදෙනාගේ පෙළපතෙහි සත් පුරුෂයින් ද සිටිති. පැහැදිලිව ම තමන්ට ම අපරාධ කර ගත් අය ද සිටිති.

37 : 114 අපි මූසාට ද හාරූන්ට ද දයාව දැක්වීමු.

37 : 115 ඒ දෙදෙනා ද ඔවුන්ගේ ජන සමාජය ද මහත් විපතින් ආරක්ෂා කළෙමු.

37 : 116 ඔවුන්ට උදව් කළෙමු.එබැවින් ඔවුහු ජයග්‍රාහකයෝ වූ හ.

37 : 117 ඔවුන් දෙදෙනාට පැහැදිලි ධර්ම ග්‍රන්ථය පිරිනැමුවෙමු

37 : 118 ඒ දෙදෙනාට ම සෘජු මාර්ගය පෙන්වීමු.

37 : 119 මතු පරපුර අතර ඒ දෙදෙනාගේ ප්‍රශංසාව සදා පැවතීමට සැලැස්වීමු.

37 : 120 මූසා කෙරෙහි ද හාරූන් කෙරෙහි ද සලාම්159 උදා වේවා`

37 : 121 යහපත කරන අයට අපි කුලී පිරිනමන්නේ මෙලෙස ය.

37 : 122 ඒ දෙදෙනා ම විශ්වාස කළ අපේ වහලූන් ය

37 : 123 ඉල්යාස් ද දූතයින්ගෙන් කෙනෙක් ම ය.

37 : 124,125,126,127 ”නුඹලා බිය නොවන්නෙහු ද? අලංකාර නිර්මාණකරු ද නුඹලාගේ දෙවියන් ද නුඹලාගේ මුතුන් මිත්තන්ගේ දෙවියන් ද වන අල්ලාහ් හැර දමා බඅල් නමැති ප්‍රතිමාව වෙත ප්‍රාර්ථනා කරන්නෙහු දැ”යි ඔහු තම ජනතාවට කී විට ඔහු අසත්‍ය පවසන්නෙක් යැයි ඔවුහු සිතූ හ. ඔවුහු (අප වෙත) ගෙන එනු .බති.26

37 : 128 තෝරා ගන්නා ලද අල්ලාහ්ගේ වහලූන් හැර.

37 : 129 මතු පරපුර අතර ඔහුගේ ප්‍රශංසාව සදා පැවතීමට සැලැස්වීමු.

37 : 130 ඉල්යාසීන් කෙරෙහි සලාම්159 උදා වේවා`

37 : 131 යහපත කරන අයට අපි කුලී පිරිනමන්නේ මෙලෙස ය.

37 : 132 ඔහු විශ්වාස කළ අපේ වහලූන්ගෙන් කෙනෙක් ය.

37 : 133 ලුත් ද දූතයින්ගෙන් කෙනෙක් ය.

37 : 134,135 අපි ඔහු ද (විනාශ වන අය සමඟ) නතර වූ මැහැල්ලිය හැර ඔහුගේ පවුලේ අය සියල්ලන් ද ආරක්ෂා කළ සැටි සිහි කරන්න.26

37 : 136 පසුව අනෙක් අය සහමුලින් ම විනාශ කළෙමු.

37 : 137,138 උදෑසන සමයෙහි ද රාත්‍රියෙහි ද නුඹලා ඔවුන් පසු කර යන්නෙහු ය. නුඹලා වටහා නොගන්නෙහු ද?26

37 : 139 යූනුස් ද දූතයින්ගෙන් කෙනෙක් ය.

37 : 140,141 ඔහු පුරවන ලද නැව දෙසට පලා ගිය විට ඔවුහු (නැවෙන් බැහැර කරන්නේ කවරෙකුව දැයි තීරණය කිරීමට) කුසපත් ඇද්ද හ. ඔහු පරාජිත අයගෙන් කෙනෙක් විය.26

37 : 142 ඔහු නින්දාවට පත් ව සිටිය දී මත්ස්‍යයා ඔහු ගිල ගත්තේ ය.508

37 : 143,144 ඔහු (අප) සුවිශුද්ධ නොකර සිටියේ නම් ඔවුන් පණගන්වා නැගිටුවනු ලබන දිනය1 දක්වා උගේ කුස තුළ ම ඔහු රැඳී සිටිනු ඇත.26

37 : 145 අපි ඔහු රෝගියෙකු ලෙසින් එළිමහනෙහි විසි කළෙමු.

37 : 146 ඔහු කෙරෙහි (සෙවණ දෙනු පිණිස) ලබු වැලක් හට ගැන්වීමු.

37 : 147 ඔහු ලකෂයකට හෝ (ඊට වඩා) වැඩි දෙනෙකුට452 දූතයෙක් ලෙස එවීමු.

37 : 148ඔවුහු විශ්වාස කළහ. අපි ඔවුන්ට නියමිත කාලයක් දක්වා සැප සම්පත් දුනිමු.

37 : 149 “ඔබේ දෙවියන්ට ගැහැනු දරුවන්` මොවුන්ට පිරිමි දරුවන් දැ”යි මොවුන්ගෙන් අසන්න.

37 : 150අපි සුර දූතයින් ස්ත්‍රීන් ලෙසින් නිර්මාණය කරන විට මොවුහු බලා සිටියෝ ද?

37 : 151,152 දැන ගන්න. අල්ලාහ් (දරුවන්) වැදීය යයි ඔවුහු ප්‍රබන්ධ කර පවසති. ඔවුහු අසත්‍ය පවසන්නෝ වෙති.26

37 : 153 ඔහු පිරිමි දරුවන්ට වඩා ගැහැනු දරුවන් තෝරා ගත්තේ ද?

37 : 154 නුඹලාට කුමක් සිදු වී ද? නුඹලා කෙසේ විනිශ්චය කරන්නෙහු ද?

37 : 155 නුඹලා සිතා නොබගන්නෙහු ද?

37 : 156 නැතහොත් නුඹලාට පැහැදිලි සාධකයක් තිබේ ද?

37 : 157 නුඹලා සත්‍යවන්තයින් නම් නුඹලාගේ ධර්ම ග්‍රන්ථය ගෙන එන්න.

37 : 158 ඔහු අතර ද ජින් වරුන් අතර ද පරම්පරා නෑකමක් ඔවුහු මනඃකල්පිතව ඇති කළහ. තමන් (දෙවියන් හමුවේ) නතර කරනු ලබන බව ජින්වරු දැන සිටිති.

37 : 159 ඔවුන් ප්‍රකාශ කරන දැය කෙරෙන් අල්ලාහ් සුවිශුද්ධවන්තයා ය.10

37 : 160 තෝරා ගන්නා ලද අල්ලාහ්ගේ වහලූන් හැර.

37 : 161,162,163 නුඹලා ද නුඹලා නමදින දැය ද නිරා ගින්නෙහි දැවෙන කෙනෙකු මිස (අන් කිසිවෙකු) නොමග යැවිය නොහැකිය.26 37 : 164,165,166

අපෙන් කව්රුන් වූවත් ඔහුට නියමිත ස්ථානයක් ඇත. අපි පෙළ ගැසී සිටින්නෝ වෙමු. අපි සුවිශුද්ධ කරන්නෝ වෙමු(යි සුර දූතවරු පවසති).26

37 : 167,168,169 ”මුතුන් මිත්තන් මාර්ගයෙන් අපට අනුශාසනාවක් ලැබී තිබුණේ නම් තෝරා ගන්නා ලද අල්ලාහ්ගේ වහලූන් වී ඇත්තෙමු”යි (සමානයන් කල්පනය කරන අය) ප්‍රකාශ කරමින් සිටිය හ.26

37 : 170 දැන් ඔවුහු එය ප්‍රතික්ෂේප කරති. මතුවට දැන ගනිති.

37 : 171 අපේ වහලූන් වන දූතයින්ට අපගේ අණ ඉක්මවා ගියේය.

37 : 172 ඔවුහු උදව් කරනු ගබති.

37 : 173 අපගේ සේනාව ම ජය ලබන්නෝ වෙති.

37 : 174 නියමිත කාලයක් දක්වා ඔවුන්ට පිටු පාන්න.

37 : 175 ඔවුන් බලා සිටින්න. ඔවුහු ද මතුවට බලති.

37 : 176 අපේ වේදනාව ද. ඔවුන් ඉක්මනින් ම සොයන්නේ?

37 : 177 එය ඔවුන්ගේ මිදුලෙහි පහළ වූයේ නම් අවවාදිත අයගේ උදෑසන අයහපත් එකක් බවට පත් වනු ඇත.

37 : 178 නියමිත කාලයක් දක්වා ඔවුන්ට පිටු පාන්න.

37 : 179 ඔවුන් බලා සිටින්න. ඔවුහු ද මතුවට බලති.

37 : 180 ගෞරවයේ අධිපති වන ඔබේ දෙවියන් ඔවුන් ප්‍රකාශ කරන දැය කෙරෙන් සුවිශුද්ධවන්තයා ය.10

37 : 181 දූතයින් කෙරෙහි සලාම්159 උදා වේවා`

37 : 182 විශ්වයේ දෙවියන් වන අල්ලාහ්ට ම සියලූ ප්‍රශංසා හිමිය.