27 : අන් නම්ල් – කුහුඹුවා

අන් නම්ල් – කුහුඹුවා

පරිච්ඡේදය: 27

මුළු වැකි ගණන : 93

මෙම පරිච්ඡේදයේ 18 හා 19 වන වැකි වල කුහුඹුවා පිළිබඳව පුවතක් ප්‍රකාශ වන බැවින් මෙසේ නම් කරන ලදී.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

27 : 01 තා, සීන්.2 මේවා කුර්ආනයේ, පැහැදිලි ධර්ම ග්‍රන්ථයේ වැකි වේ.

27 : 02 (මෙය) විශ්වාස කළ අයට යහ මගක් ද සුබාරංචියක් ද වේ.

27 : 03 ඔවුහු සලාතය ඉටු කරති. සකාතය පිරිනමති. පරලොව1 ගැන ස්ථීර ලෙස විශ්වාස කරති.

27 : 04 පරලොව ගැන විශ්වාස නොකරන අයගේ කි්‍රයා අපි ඔවුනට අලංකාර කොට පෙන්වන්නෙමු. එබැවින් ඔවුහු අයාලේ යති.

27 : 05 ඔවුනට අයහපත් වේදනාවක් ඇත. පරලොවෙහි අලාභ ලද්දෝ ඔවුහු ම ය.

27 : 06 (මුහම්මද්,)සර්වඥයෙකු වූ ප්‍රඥාවන්තයෙකු වෙතින් ඔබට මෙම කුර්ආනය දෙනුු ලැබේ.

27 : 07 “මම ගින්නක් දුටුවෙමි. එයින් නුඹලාට පුවතක් ගෙන එන්නෙමි. නැතහොත් නුඹලා ගිනි තපිනු පිණිස ගිනි පෙනෙල්ලක් ගෙන එන්නෙමි”යි මූසා තම පවුලේ අයට ප්‍රකාශ කළ සැටි සිහි කරන්න.

27 : 08 ඔහු එතැනට පැමිණි විට “ගින්නෙහි සිටින්නා ද එහි අවට සිටින අය ද භාග්යය පිරිනමන ලද අය වෙති. විශ්වයේ දෙවියන් වන අල්ලාහ් සුවිශුද්ධවන්තයා යැ”යි10 දැනුම් දෙනු ලැබීය.

27 : 09 “මූසා, අබිබවන්නා ද ප්‍රඥාවන්තයා ද වන අල්ලාහ් මම වෙමි.”

27 : 10 “ඔබේ සැරයටිය දමන්නැ”(යි ද දැනුම් දෙනු ලැබිය). ඔහු එය දැමූ විගස එය සර්පයෙකු මෙන් නළියනු දැක පසු බැස පසු පස නොබලා දිවීය. “මූසා, බිය නොවන්න. දූතවරු මා වෙත බිය නොවෙති.”

27 : 11 නමුත් අපරාධ කොට අයහපතකට පසු යහපතක් ලෙස වෙනස් කරගත් තැනැත්තාට මම ක්ෂමා කරන්නෙක්මි අසම සම දයාවන්තයෙක්මි.

27 : 12 ”ඔබේ අත ඔබේ සාක්කුව තුළට දමන්න. එය කිසිඳු හානියකින් තොරව සුදු පැහැති ව හෙළි වනු ඇත. (මේවා) ෆිර්අවුන් වෙනුවෙන් ද ඔහුගේ ජනතාව වෙනුවෙන් ද සාධක නවය අතරෙහි ය. ඔවුහු වැරදි කරන පිරිසක් වෙති” (යි දෙවියන් පැවසීය.)

27 : 13 අපේ සාධක බැලිය හැකි අයුරින් ඔවුන් වෙත පැමිණි විට “මෙය පැහැදිලි හූනියමක් යැ”යි ඔවුහු පැවසූ හ.

27 : 14 ඔවුහු එය ස්ථීර ලෙස විශ්වාස කර සිටියත් අයුක්ති සහගතව ද අහංකාරව ද ප්‍රතික්ෂේප කළහ. “අවුල් ඇති කළ අයගේ අවසානය කෙබඳු වී දැ” යි බලන්න.

27 : 15 අපි දාවූද්ට ද සුලෛමාන්ට ද අධ්යාපනය දුනිමු. “විශ්වාස කළ තම බොහෝ වහලූන්ට වඩා අප විශිෂ්ට කළ අල්ලාහ්ට ම සියලූ ප්‍රශංසා හිමියැ”යි එම දෙදෙනා ම පැවසූ හ.

27 : 16 සුලෛමාන් දාවූද්ට උරුමකරු විය. “මිනිසුනි, අපට කුරුලූ බස උගන්වනු ලැබ ඇත. අපට සියලූ දේ දෙනු ලැබ ඇත. පැහැදිලි අනුග්‍රහය මෙය යැ”යි ඔහු පැවසීය.

27 : 17 ජින්වරුන්, මිනිසුන්, පක්ෂීන් ආදීන්ගේ සේනා සුෙලෙමාන් වෙනුවෙන් රැස් කරන ලදුව ඔවුහු පෙළ ගස්වනු ලැබූ හ.

27 : 18 ඔවුහු කුහුඹුවාගේ තුඹස අසලට පැමිණී විට “කුහුඹුවනි, නුඹලාගේ වාසස්ථාන තුළට ඇතුළු වන්න. සුෙලෙමාන් ද ඔහුගේ සේනාවන් ද නොදැනුවත්ව ම නුඹලා පාගා නොදැමිය යුතුයැ”යි කුහුඹුවෙක් කීවේ ය.470

27 : 19 උගේ ප්‍රකාශයෙන් (සුලෛමාන්) මදහස පාමින් සිනාසීය. “මාගේ දෙවියනි, මා කෙරෙහි ද මාගේ දෙමාපියන් කෙරෙහි ද ඔබ දැක් වූ අනුග්‍රහයට මම කෘතඥ වනු පිණිස ද ඔබ තෘප්තිමත් වන යහපත් ක්‍රියාවක් කරනු පිණිස ද මට උපකාර කරනු මැනව` ඔබේ දයාවෙන් ඔබේ යහපත් වහලූන් අතරට මා ද එක් කරනු මැනවැ”යි පැවසීය.

27 : 20 ඔහු පක්ෂීන් පරීක්ෂා කළේය. “කුමක් සිදු වී ද? හුද් හුද් පක්ෂියා නොදකින්නෙමි. ඌ පැන ගොස් සැඟවුණේ දැ”යි පැවසීය.

27 : 21 “ඌට දරුණු ලෙස දඬුවම් කරන්නෙමි. නැතහොත් ඌ කපා දමන්නෙමි. නැතහොත් ඌ මා වෙත පැහැදිලි සාධකයක් රැගෙන ආ යුතුයැ”(යි ද ඔහු පැවසීය).

27 : 22 (එම පක්ෂියා) සුළු මොහොතක් ම පමා විය. “ඔබ නොදන්නා දෙයක් මම දැන සිටිමි. සබා නැමති ගම්මානයෙන් ස්ථීර පුවතක් මම ඔබ වෙත ගෙනැවිත් සිටිමි”යි ඌ කීවේ ය.

27 : 23 “මම ස්ත්‍රීයක් දුටුවෙමි. ඇය ඔවුන් පාලනය කරන්නීය. ඇයට සියලූ දේ දෙනු ලැබ ඇත. ඇයට ඉමහත් රාජාසනයක් ද ඇත.”

27 : 24 “ඇයත් ඇගේ ජන සමාජයත් අල්ලාහ් හැර දමා හිරුට සජ්දා කරනු දුටුවෙමි. ෙෂෙතාන් ඔවුන්ගේ ක්‍රියා ඔවුනට අලංකාර කොට පෙන්වා ඔවුන් (යහ) මාර්ගයෙන් වළක්වා ඇත. ඔවුහු යහ මග නොලබති”(යි ද ඌ කීවේ ය).

27 : 25 අහස්හි ද පොළොවෙහි ද සැඟවී තිඛෙන දේ හෙළි දරව් කරන අල්ලාහ්ට ඔවුහු සජදා නොකරන්නෝ ද? නුඹලා සඟවන දැය ද හෙළිදරව් කරන දැය ද ඔහු දනියි.

27 : 26 අල්ලාහ් හැර නැමදීමට සුදුස්සා වෙනත් කිසිවෙක් නොමැත. ඔහු ඉමහත් අර්ෂයට488 අධිපතියැ (යි ද ඌ කීවේ ය).

27 : 27 “නුඹ සත්ය පවසන්නෙහි ද? නැතහොත් අසත්ය පවසන්නන්ගෙන් කෙනෙක්දැයි අපි පරීක්ෂා කර බලන්නෙමු”යි (සුෙලෙමාන්) පැවසීය.

27 : 28 “මාගේ මෙම හසුන රැගෙන ගොස් එය ඔවුන් වෙත දමනු. පසුව ඔවුන්ගෙන් ඉවත් වී ඔවුන් දෙන පිළිතුර කුමක් දැයි බලනු” (යි ද ඔහු පැවසීය).

27 : 29 “ප්‍රධානියනි, මා වෙත උතුම් හසුනක් දමනු ලැබ ඇතැ”යි (රැජිණිය) කීවා ය.

27 : 30,31 . එය සුලෛමාන් වෙතින් පැමිණ ඇත. “අසීමිත කරුණාවන්තයා ද අසම සම දයාවන්තයා ද වන අල්්ලාහ්ගේ නාමයෙන්… මා අබිබවා යෑමට නොසිතන්න. අවනත වූවන් ලෙස මා වෙතට පැමිණෙන්නැ”(යි එහි සඳහන් වී ඇත.)26

27 : 32 “ප්‍රධානියනි, මාගේ විෂයයෙහි මට විසඳුමක් දෙන්න. නුඹලා උපදෙස් දෙන තෙක් මම කිසිඳු කටයුත්තක් තීරණය කරන්නියක් නොවෙමි”යි ඇය කීවා ය.

27 : 33 “අපි බලවතුන් ද දරුණු ලෙස සටන් කිරීමට සමත් අය ද වෙමු. බලය ඔබ වෙත ය. ඔබ අණ කරන්නේ කුමක් දැයි සිතා බලා තීරණයක් ගනු මැනවැ”යි (ප්‍රධානීහූ) පැවසූ හ.

27 : 34,35 “රජවරු දේශයකට පිවිසියහොත් එය විනාශ කරති. එම දේශයෙහි ගෞරවනීය අය නින්දිතයින් බවට පත් කරති. මෙලෙස ම සිදු කරති. මම ඔවුන් වෙත තිළිණයක් යවන්නෙමි. රාජ දූතවරු කුමක් සමඟ ආපසු එන්නේදැයි බලන්නෙමි”යි (රැපිණිය) කීවා ය.26

27 : 36 සුලෛමාන් වෙත (රාජ දූතවරු) පැමිණි විට “නුඹලා ධනයෙන් මට උපකාර කරන්නෙහු ද? අල්ලාහ් නුඹලාට දුන් දැයට වඩා මට දුන් දැය අති විශිෂ්ට ය. එබැවින් නුඹලාගේ තිළිණයෙන් නුඹලා ම ප්රමුදිත වන්නැ”යි (සුලෛමාන්) පැවසී ය.

27 : 37 “ඔවුන් වෙත ආපසු යන්න. ඔවුන් එරෙහි විය නොහැකි සේනා සමඟ අපි ඔවුන් වෙත පැමිණෙන්නෙමු. අපි ඔවුන් හීනව නින්දිත වූවන් ලෙස එයින් පිට මං කරන්නෙමු” (යි ද ඔහු පැවසීය.).

27 : 38 “ප්‍රධානියනි, ඔවුන් අවනතව මා වෙතට පැමිණීමට පෙර ඇගේ රාජාසනය මා වෙත ගෙන එන්නේ කවරෙක්දැ”යි (සුලෛමාන්) ඇසීය.

27 : 39 “ඔබේ ස්ථානයෙන් ඔබ නැගිටීමට පෙර මම එය ඔබ වෙත ගෙන එන්නෙමි. මම එයට බලවතෙක්මි, විශ්වාසවන්තයෙක් මි” යි ඉෆ්රීත් නමැති ජින්වරයා පැවසීය.183

27 : 40 “ඔබ ඇසි පිය හෙළීමට පෙර මම එය ඔබ වෙත ගෙන එන්නෙමි” යි ධර්ම ග්‍රන්ථය ගැන දැනුමක් ඇති (ජින්) කෙනෙක් පැවසීය.183 තමන් ඉදිරියෙහි එය පැමිණ තිඛෙන බව ඔහු දුටු වහාම “මම කෘතඥ වන්නෙම් ද? නැතහොත් අකෘතඥ වන්නෙම් දැයි මා පරීක්ෂා කරනු පිණිස484 මෙය මාගේ දෙවියන්ගේ අනුග්‍රහයයි. කෘතඥ වන්නා තමා වෙනුවෙන් ම කෘතඥ වෙයි. යමෙක් අකෘතඥ වන්නේ ද (තමා වෙනුවෙන් ම අකෘතඥ වෙයි). මාගේ දෙවියන් අවශ්යතා වලින් තොර කෙනෙකි485 ගෞරවනීය කෙනෙකි.”

27 : 41 “ඇගේ රාජාසනය ඇයට හඳුනාගත නොහැකි පරිදි වෙනස් කරන්න. ඇය දැන ගන්නී ද? නැතහොත් දැනගත නොහැකිව සිටින්නී දැයි අපි බලමු”යි (සුලෛමාන්) පැවසීය.

27 : 42 ඇය පැමිණි විට “නුඹේ රාජාසනය මේ වගේ දැ”යි අසන ලදී. “මෙය ඒ වාගේ ම යැ”යි ඇය කීවා ය. “මැයට පෙර ම අපට දැනුම දෙනු ලැබ ඇත. අපි මුස්ලිම්වරු) 295 වෙමු” (යි සුලෛමාන් පැවසීය).

27 : 43

අල්ලාහ් හැර ඇය නැමදුම් කරමින් සිටි දැය ඇය වැළක්වීය. ඇය (එකම දෙවියන්) ප්‍රතික්ෂේප කරන පිරිසගෙන් කෙනෙක වූවා ය.

27 : 44

.”මෙම මාළිගාවට පිවිසෙන්නැ”යි ඇයට පවසන ලදී. ඇය එය දුටු විට ජල තටාකයක් යැයි සිතා තම පහළ ඇදුම වළලූකරට ඉහළින් එසෙව්වා ය. “එය පළිඟු වලින් දීප්තිමත් කරවන ලද මාළිගාවක්යැ”යි (සුලෛමාන්) පැවසීය. “මම මට ම අපරාධ කර ගතිමි. මම සුලෛමාන් සමඟ විශ්වයේ දෙවියන් වන අල්ලාහ්ට අවනත වූයෙමි” යි ඇය කීවා ය.

27 : 45 “අල්ලාහ් ම නමදින්නැ”යි අපි සමූද් ජන සමාජයට ඔවුන්ගේ සොහොයුරු සාලීහ් එවීමු. වහාම ඔවුහු කණ්ඩායම් දෙකක් ලෙස වාද කිරීමට පටන් ගත් හ.

27 : 46 “මාගේ ජනතාවනි, නුඹලා යහපතට පෙර අයහපත ඉක්මනින් ම සොයන්නේ කුමට ද? නුඹලා දයාව දක්වනු ලැබීම සඳහා අල්ලාහ්ගෙන් පාප ක්ෂමාව අයැද නොසිටින්නෙහුදැ”යි ඔහු ඇසීය.

27 : 47 “අපි නුඹ ද නුඹ සමඟ සිටින අය ද දුර්නිමිත්තක් ව දකින්නෙමු” යි ඔවුහු පැවසූ හ. “නුඹලාගේ දුර්නිමිත්ත අල්ලාහ් වෙත ඇත. නමුත් නුඹලා පරීක්ෂා කරනු ලබන484 පිරිසක් වන්නෙහුයැ”යි ඔහු පැවසීය.

27 : 48 එම නගරයෙහි කණ්ඩායම් නවයක් සිටියහ. ඔවුහු පොළොවෙහි පිරිහීමක් ඇති කළහ. ක්‍රමවත්ව සංශෝධනය නො වූහ.

27 : 49 “ඔහු ද ඔහුගේ පවුලේ අය ද රාත්‍රි කාලයේ විනාශ කරන්නෙමු. පසුව ඔහුගේ පවුලේ අය විනාශ කරනු ලැබීම නුදුටුවෙමු. අපි සත්ය පවසන්නෙමු යනුවෙන් ඔහුගේ ඥාතීන්ට දන්වමු” යි ඔවුන් එකිනෙකා අල්ලාහ් මත දිවුරා ප්‍රකාශ කළහ.

27 : 50 ඔවුහු මහා කුමන්ත්‍රණයක් කළ හ. අපිත් ඔවුනට නොදැනුවත් ම මහා කුමන්ත්‍රණයක් කළෙමු.6

27 : 51 ඔවුන්ගේ කුමන්ත්‍රණයේ අවසානය කෙබඳු වී දැයි බලන්න. අපි ඔවුන් ද ඔවුන්ගේ ජන සමාජයේ සියල්ලන් ම ද විනාශ කළෙමු.

27 : 52 ඔවුන් අපරාධ කළ බැවින් මෙන්න, ඔවුන්ගේ නිවාස පාළු වී ඇත. අවබෝධ කර ගන්නා ජනතාවට මෙහි ඉගැන්මක් ඇත.

27 : 53 විශ්වාස කොට (අපට) බිය බැතිමත් වූවන් ආරක්ෂා කළෙමු.

27 : 54,55 “නුඹලා දැන දැන ම අශිෂ්ට සම්පන්න ක්‍රියාව කරන්නෙහු ද? ස්ත්‍රීන් හැර දමා කාමාශාවෙන් පුරුෂයින් වෙතට යන්නෙහු ද? නුඹලා මුග්ධ පිරිසක් ම යැ”යි ලුත් තම ජන සමාජයට ප්‍රකාශ කළේය.26

27 : 56 .”නුඹලාගේ ගම්මානයෙන් ලුත්ගේ පවුලේ අය පිටු වහල් කරන්න. ඔවුහු ශුද්ධවන්ත මිනිස්සු වෙති”යි ප්‍රකාශ කිරීම මිස අන් කිසිවක් ඔහුගේ ජන සමාජයේ පිළිතුර නො වීය.

27 : 57 අපි ඔහු ද ඔහුගේ භාර්යාව හැර පවුලේ සෙසු අය ද ආරක්ෂා කළෙමු. ඇය (විනාශයට පත් වන අය සමඟ) නතර වන්නියක් යැයි අපි නියම කළෙමු.

27 : 58 අපි ඔවුන් මත (ගල්) වර්ෂාවක් වසින්නට සැලැස්වීමු.412 අවවාද කරන ලද අයගේ වර්ෂාව ඉතා අයහපත් විය.

27 : 59 සියලූ ප්‍රශංසා අල්ලාහ්ට ම ය. ඔහු තෝරා ගත් ඔහුගේ වහලූන්ට සලාම් 159 උදා වේවා` “අල්ලාහ් උසස් වේ ද? නැතහොත් ඔවුන් කල්පනය කරන සමානයන් දැ”යි අසන්න.

27 : 60 (නුඹලා කල්පනය කරන සමානයන් උසස් වේ ද? නැතහොත්) අහස් හා පොළොව නිර්මාණය කොට නුඹලා වෙනුවෙන් අහසින් ජලය පහළ කළ තැනන් ද?507 එමගින් සරුසාරවත් උයන් හට ගන්වන්නෙමු. එහි එකදු ගසක්වත් නුඹලා විසින් හට ගැන්විය නොහැකිය. අල්ලාහ් සමඟ වෙනත් දෙවියෙක් ද? නැත. ඔවුහු (අන් අය දෙවියන්ට) සමාන කරන පිරිසක් ම ය.

27 : 61 (නුඹලා කල්පනය කරන සමානයන් උසස් වේ ද? නැතහොත්) පොළොව වාසස්ථානයක් බවට පත් කොට ඒ අතර ගංගා බිහි කොට එයට කුඤ්ඤ ද248 පිහිටුවා මුහුදු දෙක අතර බාධකයක් ද පිහිටුවා ඇති තැනන් ද?305 අල්ලාහ් සමඟ වෙනත් දෙවියෙක් ද? නැත. ඔවුන්ගෙන් බොහෝ දෙනෙක් නොදනිති.

27 : 62 (නුඹලා කල්පනය කරන සමානයන් උසස් වේ ද? නැතහොත්) පීඩාවට පත් වූ කෙනෙක් ප්‍රාර්ථනා කරන විට එයට පිළිතුරු දී විපත පහ කොට නුඹලා පොළොවෙහි අනුප්‍රාප්තිකයින්46 කළ තැනන් ද? අල්ලාහ් සමඟ වෙනත් දෙවියෙක් ද? නුඹලා සුළු වශයෙන් ම සිතන්නෙහු ය.

27 : 63 (නුඹලා කල්පනය කරන සමානයන් උසස් වේ ද? නැතහොත්) ගොඩබිමෙහි සහ මුහුදේ තිඛෙන අන්ධකාරයන්හි429 නුඹලාට මග පෙන්වූ තැනන් ද? තම දයාව හමුවේ සුබාරංචි කීමට සුළඟ එවූ තැනන් ද? අල්ලාහ් සමඟ වෙනත් දෙවියෙක් ද? ඔවුන් කල්පනය කරන සමානයන් කෙරෙන් අල්ලාහ් උත්කෘෂ්ට විය.

27 : 64 (නුඹලා කල්පනය කරන සමානයන් උසස් වේ ද? නැතහොත්) නිර්මාණයන් ප්‍රථමයෙන් නිර්මාණය කොට පසුව එය නැවතත් නිර්මාණය කරන්නා ද? අහසින් හා පොළොවෙන් නුඹලාට ආහාර සපයන්නා ද?463 අල්ලාහ් සමඟ වෙනත් දෙවියෙක් ද? “නුඹලා සත්යවන්තයින් නම් නුඹලාගේ සාධක රැගෙන එන්නැ”යි පවසන්න.

27 : 65 “අහස් හි ද පොළොවෙහි ද ගුප්ත දැය අල්ලාහ් හැර අන් කිසිවෙක් නොදනිති. තමන් පණ ගන්වනු ලබන්නේ කවරදා දැයි ද ඔවුහු නොදනිති”යි පවසන්න.

27 : 66 පරලොව පිළිබඳ වූ ඔවුන්ගේ දැනුම සංකෝචනය වී ඇත. නැත. ඔවුහු ඒ පිළිබඳව සැකයෙහි සිටිති. නැත. ඔවුහු ඒ සම්බන්ධයෙන් නම් අන්ධයෝ ය.

27 : 67 “අපි ද අපේ මුතුන් මිත්තන් ද පස් බවට පත් වුවහොත් අපි (පොළොවෙන්) බැහැර කරනුඑ ලබන්නෙමුදැ”යි (එකම දෙවියන්) ප්‍රතික්ෂේප කරන්නෝ අස ති.

27 : 68 “අප ද අපේ මුතුන් මිත්තන් ද මේ ගැන අවවාද කරනු ලැබීමු. මෙය පැරන්නන්ගේ කල්පිත කථා මිස වෙන නැතැ”(යි ද ඔවුහු පවසති).

27 : 69 “පොළොවෙහි සංචාරය කරන්න. වරදකරුවන්ගේ අවසානය කෙබඳු වී දැයි බලන්නැ”යි පවසන්න.

27 : 70 ඔබ ඔවුන් වෙනුවෙන් ශෝකයට පත් නොවන්න. ඔවුන් කුමන්ත්‍රණ කරන බැවින් සිත් තැවුලට ද පත් නොවන්න.

27 : 71 “නුඹලා සත්යවන්තයින් නම් එම අවවාදය (ඉටු වන්නේ) කවරදා දැ”යි ඔවුහු අසති.

27 : 72 “නුඹලා ඉක්මනින් ම සොයන දැයින් කොටසක් නුඹලා වෙත පැමිණෙනු ඇතැ”යි පවසන්න.

27 : 73 ඔබේ දෙවියන් මිනිසුන් කෙරෙහි දයාව ඇත්තා ය. නමුත් මිනිසුන්ගෙන් බොහෝ දෙනෙක් කෘතඥ නොවෙති.

27 : 74 ඔවුන්ගේ සිත් සඟවන දැය ද ඔවුන් හෙළිදරව් කරන දැය ද ඔබේ දෙවියන් දනියි.

27 : 75 පොළොවෙහි හෝ අහසෙහි හෝ ගුප්ත කවර නම් දැයක් වූවත් එය පැහැදිලි ලේඛනයෙහි157 නැතුවා නොවේ.

27 : 76 ඉස්රායීල්ගේ දරුවන් ප්‍රතිවිරුද්ධ වූ දැයින් බොහෝ දේ මෙම කුර්ආනය ඔවුනට විස්තර කරයි.

27 : 77 විශ්වාස කළ අයට මෙය යහ මගක් ද දයාවක් ද වේ.

27 : 78 ඔබේ දෙවියන් තම විනිශ්චය ඔවුන් අතර තීන්දු කරයි. ඔහු අබිබවන්නා ය සර්වඥ ය.

27 : 79 අල්ලාහ් කෙරෙහි ම රඳා පවතින්න. ඔබ පැහැදිලි සත්යයෙහි සිටින්නෙහි ය.

27 : 80 මළවුන්ට ඇසෙන්නට සැලැස්වීමට ඔබට නොහැකිය. ඇරයුමට පිටු පා දුවන බිහිරන්ට ඇසෙන්නට සැලැස්වීමට ද ඔබට නොහැකිය.

27 : 81 ඔබ අන්ධයින්ගේ දුර් මාර්ගය පහ කොට ඔවුනට මග පෙන්වන්නක් ද නොවන්නෙහිය. ඔබට ඇසෙන්නට සැලැස්විය හැක්කේ අපේ වැකි විශ්වාස කොට මුස්ලිම්වරුන් ලෙසින් සිටින අයට ම ය.81

27 : 82 ඔවුනට එරෙහිව පිහිටන (අපේ) නියෝගය ඉටු වන විට අපි පොළොවෙන් ජීවි වර්ගයක් පිට කරන්නෙමු. මිනිසුන් අපේ වැකි ස්ථීර ලෙස විශ්වාස නොකර සිටීම ගැන ඌ ඔවුන්ට කථා කරයි.308

27 : 83 අපේ වැකි අසත්ය යැයි සිතූ සෑම ජන සමාජයකින් ම පිරිසක් අපි රැස් කරන දින1 ඔවුහු පෙළ ගස්වා නතර කරනු ලබති.

27 : 84 ඔවුන් පැමිණි විට “නුඹලා මාගේ වැකි ගැන මුළුමනින් ම දැන නොගෙන එය අසත්ය යැයි සිතමින් සිටියෙහු ද? නැතහොත් වෙන කුමක් කරමින් සිටියෙහු දැ”යි (දෙවියන්) අසයි.

27 : 85 ඔවුන් අපරාධ කළ බැවින් ඔවුනට එරෙහිව පවතින නියෝගය ඉටු වනු ඇත. එවිට ඔවුහු කථා නොකරති.

27 : 86 ඔවුන් සැනසුමක් ලබනු පිණිස රාත්‍රිය ද බැලීමට යෝග්‍ය පරිදි දහවල ද අපි ඇති කළ බව ඔවුහු නුදුටුවෝ ද? විශ්වාස කරන ජනතාවට මෙහි සාධක රැසක් ඇත.

27 : 87 සූර් පිඹිනු ලබන දින1 අහස් හි සිටින අයගෙන් ද පොළොවෙහි සිටින අයගෙන් ද අල්ලාහ් සිතූ අය හැර346 අන් සියල්ලෝ ම බියෙන් තැති ගනිති. සියල්ලෝ ම මර්දනය වෙමින් ඔහු වෙතට පැමිණෙති.

27 : 88 ඔබ කඳු දකින්නෙහි ය. ඒවා ශක්තිමත් යැයි සිතන්නෙහි ය. ඒවා වලාකුළු පාවෙන්නාක් මෙන් (එදින) පාවෙනු ඇත. මෙය සියලූ දේ ක්‍රමවත්ව පිහිටුවා ඇති අල්ලාහ්ගේ නිමැවුමකි. නුඹලා කරන දේ ගැන ඔහු ප්රවීණයෙකි.

27 : 89 යහපත රැගෙන එන්නාට ඊටත් වඩා අති විශිෂ්ට දැයක් ඇත. ඔවුහු එදින බියෙන් තැති ගැනීම කෙරෙන් සුරක්ෂිතයෝ ය.

27 : 90 අයහපත රැගෙන එන අය මුණින් අතට නිරයට තල්ලූ කරනු ලබති. නුඹලා කළ දැය මිස වෙනත් කුලියක් පිරිනමනු ලබන්නෙහු ද?

27 : 91,92 “අල්ලාහ් පුණ්‍යත්වයට පත් කළ මෙම ගම්මානයේ (මක්කාවේ) දෙවියන්ට නැමදුම් කරන ලෙස මම අණ වන ලද්දෙමි. සියලූ දේ ඔහුට ම හිමිය. මම මුස්ලිම්වරයෙකු වන ලෙසත් කුර්ආනය පාරායණා කරන ලෙසත් අණ වන ලද්දෙමි. යහ මග ලද්දා තමා වෙනුවෙන් ම යහ මග ලබයි. යමෙක් නොමග ගියේ ද (මම එයට වග කියන්නෙක් නොවෙමි.) මම අවවාද කරන්නෙක් පමණි” යැයි පවසන්න.26

27 : 93 සියලූ ප්‍රශංසා අල්ලාහ්ට ම හිමියැයි ද පවසන්න. ඔහු තම සාධක නුඹලාට මතු පෙන්වයි. එය දැන ගන්නෙහු ය. අල්ලාහ් නුඹලා කරන දැය නොසලකන්නෙක් නොවේ.