34 : සබා – ග්‍රාම නාමයක්

සබා – ග්‍රාම නාමයක්

පරිච්ඡේදය: 34

මුළු වැකි ගණන : 54

සබා නමැති ග්‍රාමය පිළිබඳව ද ඒ ග්‍රාමයට සශ්‍රීකත්වයට පත් කිරීම පිළිබඳව ද ඒ ග්‍රාම වාසීන් කෘතඥ නොවූ විට සශ්‍රීකත්වය පහ කිරීම පිළිබඳව ද 15ල 16ල 17 ආදී වැකි වල සඳහන් වන බැවින් මේඑ පරිච්ඡේදයට මෙසේ නම් කරන ලදී.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

34 : 01 සියලූ ප්‍රශංසා අල්ලාහ්ට ම හිමිය. අහස්හි තිඛෙන දැය ද පොළොවෙහි තිඛෙන දැය ද ඔහුට ම හිමිය. පරලොවෙහි ද1 ප්‍රශංසාව ඔහුට ම හිමිය. ඔහු ප්‍රඥාවන්තයා යත ප්‍රවීණයා ය.

34 : 02 පොළොවෙහි ඇතුල් වන දැය ද එයින් පිට වන දැය ද අහසින් පහළ වන දැය ද එදෙසට ඉහළට ගමන් කරන දැය ද ඔහු දනියි. ඔහු අසම සම දයාවන්තයා යත ක්ෂමා කරන්නා ය.

34 : 03 “යුගානAත මොහොත1අප වෙත නොපැමිණෙන්නේ යැ”යි (එකම දෙවියන්) ප්‍රතික්ෂේප කරන අය පවසති. එසේ නොවේ`. මාගේ දෙවියන් මත දිවුරා පවසමි. එය නුඹලා වෙත පැමිණෙන්නේ ම ය. ඔහු ගුප්ත දැය ගැන දනියි. අහස් හි හෝ පොළොවෙහි හෝ අංශු මාත්‍රයක් හෝ ඊට වඩා කුඩා දෙයක් හෝ ඊට වඩා විශාල දෙයක් හෝ ඔහුගෙන් සැඟවී නොයනු ඇත. ඒවා පැහැදිලි ලේඛනයෙහි157 නැතුවා නොවේ” යැයි පවසන්න.

34 : 04 විශ්වාස කොට යහපත් කි්‍රයා කරන අයට ඔහු තිළිණ පිරිනමනු පිණිස (මෙලෙස වාර්තා කරනු ලැබේ). ඔවුනට ක්ෂමාවක් ද වටිනා ආහාරයක් ද ඇත.

34 : 05 අපගේ වැකි වල අප ජය ගැනීමට උත්සහ කරන අයට දඬුවමක් ලෙස පීඩාකාරී වේදනාවක් ම ඇත.

34 : 06 (මුහම්මද්ල) ඔබේ දෙවියන්ගෙන් ඔබට පහළ වූ දේ සත්‍යය බව අධ්යාපනය දෙන ලද අය අදහස් කරති. තව ද එය ප්‍රශංසනීය අබිබවන්නාගේ ම. දෙසට ම. පෙන්වයි.

34 : 07 “නුඹලා සහමුලින් ම කුඩා කැබලි වශයෙන් විකෘති වීමෙන් පසු අලූත් මැවීමක් බවට පත් වන්නෙහුයැයි නුඹලාට පවසන මිනිසෙක් ගැන අපි නුඹලාට දන්වන්නෙමු දැ”යි (එක ම දෙවියන්) ප්‍රතික්ෂේප කරන අය අසති.

34 : 08 මොහු අල්ලාහ් කෙරෙහි ප්‍රබන්ධ කළේ ද? නැතහොත් මොහුට උන්මාදයක් ද? එසේ නොවේ. පරලොව ගැන විශ්වාස නොකරන අය වේදනාවේ ද ඈතින් වූ දුර් මාර්ගයේ ද සිටිති.

34 : 09 අහස්හි ද පොළොවෙහි ද තමන්ට ඉදිරියෙන් තිඛෙන දැය ද තමන්ට පිටු පසින් තිඛෙන දැය ද ඔවුහු නුදුටුවෝ ද? අපි සිතුවෙමු නම් පොළොවෙහි ඔවුන් වැළලීමට සලස්වා ඇත්තෙමු. නැතහොත් ඔවුන් කෙරෙහි අහසින් කොටසක් වැටෙන්නට සලස්වා ඇත්තෙමු. ශිෂ්ට වන සෑම වහලෙකුට ම මෙහි සාධකයක් ඇත.

34 : 10,11 දාවුද්ට අපෙන් අනුග්‍රහයක් පිරිනැමුවෙමු. “කඳු හා පක්ෂීණී, ඔහු සමඟ එක් වී සුවිශුද්ධ කරන්නැ” යි කීවෙමු. “සන්නාහයන් තනන්න. ඒවාහි පුරුක් පිළිවෙලට සකස් කරන්නැ”යි (පවසා) ඔහුට යකඩ මොළොක් කළෙමු. “යහපත් කි්‍රයා කරන්න. නුඹලා කරන දේ ගැන මම බලන්නෙක්මි”යි488 ද පැවසීමු.26

34 : 12 සුලෙයිමාන්ට සුළඟ වසඟ කළෙමු. එහි නික්ම යාම මසක් ය. එහි ආපසු ඒම මසක් ය.325 ඔහු වෙනුවෙන් තඹ උල්පතක් ගලන්නට සැලැස්වීමු. තම දෙවියන්ගේ කැමැත්ත පරිදි ඔහු ඉදිරියෙහි වැඩ කරන ජින්වරු ද සිටිය හ. ඔවුන්ගෙන් යම් කෙනෙක් අපගේ අණට පිටු පෑවේ නම් ඔහුට නිරයේ වේදනාව රස විඳීමට සලස්වන්නෙමු.

34 : 13 ඔහු ප්‍රිය කරන මාළිගාවන් ද ප්‍රතිමාවන් ද326 තටාක වැනි තඹ කල්දම් ද චලනය කළ නොහැකි භාජන ද ඔහු වෙනුවෙන් ඔවුහු සකස් කළහ. “දාවුද්ගේ ගෙවැසියනිල කෘතඥව කටයුතු කරන්න. මාගේ වහලූන්ගෙන් කෘතඥව සිටින අය සුළු පිරිසක් ම සිටිති” (යි අපි පැවසීමු).

34 : 14 අපි ඔහුට මරණය නියම කළ විට පොළොවෙහි බඩ ගා යන ජීවියා (වේයා) ම ඔහුගේ මරණය පෙන්වා දුන්නේ ය. ඌ ඔහුගේ සැරයටිය කා දැමීය. ඔහු බිම වැටුණු වි.ස “අපි ගුප්ත දැය ගැන දැන සිටියෙමු නම් මේ නින්දනීය වේදනාවෙහි නොසිටින්නෙමු” යන්න ජින්වරු වටහා ගත්හ.327

34 : 15 සබාවාසීන්ට ඔවුන්ගේ වාසස්ථානයන්හි සාධකයක් ඇත. එහි දකුණු පස ද වම් පස ද උයන් දෙකක් (විය). “නුඹලාගේ දෙවියන්ගේ ආහාර අනුභව කරන්න. ඔහුට කෘතඥ වන්නැ”(යි ඔවුනට පවසන ලදී). ගම්මානය ද හොඳ ගම්මානයකි. දෙවියන් ද ක්ෂමා කරන්නෙකි.

34 : 16 නමුත් ඔවුහු පිටුපෑ හ. එබැවින් අපි ඔවුන් වෙත මහා ජල ගැල්මක් එවීමු. ඇඹුල් හා තිත්ත රසැති තණ කොළ ද මසන් ගස් ස්වල්පයකින් ද යුත් වෙනත් උයන් දෙකක් බවට ඔවුන්ගේ උයන් දෙක පත් කළෙමු.

34 : 17 ඔවුන් (අප) ප්‍රතික්ෂේප කළ බැවින් අපි මෙලෙස දඬුවම් කළෙමු. (අප) ප්‍රතික්ෂේප කළ අයට මිස අන් අයට අපි දඬුවම් කරන්නෙමු ද?

34 : 18 අපි සෞභාග්යමත් කළ ගම්මාන ද ඔවුන් ද අතර ප්‍රත්‍යක්ෂව පෙනෙන සුළු ගම්මානයන් බිහි කළෙමු. ඒවා හි ගමනාගමනය ද ඇති කළෙමු. බියෙන් තොරව දිවා රෑ ගමන් කරන්නැ (යි ද පැවසීමු).

34 : 19 “අපගේ දෙවියනිල අපට දුර බැහැර ගමන් බිමන් සලසනු මැනවැ”යි පවසා ඔවුහු තමන්ට ම අපරාධ කර ගත් හ. අපි ඔවුන් පුරාණ කථා බවට පත් කළෙමු. ඔවුන් සහමුලින් ම විරූපණය කළෙමු. ඉවසීම හා කෘත ගුණයෙන් යුක්ත සෑම කෙනෙකුට ම මෙහි සාධක රැසක් ඇත.

34 : 20 ඔවුන් විෂයයෙහි ඉබ්ලීස් සිය වේතනාවහි ජය ගත්තේ ය. විශ්වාස කළ අයගෙන් පිරිසක් හැර (අන් අය) ඔහු අනුගමනය කළහ.

34 : 21 ඔහුට ඔවුන් මත කිසිඳු බලයක් නොවීය. පරලොව ගැන විශ්වාස කරන්නා ද සැක කරන්නා ද වෙන් කර පෙන්වනු පිණිස (මෙය සිදු විය). ඔබේ දෙවියන් සියලූ දේ ආරක්ෂා කරන්නෙකි.

34 : 22 “අල්ලාහ් හැර නුඹලා මනඃකල්පිතව සිතන දේ කැඳවා බලන්න. ඔවුහු අහස්හි ද පොළොවෙහි ද අංශු මාත්‍රයක්වත් බලය නොලබති. එදෙකෙහි ඔවුනට කිසිඳු කොටසක් නැත. ඔවුන්ගෙන් ඔහුට කිසිඳු උදව්කරුවෙක් ද නැතැ”යි පවසන්න.

34 : 23 ඔහු කවරෙකුට අවසර දුන්නේ ද ඔහුට මිස ඔහු වෙත මැදිහත් වීම17ප්‍රයෝජනවත් නොවේ. අවසානයේ දී ඔවුන්ගේ සිත් වලින් කම්පනය පහව ගිය විට “නුඹලාගේ දෙවියන් ප්‍රකාශ කළ දේ කුමක්දැ”යි විමසා ගනිති. “සත්‍යය ම (ප්‍රකාශ කළේය). ඔහු උත්කෘෂ්ට ය ශ්‍රේෂ්ඨ යැ”යි පවසති.

34 : 24 “අහස් වලින් ද පොළොවෙන් ද නුඹලාට ආහාර සපයන්නේ කවරෙක් දැ” යි (මුහම්මද්,) අසා “අල්ලාහ් ම” යැයි පවසන්න. අපි හෝ නුඹලා හෝ යහ මාර්ගයෙහි හෝ ප්‍රකට දුර් මාර්ගයෙහි හෝ සිටින්නෙමු.”

34 : 25 “අපි කළ වැරදි ගැන නුඹලා විමසනු නොලබන්නෙහු ය. නුඹලා කළ දේ ගැන අපි විමසනු නොලබන්නෙමු”යි ද පවසන්න.

34 : 26 “අපේ දෙවියන් අප එක් රැස් කරයි. පසුව අප අතර යුක්තිසහගතව විනිශ්චය කරයි. ඔහු විනිශ්චය කරන්නා ය සර්වඥ යැ”යි ද පවසන්න.

34 : 27 “නුඹලා ඔහුට සමානව කල්පනය කරන අය අපට පෙන්වන්නැ”යි ද පවසන්න. එසේ නොවේ. නමුත් අබිබවන්නා ද ප්‍රඥාවන්තයා ද වන අල්ලාහ් ඔහු ය.

34 : 28 (මුහම්මද්ල) සුබාරංචි කියන්නෙකු ලෙස ද අවවාද කරන්නෙකු ලෙස ද මුළු මානව සංහතියට ම281 අපි ඔබ එවා ඇත්තෙමු. නමුත් මිනිසුන්ගෙන් වැඩි දෙනෙක් නොදනිති.187

34 : 29 “නුඹලා සත්‍යවන්තයින් නම් මේ අවවාදය (ඉටු වන්නේ) කවරදා දැ”යි ඔවුහු අසති.

34 : 30 “නුඹලා වෙනුවෙන් ම පොරොන්දු වන ලද දිනයක්1 ඇත. එයින් සුළු මොහොතක් හෝ පමා නොවන්නෙහු ය. ඉක්මන් ද නොවන්නෙහු යැ”යි පවසන්න.

34 : 31 “මේ කුර්ආනය ද එයට පෙර පැවති දේ4 ගැන ද කිසිසේත් ම විශ්වාස නොකරන්නෙමු”යි (එකම දෙවියන්) ප්‍රතික්ෂේප කරන අය පවසති. අපරාධ කළ අය තම දෙවියන් හමුවේ නතර කරනු ලබන විට දී ඔබ දුටුවෙහි නම්, ඔවුන්ගෙන් කෙනෙක් තවත් කෙනෙකුට දොස් පවරති. “නුඹලා නොසිටියෙහු නම් අපිත් විශ්වාස කර ඇත්තෙමු”යි දුබලව සිටි අය උඩඟු වෙමින් සිටි අයට පවසති.

34 : 32 “යහ මග නුඹලා වෙත පැමිණි විට නුඹලා එයින් වැළැක්වූයේ අපි ද? නැත. නමුත් නුඹලා ම වරදකරුවෝ වූයෙහු යැ”යි උඩඟු වූ අය දුබලයින්ට පවසති.

34 : 33 “අල්ලාහ් ප්‍රතික්ෂේප කරන ලෙසත් ඔහුට සමානයන් කල්පනය කරන ලෙසත් නුඹලා අපට අණ කළ විට දිවා රෑ කළ කුමන්ත්‍රණය ම (අප නොමග යැවීයැ)”යි උඩඟු වූ අයට දුබලයෝ පවසති. ඔවුහු වේදනාව දකින විට ශෝකය සිත් තුළ සඟවා තබා ගනිති. (අප) ප්‍රතික්ෂේප කරන අයගේ ගෙලවල්හි විලංගු දමන්නෙමු. ඔවුන් කරමින් සිටි දැයට මිස (අන් කිසිවකට) ඔවුහු දඬුවම් කරනු ලබන්නෝ ද?

34 : 34 අපි කවර ගම්මානයකට අවවාද කරන්නෙකු එවූව ද “කවරක් දී එවන ලද්දෙහු ද එය අපි ප්‍රතික්ෂේප කරන අය වෙමු”යි එහි සුඛෝපභෝගීව ජීවත් වූ අය නොපවසා සිටියේ නැත.

34 : 35 “අපි අධිකව ධන සම්පත ද දරු සම්පත ද ලද අය වෙමු. අපි දඬුවම් කරනු ලබන අය නොවෙමු”යි ද ඔවුහු පැවසූ හ.

34 : 36 “මාගේ දෙවියන් ඔහු සිතන අයට ධනය වැඩියෙන් පිරිනමයි. අඩුවෙන් ද පිරිනමයි. නමුත් මිනිසුන්ගෙන් වැඩි දෙනෙක් නොදනිති”යි පවසන්න.

34 : 37 නුඹලාගේ දරු සම්පත ද ධන සම්පත ද අප වෙත ළං වීමක් ඇති කරන ඒවා නොවේ. විශ්වාස කොට යහපත් කි්‍රයා කළ අය හැර. ඔවුනට ඔවුන් කළ දැයින් කිහිප ගුණයක් කුලී ඇත. ඔවුහු උස් වූ මාළිගා වල ශෝකයෙන් තොරව සිටිති.

34 : 38 අපේ වැකි වල (අප) ජය ගැනීමට උත්සහ කරන අය වේදනාව ඉදිරිපිට නතර කරනු ලබති.

34 : 39 “මාගේ දෙවියන් තම වහලූන්ගෙන් තමා සිතන අයට ධනය වැඩියෙන් පිරිනමයි. තමා සිතන අයට එය අඩුවෙන් ද පිරිනමයි. නුඹලා (යහපත් මාර්ගයේ) කවර නම් දැයක් වියදම් කළත් ඔහු ඒ සඳහා වූ ඵල විපාක පිරිනමයි. ඔහු සම්පත් දෙන්නන්ගෙන් අති විශිෂ්ටයැ”යි පවසන්න.

34 : 40 (එය) ඔහු ඔවුන් සියල්ලන් ම එක් රැස් කරන දිනය යි.1 පසුව “මොවුන් නැමදුම් කරමින් සිටියේ නුඹලාට දැ”යි ඔහු සුර දූතයින්ගෙන් අසයි.

34 : 41 “ඔබ සුවිශුද්ධවන්තයා ය.10 අපගේ ආරක්ෂකයා ඔබ ම ය. ඔවුන් (සමඟ අපට කිසිඳු සම්බන්ධයක්) නැත. නමුත් මොවුහු ජින්වරුන් නමදිමින් සිටිය හ. මොවුන්ගෙන් වැඩි දෙනෙක් ඔවුන් ගැන විශ්වාස කළහ”යි පවසති.

34 : 42 එබැවින් අද දින නුඹලාගෙන් කෙනෙක් තවත් කෙනෙකුට කිසිඳු යහපතක් ද අයහපතක් ද කිරීමට බලය නොලබන්නෙහු ය. “නුඹලා අසත්‍ය යැයි සිතූ නිරය නමැති වේදනාව රස විඳින්නැ”යි අපරාධකරුවන්ට පවසන්නෙමු.

34 : 43 අපේ පැහැදිලි වැකි ඔවුනට පවසනු ලබන විට “මොහු නුඹලාගේ මුතුන් මිත්තන් නමදිමින් සිටි දැයින් නුඹලා වළක්වන්නට සිතන මිනිසෙක් ම යැ”යි ඔවුහු පවසති. “මෙය ප්‍රබන්ධ කරන ලද අපවාදයක් යැ”යි ද පවසති. තමන් වෙත සත්‍යය පැමිණි විට “මෙය පැහැදිලි හූනියමක් මිස වෙන නැතැ”යි (එකම දෙවියන්) ප්‍රතික්ෂේප කරන අය පවසති.

34 : 44 ඔවුන් කියවන සුළු කිසිඳු ධර්ම ග්‍රන්ථයක් අපි ඔවුනට නුදුනිමු. (මුහම්මද්,) ඔබට පෙර ඔවුන් වෙත අවවාද කරන කිසිවෙකු අපි නො එවීමු.

34 : 45 මොවුනට පෙර සිටි අය ද අසත්‍ය යැයි සිතූහ. අපි ඔවුනට දුන් දැයින් දහයෙන් පංගුවක් (වත්) මොවුන් ලබා නැත. ඔවුහු මාගේ දූතයින් අසත්‍ය පවසන්නන් යැයි සිතූහ. මාගේ ප්‍රති ප්‍රහාරය කෙබඳු වී ද?

34 : 46 “නුඹලා දෙදෙනා බැගින් හෝ තනිව ම හෝ අල්ලාහ් වෙනුවෙන් මදක් කාලය වෙන් කර නුඹලාගේ මිත්‍රයාට (මට) කිසිඳු උන්මාදයක් නැත.468 දරුණු වේදනාවකට පෙර ඔහු නුඹලාට අවවාද කරන්නෙක් මිස වෙන නොමැති බව නුඹලා සිතිය යුතුය යන එක ම කාරණාව ම මම නුඹලාට අනුශාසනා කරමි”යි පවසන්න.

34 : 47 “මම නුඹලාගෙන් කිසිඳු කුලියක් නොඉල්ලූවෙමි. එය නුඹලාට ම හිමිය. මාගේ කුලිය අල්ලාහ් වෙත මිස (කිසිවෙකු වෙත) නැත. ඔහු සියලූ දේ බලන්නෙක්488 යැ”යි පවසන්න.

34 : 48 “මාගේ දෙවියන් සත්‍යය ම දමයි. (ඔහු) ගුප්ත දෑහි සර්වඥයෙක් යැ”යි පවසන්න.

34 : 49 “සත්‍යය සම්ප්‍රාප්ත විය. ව්‍යාජ (දෙවියන් කිසිවක්) නිර්මාණය නොකළේය. නැවත කිසිවක් නිර්මාණය කරන්නේ ද නැතැ”යි පවසන්න.

34 : 50 “මම නොමග ගියහොත් මට එරෙහිව ම නොමග යන්නෙමි. මම යහ මග ලදහොත් එය මාගේ දෙවියන් මට දැන් වූ දූත පණිවුඩය488 හේතුවෙනි.81 ඔහු සවන් දෙන්නෙකිත සමීපව සිටින්නෙකි”යි49 (මුහම්මද්,) පවසන්න. ඔබ දුටුවෙහි නම් ඔවුනට ගැලවී යෑමට නොහැකිය. ඔවුහු සමීප ස්ථානයකින් අල්ලා ගනු ලබති.

34 : 52 “අපි ඔහු ගැන විශ්වාස කළෙමු”යි ඔවුහු පවසති. දුර බැහැර ස්ථානයක සිට ගෙන (යමක්) අත් පත් කර ගන්නේ කෙසේ ද?

34 : 53 මීට පෙර ඔවුහු එය ප්‍රතික්ෂේප කළ හ. දුර බැහැර ස්ථානයක සිට ගෙන ගුප්ත දේ ගැන (සැක) හෙළමින් සිටිය හ.

34 : 54 මොවුන් වැනි අයට පෙර සිදු කරනු ලැබුවාක් මෙන් මොවුන් ද මොවුන් ප්‍රිය කළ දැය ද අතර තිරයක් දමන ලදී. මොවුහු දරුණු සැකයක ම සිටිය හ.