26 : අෂ් ෂුඅරා – කවිවරු

අෂ් ෂුඅරා – කවිවරු

පරිච්ඡේදය: 26

මුළු වැකි ගණන : 227

මෙම පරිච්ඡේදයේ 221 වන වැකියේ සිට 227 වන වැකිය දක්වා කවිවරු අනුගමනයට උචිත අය නොවන බවත් ඔවුනතර යහපත් හා අයහපත් කවිවරු සිටින බවත් ප්‍රකාශ වන බැවින් මෙය “කවිවරු”යැයි නම් කරන ලදී.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

26 : 01 තා, සීම්, මීම්.2

26 : 02 මේවා පැහැදිලි ග්‍රන්ථයේ වැකි වේ.

26 : 03 ඔවුන් විශ්වාස නොකළ බැවින් ඔබ ඔබව ම විනාශ කර ගනීවි වාගේ

26 : 04 අපි සිතුවෙමු නම් ඔවුන් වෙත අහසින් ප්‍රාතිහාර්යයක් පහළ කරන්නෙමු. එවිට ඔවුන්ගේ ගෙලවල් එය හමුවේ යටහත් වනු ඇත.

26 : 05 අසීමිත කරුණාවන්තයාගෙන් අලූතින් කවර නම් උපදේශයක් පැමිණියත් ඔවුහු එය නොසලකා හරිති.

26 : 06 ඔවුහු අසත්‍ය යැයි සිතූහ. ඔවුන් විහිළු කරමින් සිටි දේ ගැන තොරතුරු ඔවුන් වෙත මතුවට පැමිණෙනු ඇත.

26 : 07 අපි පොළොවෙහි ගරු සරු සෑම වර්ගයකින් ම කොපමණ හටගන්වා තිඛෙමු දැයි ඔවුහු නුදුටුවෝ ද?

26 : 08 මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස නොකරති.

26 : 09 මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස නොකරති.

26 : 10,11,12 “අපරාධ කරන පිරිසක් වන ෆිර්අවුන්ගේ ජන සාමාජය වෙත යන්න. ඔවුන් බිය බැතිමත් විය යුතු නොවේ දැ”යි ඔබේ දෙවියන් මූසා ඇමතූ විට “මාගේ දෙවියනි, ඔවුන් මා අසත්‍ය පවසන්නෙක් යැයි සිතනු ඇතැයි මම බිය වෙමි”යි ඔහු පැවසී ය.26

26 : 13 “මාගේ සිත දුෂ්කරතාවට පත් වනු ඇත. මාගේ දිව ද චතුර නොවනු ඇත. එබැවින් හාරූන්ව දූතයෙකු ලෙස එවනු මැනව`”

26 : 14 “ඔවුන් වෙත මට එරෙහිව (මිනීමැරුම්) චෝදනාවක් ද ඇත.375 එබැවින් ඔහු මා ඝාතනය කරනු ඇතැයි මම බිය වෙමි”(යි ද ඔහු පැවසීය).

26 : 15 “එසේ නොවේ` අපේ සාධකය සමඟ දෙදෙනා ම යන්න. අපි නුඹලා සමඟ සවන් දෙමින් සිටින්නෙමු”යි (දෙවියන්) පැවසීය.

26 : 16,17 දෙදෙනා ම ෆිර්අවුන් වෙත ගොස් “අපි විශ්වයේ දෙවියන්ගේ දූතවරු වෙමු. ඉස්රායීල්ගේ දරුවන් අප සමඟ එවන්නැ”යි181 පවසන්නැ (යි ද දෙවියන් පැවසීය).26

26 : 18 “නුඹ දරුවෙකුව සිටිය දී අපි නුඹ ඇති දැඩි නොකළෙමු ද? නුඹේ ජීවිත කාලයෙහි වසර ගණනාවක් නුඹ අප සමඟ ජීවත් වූයෙහියැ”යි (ෆිර්අවුන්) පැවසීය.

26 : 19 “නුඹ සිදු කළ නුඹේ ක්‍රියාව ද නිම කළෙහි ය. නුඹ ගුණ මකුවෙක්යැ”යි ද ඔහු පැවසීය.

26 : 20 “මම යහ මග නොලත් කෙනෙක්ව සිටිය දී මම එය සිදු කළෙමි”යි (මූසා) පැවසීය

26 : 21 “මම නුඹලාට බියෙන් නුඹලාගෙන් පලා ගියෙමි. එවිට මාගේ දෙවියන් මට ප්‍රඥාව පිරිනමා මා දූතයෙකු බවට පත් කළේ ය.”

26 : 22 දරුවන් වහල් කර ගැනීම (සාධාරණීකරණය කිරීම)ට නුඹ මට දැක් වූ අනුග්‍රහයන් කියා පාන්නෙහි යැ”(යි ද ඔහු පැවසීය).181

26 : 23 “විශ්වයේ දෙවියන් යනු කුමක්දැ”යි ෆිර්අවුන් ඇසීය.

26 : 24 “නුඹලා ස්ථීර ලෙස විශ්වාස කළඅය නම් අහස්හි ද පොළොවෙහි ද එදෙක අතර තිඛෙන දෑහි ද දෙවියන් ඔහු ම යැ”යි (මූසා) පැවසීය.

26 : 25 “නුඹලා (මෙයට) සවන් දෙමින් සිටින්නෙහුදැ”යි තමා අවට සිටි අයගෙන් (ෆිර්අවුන්) ඇසීය.

26 : 26 “ඔහු නුඹලාගේ ද පෙර සිටි නුඹලාගේ මුතුන් මිත්තන්ගේ ද දෙවියන් යැ”යි (මූසා) පැවසීය.

26 : 27 “නුඹලා වෙත එවන ලද නුඹලාගේ දූතයා උන්මත්තකයෙක් යැ”යි (ෆිර්අවුන්) පැවසීය.

26 : 28 “නුඹලා වටහා ගන්නෙහු නම් නැගෙනහිරෙහි ද බස්නාහිරෙහි ද එදෙක අතර තිඛෙන දැයෙහි ද දෙවියන් ඔහු ම යැ”යි (මූසා) පැවසී ය.

26 : 29 “මා හැර වෙනත් දෙවියෙකු නුඹ (තෝරා) ගත්තෙහි නම් මම නුඹ සිරගත කරන්නෙමි”යි (ෆිර්අවුන්) පැවසීය.

26 : 30 “මම නුඹ වෙත පැහැදිලි දැයක් ගෙනාවෙම් නම් දැ”යි (මූසා) ඇසීය.

26 : 31 “නුඹ සත්‍යවන්තයෙක් නම් එය ගෙන එන්නැ”යි (ෆිර්අවුන්) පැවසීය.

26 : 32 ඔහු තම සැරයටිය දැමීය. වහාම එය විශාල සර්පයෙක් බවට පත් විය.

26 : 33 ඔහු තම අත පිටතට ගත්තේ ය. එය බලා සිටින්නන්ට සුදු පැහැයෙන් දිස් විය.

26 : 34

“මොහු දක්ෂ හූනියම් කරුවෙක්යැ”යි තමා අවට සිටි සභිකයින්ට (ෆිර්අවුන්) පැවසීය.

26 : 35

“මොහු තම හූනියම මගින් නුඹලාගේ දේශයෙන් නුඹලා පිටුවහල් කිරීමට අදහස් කරයි. නුඹලා කුමක් අණ කරන්නෙහු දැ”(යි ද ඔහු ඇසී ය).

26 : 36,37

“මොහුට ද මොහුගේ සොහොයුරාට ද ඉඩ ප්‍රස්තාවක් දෙන්න. මිනිසුන් රැස් කරන අය විවිධ නගර වලට යවන්න. ඔවුහු දක්ෂ සෑම හූනියම්කරුවෙකු ම ඔබ වෙත ගෙන එති”යි ඔවුහු පැවසූ හ.26

26 : 38 නියමිත දිනක නියමිත වේලාවක හූනියම්කරුවෝ රැස් කරනු ලැබූ හ.

26 : 39,40 “හූනියම්කරුවෝ ජයග්‍රහණය කළහොත් අපි ඔවුන් අනුගමනය කිරීම සඳහා නුඹලා රැස් වන්නෙහු දැ”යි ජනතාවගෙන් අසන ලදී.26

26 : 41 හූනියම්කරුවෝ පැමිණි විගස “අපි දිනුවොත් අපිට තෑගි බෝග ඇත් දැ”යි ෆිර්අවුන්ගෙන් ඇසූ හ.

26 : 42 “එසේය. එවිට නුඹලා මට ළං වූවන් යැ”යි ඔහු පැවසීය.

26 : 43 “නුඹලා දමන දැයක් දමන්නැ”යි මූසා ඔවුනට පැවසීය.

26 : 44 ඔවුහු තම කඹ හා සැරයටි දැමූ හ. “ෆිර්අවුන්ගේ තේජස මත දිවුරමු. දිනන්නෝ අපි ම යැ”යි ඔවුහු පැවසූ හ.

26 : 45 වහාම මූසා තම සැරයටිය දැමීය. එය ඔවුන් කළ දේ ගිල ගත්තේ ය.

26 : 46 හූනියම්කරුවෝ සජ්දා කර, වැටුණහ.

26 : 47,48 “අපි මූසාගේ ද හාරූන්ගේ ද දෙවියන් වන විශ්වයේ දෙවියන් ගැන විශ්වාස කළෙමු” යි ඔවුහු පැවසූ හ.26

26 : 49 “මම නුඹලාට අවසර දීමට පෙර නුඹලා ඔහු ගැන විශ්වාස කළෙහු ද? නුඹලාට හූනියම උගන්වා දුන් නුඹලාගේ ගුරුවරයා මොහු ය. (මෙහි ප්‍රතිවිපාකය) මතුවට දැන ගන්නෙහු ය. මම නුඹලාගේ අත් හා පාද එකිනෙකට විරුද්ධ පැත්තෙන් කපා දමන්නෙමි. නුඹලා සියලූ දෙනා ම කුරුසියෙහි තබා ඇණ ගසන්නෙමි”යි (ෆිර්අවුන්) පැවසීය.

26 : 50 “කම් නැත. අපි අපේ දෙවියන් වෙත ආපසු යන්නෝ වෙමු”යි ඔවුහු පැවසූ හ.

26 : 51 “අපි විශ්වාස කළ අයගෙන් පළමු වැන්නන් වූ බැවින් අපේ දෙවියන් අපේ වැරදි අපට ක්ෂමා කළයුතු යැයි අපි තදින් ආශා කරන්නෙමු” (යි ද පැවසූ හ).

26 : 52 “මාගේ වහලූන් රාත්‍රියේ දී කැටුව යන්න. (සතුරන් විසින්) නුඹලා ලූහු බඳිනු ලබන්නෙහු යැ”යි මූසාට දැනුම් දුනිමු.

26 : 53 ෆිර්අවුන් මිනිසුන් රැස් කරන අය විවධ නගර වලට යැවීය.

26 : 54 “ඔවුහු සුළු පිරිසක් ම ය.”

26 : 55 “ඔවුහු අප කෝපයට පත් කරති.”

26 : 56 “අපි සියල්ලෝ ම ප්‍රවේශම් විය යුතු අය වෙමු”(යි ද ෆිර්අවුන් පැවසී ය).

26 : 57,58 අපි ඔවුන් උයන් වලින් ද උල්පත් වලින් ද ධන නිධාන වලින් ද සම්භාවනීය වාසස්ථාන වලින් ද බැහැර කළෙමු.26

26 : 59 අපි ඒවා ඉස්රායීල්ගේ දරුවන්ට උරුම කළේ මෙලෙස ය.

26 : 60 උදෑසන ම (ෆිර්අවුන්ගේ සේනාව) ඔවුන් ලූහු බැඳ ගියහ.

26 : 61 දෙපිරිස ම එකිනෙකාට මුහුණලා හමු වූ විට “අපි හසු කරනු ලබන්නෙමු”යි මූසාගේ සහායකයෝ පැවසූ හ.

26 : 62 “එසේ නොවේ` මාගේ දෙවියන් මා සමඟ ය. ඔහු මට මගක් පෙන්වනු ඇතැ”යි (මූසා) පැවසීය.

26 : 63 “ඔබේ සැරයටියෙන් මුහුදට ගසන්නැ”යි අපි මූසාට දැනුම් දුනිමු. වහාම එය ඛෙදී එක් එක් කොටස මහත් පර්වතයක් මෙන් විය.

26 : 64 අපි අනෙක් අය ද එතැනට ළඟා කරවීමු.

26 : 65 අපි මූසා ද ඔහු සමඟ සිටි සියල්ලන් ද ආරක්ෂා කළෙමු.

26 : 66 පසුව අනෙක් අය (දියෙහි) ගිල්වීමු.

26 : 67 මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස කළඅය නොවූහ.

26 : 68

ඔබේ දෙවියන් අබිබවන්නා යත අසම සම දයාවන්තයා ය.

26 : 69

ඉබ්රාහීම්ගේ ඉතිහාසය ඔවුනට පවසන්න.

26 : 70,71

“කවරකට නමදින්නෙහු දැ”යි ඔහු තම පියාගෙන් ද තම ජන සමාජයෙන් ද ඇසූ විට “අපි ප්‍රතිමා වලට නමදින්නෙමු. ඒවා නැමදීමෙහි ස්ථීරව සිටින්නෙමු”යි ඔවුහු පැවසූ හ.26

26 : 72,73

“නුඹලා කැඳවන විට මේවා සවන් දෙන්නේ ද? නැතහොත් නුඹලාට යහපතක් හෝ අයහපතක් හෝ සිදු කරන්නේ දැ”යි ඔහු ඇසීය.26

26 : 74

“එසේ නොවේ. අපේ මුතුන් මිත්තන් මෙලෙස කරනු දුටුවෙමු”යි ඔවුහු පැවසූ හ.

26 : 75,76,77 “විශ්වයේ දෙවියන් හැර නුඹලා ද පෙර සිටි නුඹලාගේ මුතුන් මිත්තන් ද කවරකට නමදිමින් සිටින්නෙහු දැයි නුඹලා සිතා බැලූවෙහු ද? ඒවා මාගේ සතුරෝ ය.”26

26 : 78 ඔහු මා නිර්මාණය කළේ ය. තව ද ඔහු මට යහ මග පෙන්වයි.

26 : 79 ඔහු මට ආහාර දී (ජලය) පානය කරවයි.463

26 : 80 මා රෝගාතුර වන විට ඔහු මට සුවය ලබා දෙයි.

26 : 81 ඔහු මා මරණයට පත් කරවයි. පසුව මට ජීවය ලබා දෙයි.

26 : 82 “විනිශ්චය දින1 මාගේ වැරදි ඔහු මට ක්ෂමා කළ යුතුයැ”යි මම තදින් ආශා කරමි.

26 : 83 මාගේ දෙවියනි, මට බලයක් දෙනු මැනව` මා සත් පුරුෂයින් සමඟ එක් කරනු මැනව

26 : 84 පසුව එන ජනතාව අතරෙහි මට සැබෑ කීර්තියක් ලබා දෙනු මැනව

26 : 85 ප්‍රමෝදමත් ස්වර්ගයෙහි උරුමක්කරුවන් අතරට මා ද පත් කරනු මැනව

26 : 86 මාගේ පියාට ක්ෂමාව දෙනු මැනව` ඔහු මග වරදවා ගත් කෙනෙක් වේ.247

26 : 87 (ජනතාව) නැවත පණ ගන්වනු ලබන දින1 මා නිනිදාවට පත් නොකරනු මැනව

26 : 88,89 අල්ලාහ් වෙතට ශාන්ත වූ (පිවිතුරු) සිතකින් යුතුව පැමිණීම මිස ධන සම්පත හෝ දරු සම්පත හෝ එදින ප්‍රයෝජනවත් නොවේ. 26

26 : 90 (දෙවියන්ට) බිය බැතිමත් වන අයට ස්වර්ගය සමීපයට ගෙන එනු ලැබේ.

26 : 91 නොමග ගියවුන්ට නිරය හෙළි කරනු ලැබේ.

26 : 92,93 “අල්ලාහ් හැර නුඹලා නැමදුම් කරමින් සිටි දේ කොහේ ද?ඔවුහු නුඹලාට උදව් කරන්නෝ ද? නැතහොත් ඔවුහු තමන්ට ම උදව් කර ගන්නෝ දැ”යි ඔවුන්ගෙන් අසනු ලැබේ.26

26 : 94,95 ඔවුන් ද නොමග ගියවුන් ද ඉබ්ලීස්ගේ සේනා සියල්ල ද එහි මුණින් අතට තල්ලූ කරනු ලබති.26

26 : 96,97,98 “නුඹලා විශ්වයේ දෙවියන්ට සමාන කළ විට, අල්ලාහ් මත දිවුරමු. අපි පැහැදිලි දුර් මාර්ගයක සිටියෙමු”යි ඔවුන් එකිනෙකා එහි වාද කරමින් පවසති.26

26 : 99 අප නොමගයැව්වේ මෙම වරදකරුවෝ ය.

26 : 100 අප වෙනුවෙන් මැදිහත් වන්නන්17කිසිවෙක් නැත.

26 : 101 හිතවත් මිත්‍රයෙක් ද නැත.

26 : 102 “(ආපසු ලොවට යෑමට) අපට අවස්ථාවක් තිබේ නම් අපි විශ්වාස කළඅය වන්නෙමු”(යි ද ඔවුහු පවසති).

26 : 103 මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස කළඅය නො වූහ.

26 : 104 ඔබේ දෙවියන් අබිබවන්නා යත අසම සම දයාවන්තයා ය.

26 : 105 නූහ්ගේ ජන සමාජය දූතයින් අසත්‍ය පවසන්නන් යැයි සිතූ හ.

26 : 106 “නුඹලා (දෙවියන්ට) බිය බැතිමත් නොවන්නෙහු දැ”යි ඔවුන්ගේ සොහොයුරු නූහ් ඔවුනට ප්‍රකාශ කළ සැටි සිහි කරන්න.

26 : 107 මම නුඹලාට විශ්වාසවන්ත දූතයෙක්මි.

26 : 108 එබැවින් නුඹලා අල්ලාහ්ට බිය වන්න. මට අවනත වන්න.

26 : 109 මම මේ සඳහා නුඹලාගෙන් කිසිඳු කුලියක් නොඉල්ලමි. මාගේ කුලිය විශ්වයේ දෙවියන් වෙත ඇත.

26 : 110 එබැවින් නුඹලා අල්ලාහ්ට බිය වන්න. මට අවනත වන්නැ(යි ද ඔහු පැවසීය).

26 : 111 “ඉතා පහත් අය නුඹලා අනුගමනය කරද්දී අපි නුඹ විශ්වාස කරන්නෙමු දැ”යි ඔවුහු ඇසූහ.

26 : 112 “ඔවුන් (පහත් අය) කරමින් සිටින දේ (සම්බන්ධයෙන් වූ විනිශ්චය කුමක් දැයි) මම නොදනිමි”යි ඔහු පැවසීය.

26 : 113 ඔවුන් ගැන විමසීම මාගේ දෙවියන්ගේ වගකීමකි. නුඹලා වටහා නොගන්නෙහු ද?”

26 : 114 “මම විශ්වාස කළඅය පළවා හරින්නෙක් නොවෙමි.”

26 : 115 “මම පැහැදිලිව අවවාද කරන්නෙක් මිස වෙන නැතැ”(යි ද ඔහු පැවසීය).

26 : 116 “නූහ්, නුඹ මෙයින් නොවැළකුණහොත් නුඹ ගල් ගසා මරනු ලබන්නෙහි යැ”යි ඔවුහු පැවසූ හ.

26 : 117 “මාගේ දෙවියනි, මාගේ ජනතාව මා අසත්‍ය පවසන්නෙක් යැයි සිතති”යි ඔහු පැවසීය.

26 : 118 “එබැවින් මා හා ඔවුන් අතර පැහැදිලි විනිශ්චයක් කරනු මැනව` මා ද මා සමඟ සිටින විශ්වාස කළ අය ද ආරක්ෂා කරනු මැනවැ”(යි ද ඔහු පැවසීය).

26 : 119 එබැවින් අපි ඔහු ද ඔහු සමඟ සිටි අය ද (සියලූ ජීවින්ගෙන්) පුරවන ලද නැවෙහි ආරක්ෂා කළෙමු.

26 : 120 පසුව සෙස්සන් (දියෙහි) ගිල්වීමු.

26 : 121 මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස කළඅය නො වූහ.

26 : 122 ඔබේ දෙවියන් අබිබවන්නා යත අසම සම දයාවන්තයා ය.

26 : 123 ආද් ජන සමාජය දූතයින් අසත්‍ය පවසන්නන් යැයි සිතූහ.

26 : 124 “නුඹලා (දෙවියන්ට) බිය නොවන්නෙහු දැ”යි ඔවුන්ගේ සොහොයුරු හූද් ඔවුනට ප්‍රකාශ කළ සැටි සිහි කරන්න.

26 : 125 මම නුඹලාට විශ්වාසවන්ත දූතයෙක්මි.

26 : 126 එබැවින් අල්ලාහ්ට බිය වන්න. මට අවනත වන්න. 26 : 127

මම මේ සඳහා නුඹලාගෙන් කිසිඳු කුලියක් නොඉල්ලමි. මාගේ කුලිය විශ්වයේ දෙවියන් වෙත ඇත.

26 : 128 සෑම උච්ච ස්ථානයක ම නිකරුණේ සිහිවටන ඉඳි කරන්නෙහු ද?

26 : 129 සදාකාලීනව සිටීම සඳහා ශක්තිමත් ගොඩනැගිලි තනා ගන්නෙහු ද?

26 : 130නුඹලා අල්ලා ගන්නා විට මර්දනාකාරී පිරිසක් ලෙස අල්ලා ගන්නෙහු ය.

26 : 131 එබැවින් නුඹලා අල්ලාහ්ට බිය වන්න. මට අවනත වන්න.

26 : 132 නුඹලා දන්නා දැයින් නුඹලාට පිහිට වූ තැනන්ට බිය වන්න.

26 : 133,134 ඔහු නුඹලාට සිවුපාවුන්ගෙන් ද දරුවන්ගෙන් ද උයන් වලින් ද උල්පත් වලින් ද පිහිට විය.26

26 : 135 “මම නුඹලා විෂයයෙහි ඉමහත් දිනක1 වේදනාවට බිය වෙමි” (යි ද ඔහු පැවසීය).

26 : 136 “නුඹ අපට අනුශාසනා කළත් අනුශාසනා නොකළත් අපට එක සමාන යැ”යි ඔවුහු පැවසූ හ.

26 : 137 “මෙය පැරැන්නන්ගේ කල්පිත කථා මිස වෙන නැත.”

26 : 138 “අපි දඬුවම් කරනු ලබන්නෝ නොවෙමු” (යි ද ඔවුහු පැවසූ හ).

26 : 139 ඔහු අසත්‍ය පවසන්නෙක් යැයි ඔවුහු සිතූහ. එබැවින් ඔවුන් විනාශ කළෙමු. මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස කළ අය නො වූහ.

26 : 140 ඔබේ දෙවියන් අබිබවන්නා යත අසම සම දයාවන්තයා ය.

26 : 141 සමුද් ජන සමුහය දූතයින් අසත්‍ය පවසන්නන් යැයි සිතූහ.

26 : 142 “නුඹලා (දෙවියන්ට) බිය නොවන්නෙහු දැ”යි ඔවුන්ගේ සොහොයුරු සාලීහ් ඔවුනට ප්‍රකාශ කළ සැටි සිහි කරන්න.

26 : 143 මම නුඹලාට විශ්වාසවන්ත දූතයෙක්මි.

26 : 144 එබැවින් අල්ලාහ්ට බිය වන්න. මට අවනත වන්න.

26 : 145 මම මේ සඳහා නුඹලාගෙන් කිසිඳු කුලියක් නොඉල්ලමි. මාගේ කුලිය විශ්වයේ දෙවියන් වෙත ඇත.

26 : 146,147,148 ”නුඹලා මෙහි තිඛෙන උයන් වල ද උල්පත් වල ද වගා බිම් වල ද වලූබර රට ඉඳි ගස් වල ද අභය ලාභීන් ලෙස අත් හරිනු ලබන්නෙහු ද?”26

26 : 149 “නුඹලා මහත් දක්ෂකමින් කඳු වල ගෙවල් කපන්නෙහු ය.”

26 : 150 “එබැවින් අල්ලාහ්ට බිය වන්න. මට අවනත වන්න.”

26 : 151 “සීමාව ඉක්ම වූවන්ගේ අණට අවනත නොවන්න.”

26 : 152 “ඔවුහු පොළොවෙහි අවුල් ඇති කරති. ක්‍රමවත්භාවයක් ඇති නොකරති”(යි ද ඔහු පැවසීය).

26 : 153 “නුඹ හූනියම් කරන ලද අයගෙන් කෙනෙක් යැ”යි ඔවුහු පැවසූ හ.

26 : 154 “නුඹ අප වැනි මිනිසෙක් මිස වෙන නැත. නුඹ සත්‍යවන්තයෙක් නම් ප්‍රාතිහාර්යයක් ගෙන එන්නැ”(යි ද ඔවුහු පැවසූ හ).

26 : 155 “මෙන්න ඔටු දෙනක්` පානය සඳහා නියමිත දිනක් ඌට හිමි ය. තවත් දිනක් නුඹලාට හිමියැ”යි ඔහු පැවසීය.

26 : 156 “ඌට කිසිඳු හිරිහැරයක් නොකරන්න. (එසේ කළහොත්) ඉමහත් දිනක1 වේදනාව නුඹලා හසු කරනු ඇතැ”(යි ද පැවසීය).

26 : 157 ඔවුහු ඌ කපා දැමූහ. මෙමගින් දුකට පත් වූහ.

26 : 158 වහාම වේදනාව ඔවුන් හසු කර ගත්තේ ය. මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස කළ අය නො වූහ.

26 : 159 ඔබේ දෙවියන් අබිබවන්නා යත අසම සම දයාවන්තයා ය.

26 : 160 ලුත්ගේ ජන සමාජය දූතයින් අසත්‍ය පවසන්නන් යැයි සිතූ හ.

26 : 161 “නුඹලා (දෙවියන්ට) බිය බැතිමත් නොවන්නෙහු දැ”යි ඔවුන්ගේ සොහොයුරු ලුත් ඔවුනට ප්‍රකාශ කළ සැටි සිහි කරන්න.

26 : 162 “මම නුඹලාට විශ්වාසවන්ත දූතයෙක්මි.”

26 : 163 “එබැවින් අල්ලාහ්ට බිය වන්න. මට අවනත වන්න.”

26 : 164 මම මේ සඳහා නුඹලාගෙන් කිසිඳු කුලියක් නොඉල්ලමි. මාගේ කුලිය විශ්වයේ දෙවියන් වෙත ඇත.

26 : 165,166 මෙලොවෙහි නුඹලාගේ දෙවියන් නුඹලා වෙනුවෙන් නිර්මාණය කර තිඛෙන “නුඹලාගේ භාර්යාවන් අත් හැර දමා පිරිමින් වෙත යන්නෙහු ද? නුඹලා සීමාව ඉක්ම වූ පිරිසක් ම යැ”(යි ද ඔහු පැවසීය.)26

26 : 167 “ලුත්, නුඹ මෙයින් නොවැළකුණහොත් පිටු වහල් කරන ලද අයගෙන් නුඹත් කෙනෙක් යැ”යි ඔවුහු පැවසූ හ.

26 : 168 “මම නුඹලාගේ (නරක) ක්‍රියාව පිළිකුල් කරන්නෙක්මි”යි ඔහු පැවසීය.

26 : 169 “මාගේ දෙවියනි, මා ද මාගේ පවුලේ අය ද ඔවුන් කරන දැයින් ආරක්ෂා කරනු මැනවැ”(යි ද ඔහු පැවසීය).

26 : 170,171 එබැවින් අපි ඔහු ද (දුෂ්ටයින් සමඟ) නතර වූ මැහැල්ලිය හැර ඔහුගේ පවුලේ අය සියල්ලන් ම ද ආරක්ෂා කළෙමු.26

26 : 172 පසුව අපි සෙස්සන් විනාශ කළෙමු.

26 : 173 ඔවුන් මත (ගල්) වැස්සක් වසින්නට සැලැස්වීමු.412 අවවාද කරන ලද අයගේ මෙම වර්ෂාව ඉතා අයහපත් විය.

26 : 174 මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස කළඅය නො වූහ.

26 : 175 ඔබේ දෙවියන් අබිබවන්නා යත අසම සම දයාවන්තයා ය.

26 : 176 ඝණ ලැහැඛෙහි වාසය කළ අය (මද්යන් වාසීහු) ද දූතයින් අසත්‍ය පවසන්නන් යැයි සිතූ හ.

26 : 177 “නුඹලා (දෙවියන්ට) බිය නොවන්නෙහු දැ”යි ෂුඅයිබ් ඔවුනට ප්‍රකාශ කළ සැටි සිහි කරන්න.

26 : 178 මම නුඹලාට විශ්වාසවන්ත දූතයෙක්මි.

26 : 179 එබැවින් අල්ලාහ්ට බිය වන්න. මට අවනත වන්න.

26 : 180 මම මේ සඳහා නුඹලාගෙන් කිසිඳු කුලියක් නොඉල්ලමි. මාගේ කුලිය විශ්වයේ දෙවියන් වෙත ඇත.

26 : 181 මිනුම පරිපූර්ණ කරන්න. අඩු නොකරන්න.

26 : 182 ඝෘජු තුලා මගින් කිරන්න

26 : 183 ජනතාවට ඔවුන්ගේ ද්‍රව්‍යය අඩු නොකරන්න. පොළොවෙහි අවුල් ඇති කරමින් නොසැරිසරන්න.

26 : 184 නුඹලා ද පෙර නිර්මාණයන් ද නිරිමාණය කළ තැනන්ට බිය වන්නැ(යි ඔහු පැවසීය).

26 : 185“නුඹ හූනියම් කරන ලද අයගෙන් කෙනෙක් යැ”යි ඔවුහු පැවසූ හ.

26 : 186 “නුඹ අප වැනි මිනිසෙක් මිස වෙන නැත. නුඹ අසත්‍ය පවසන්නෙක් යැයි අපි සිතන්නෙමු.”

26 : 187 “නුඹ සත්‍යවන්තයෙක් නම් අහසින් කොටසක් අප මත වැටීමට සලස්වන්නැ”(යි ද ඔවුහු පැවසූ හ).

26 : 188 “නුඹලා කරන දේ ගැන මාගේ දෙවියන් මැනවින් දනියි” යැයි ඔහු පැවසීය.

26 : 189 ඔහු අසත්‍ය පවසන්නෙක් යැයි ඔවුහු සිතූ හ. එබැවින් (වලාකුළෙන්) සෙවනැළි කරන ලද දිනයේ වේදනාව ඔවුන් හසු කළේය. එය ඉමහත් දිනක1 වේදනාව විය.

26 : 190 මෙහි සාධකයක් ඇත. නමුත් ඔවුන්ගෙන් බොහෝ දෙනෙක් විශ්වාස කළඅය නො වූහ.

26 : 191 (මුහම්මද්,) ඔබේ දෙවියන් අබිබවන්නා යත අසම සම දයාවන්තයා ය.

26 : 192

මෙය විශ්වයේ දෙවියන් වෙතින් පහළ වූවකි.

26 : 193,194,195

(මුහම්මද්,)ඔබ අවවාද කරන්නන්ගෙන් කෙනෙක් වනු පිණිස ඔබේ සිතෙහි152 පැහැදිලි අරාබි489 බසින්227 විශ්වාසවන්ත රූහ්444 මෙය පහළ කළේය.26 ) 92

26 : 196 මෙය පැරැන්නන්ගේ ධර්ම ග්‍රන්ථ වල ද ඇත.

26 : 197 ඉස්රායීල්ගේ දරුවන් අතර සිටින උගත්හු එය දැන සිටිම මොවුනට සාධකයක් නොවේ ද?

26 : 198,199 අරාබි නොවන කෙනෙකුට අපි එය පහළ කොට ඔහු එය මොවුනට පාරායණා කොට පෙන්වා තිබුණත් ඔවුන් එය විශ්වාස කර සිටින්නේ නැත.26

26 : 200 මෙලෙස අපි එය වරදකරුවන්ගේ සිත් තුළ ඇතුළු කරවන්නෙමු.

26 : 201 ඔවුහු පීඩාකාරී වේදනාව දකින තෙක් එය විශ්වාස නොකරති.

26 : 202 ඔවුන් නොදැනුවත් ව සිටිය දී හදිසියේ ම එය ඔවුන් වෙත පැමිණෙන්නේ ය.

26 : 203 “අපට ඉඩ ප්‍රස්තාවක් දෙනු ලැබේ දැ”යි (එවිට) ඔවුහු අසති.

26 : 204 අපේ වේදනාව ද, ඔවුන් හදිසියේ ම සොයන්නේ?

26 : 205,206,207

අපි ඔවුන් වසර ගණනාවකට සැප භුක්ති විඳීමට සලසා පසුව ඔවුනට අවවාද කරනු ලැබූ දේ ඔවුන් වෙත පැමිණියේ නම් ඔවුන් භුක්ති විඳිමින් සිටි දේ ඔවුන් ආරක්ෂා නොකරන බව ඔබ නොදන්නෙහි ද?26

26 : 208 කිසිඳු ගම්මානයක් ඊට අවවාද කරන්නන් නොමැතිව අපි විනාශ නොකළෙමු.

26 : 209 (මෙය) උපදේශයකි. අපි අපරාධ කරන්නෝ නොවීමු.

26 : 210 ෙෂෙතාන්වරු මෙය පහළ නො කළහ.

26 : 211 එය ඔවුනට සුදුසු ද නැත. ඔවුනට එය කළ නොහැකිය.

26 : 212 ඔවුහු සවන් දීමෙන් වළක්වන ලද අය වෙති.307

26 : 213 ඔබ අල්ලාහ් සමඟ වෙනත් දෙවියකු නොකැඳවන්න. (එසේ කළහොත්) ඔබ දඬුවම් කරනු ලබන්නන්ගෙන් කෙනෙක් වන්නෙහි ය.

26 : 214 (මුහම්මද්,) ඔබේ කිට්ටු ඥාතීන්ට අවවාද කරන්න.281

26 : 215 ඔබ අනුගමනය කරන විශ්වාස කළ අයට ඔබේ පියාපත පහත් කරන්න.251

26 : 216 “ඔවුහු ඔබට පටහැනි වෙත් නම් නුඹලා කරන දැයින් මම වැළකුණෙක් මි”යි පවසන්න.

26 : 217 අබිබවන්නා හා අසම සම දයාවන්තයා කෙරෙහි ම රඳා පවතින්න.

26 : 218,219 ඔබ සිට ගන්නා මොහොතේ ද සජ්දා කරන අය සමඟ ඔබ ක්‍රියා කරන විට ද ඔහු ඔබ දෙස බලයි.26

26 : 220 ඔහු සවන් දෙන්නා යත488 සර්වඥ ය.

26 : 221 ෙෂෙතාන්වරු කවරෙකු මත පහළ වන්නේ දැයි මම නුඹලාට දන්වන්නෙම් ද?

26 : 222 ප්‍රබන්ධ කරන සෑම පවිටෙකු කෙරෙහි ම ඔවුහු පහළ වෙති.

26 : 223 ඔවුහු හොර රහසේ සවන් දෙති. ඔවුන්ගෙන් බොහෝ දෙනෙක් බොරුකාරයෝ ය.

26 : 224 නොමග ගියවුන් ම කවිවරුන් අනුගමනය කරති.

26 : 225 ඔවුන් සෑම මිටියාවතක ම අයාලේ යන බව ඔබ නොදන්නෙහි ද?

26 : 226 ඔවුහු නොකරන දේ පවසති.

26 : 227 විශ්වාස කොට යහපත් ක්‍රියා කර අධිකව අල්ලාහ් සිහි කොට අපරාධ කරනු ලැබීමෙන් පසුව පළිගත් අය (කවිවරු) හැර. තමන් යෑමට නියමිත ස්ථානය කුමක් දැයි අපරාධකරුවෝ මතුවට දැන ගනිති.