22 : අල් හජ් – අනිවාර්ය වූ නැමදුමක්

අල් හජ් – අනිවාර්ය වූ නැමදුමක්

පරිච්ඡේදය: 22

මුළු වැකි ගණන : 78

මෙම පරිච්ඡේදයේ 27 වන වැකියේ සිට 37 වන වැකිය දක්වා හජ් වන්දනාව පිළිබඳව ද එහි වත් පිළිවෙත් පිළිබඳව ද ප්‍රකාශ වන බැවින් මෙම පරිච්ඡේදයට මෙසේ නම් කරන ලදී.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

22 : 1 මිනිසුනි, නුඹලාගේ දෙවියන්ට බිය වන්න. යුගාන්ත මොහොතේ1 කම්පනය ඉමහත් දැයකි.

22 : 2 නුඹලා එය දකින දින1 සෑම කිරි දෙන මවක් ම ඇගේ කිරි දරුවා අමතක කරන්නී ය. සෑම ගැබිනියක් ම ඇගේ ගැබෙහි ඉසිලූ දේ ප්‍රසූත කරන්නී ය. ඔබ මිනිසුන් මත් වූවන් සේ දකින්නෙහි ය. එහෙත් ඔවුහු මත්වූවෝ නොවෙති. නමුත් අල්ලාහ්ගේ වේදනාව දරුණු ය.

22 : 3 කිසිඳු දැනුමකින් තොරව අල්ලාහ් විෂයයෙහි විවාද කරන අය ද නොමග යවන සෑම ෂෛතාන් වරයෙකු ම අනුගමනය කරන අය ද මිනිසුන් අතර සිටිති.

22 : 4 “ඔහු තමා භාරකරුවෙක් ලෙස ගත් තැනැත්තා නොමග යවන්නේ ය. නිරයේ වේදනාවට මග පෙන්වන්නේ යැ”යි ඔහුට (ෂෛතාන්ට) එරෙහිව ලියන ලදී.

22 : 5 මිනිසුනි, යළි පණ ගන්වනු ලැබීම ගැන නුඹලා සැකයකින් සිටින්නෙහු නම් අපි (නුඹලාට පැහැදිලි කරන්නෙමු). අපි නුඹලා පසින් ද368 පසුව ශුක්‍රාණුවකින් ද පසුව සංසේචිත ඩිම්බයකින් ද365 ) 506 පසුව පරිපූර්ණ කරන ලද හා පරිපූර්ණ නොකරන ලද මස් පිඬුවකින් ද නිර්මාණය කළෙමු. අපි සිතූ දැය නියමිත කාලයක් දක්වා144 ගර්භාෂයන්හි පිහිටීමට සලස්වන්නෙමු. පසුව නුඹලා බිළිඳෙකු ලෙස බැහැර කරන්නෙමු. පසුව නුඹලා නුඹලාගේ තාරුණ්‍යය ලබන්නෙහු ය. නුඹලා අතර අත් පත් කර ගනු ලබන අය ද සිටිති. දැනුමෙන් පසු කිසිවක් නොදන්නා සේ වනු පිණිස දැඩි මහලූ විය දක්වා ගෙන යනු ලබන අය ද නුඹලා අතර සිටිති. පොළොව වියලි ව ඔබ දකින්නෙහි ය. අපි ඒ මතට ජලය පහළ කරන විට එය විකසිත වී වැඩී අලංකාර සෑම වර්ගයක් ම හට ගන්වයි.

22 : 6 මෙයට හේතුව අල්ලාහ් සත්‍යවන්තයා වීමත් ඔහු මළවුන්ට ජීවය දීමත් ඔහු සියලූ දේ කෙරෙහි බලසම්පන්නයෙක් වීමත් ය.

22 : 7 යුගාන්ත මොහොත1පැමිණෙන්නේ ම ය. එහි කිසිඳු සැකයක් නැත. අල්ලාහ් සොහොන් වල සිටින අය පණ ගන්වයි.

22 : 8 කිසිඳු දැනුමක් ද යහ මගක් ද ආලෝකය විහිදු වන ධර්ම ග්‍රන්ථයක් ද නොමැතිව අල්ලාහ් විෂයයෙහි විවාද කරන්නා ද මිනිසුන් අතර සිටියි.

22 : 9 අල්ලාහ්ගේ මාර්ගයෙන් (මිනිසුන්) නොමග යවනු පිණිස ඔහු තම ගෙල හරවා ගනියි. ඔහුට මෙලොවෙහි නින්දාවක් ඇත. කියාමත් දින1 දවන වේදනාවක් ද අපි ඔහුට රස විඳීමට සලස්වන්නෙමු.

22 : 10 “මෙය නුඹ කළ කර්මය හේතු කොටගෙන ය. අල්ලාහ් වහලූන්ට අපරාධ කරන්නෙක් නොවේ” (යැයි පවසන්නෙමු).

22 : 11 මායිමක සිටිමින් අල්ලාහ් නමදින්නා ද මිනිසුන් අතර සිටියි. ඔහුට යහපත් සිදු වූයේ නම් එහි සැනසුම ලබයි. ඔහුට පරීක්ෂණයක් සිදු වූයේ නම්484 උඩු යටිකුරු වෙයි. ඔහු මෙලොවෙහි ද පරලොවෙහි ද අලාභ ලැබීය. පැහැදිලි අලාභය මෙයයි.

22 : 12 අල්ලාහ් හැර තමාට අයහපතක් නොකරන දැය වෙත ද ප්‍රයෝජනයක් ගෙන නොදෙන දැය වෙත ද ඔහු ප්‍රාර්ථනා කරයි. (සත්‍යයෙන්) ඈත් වූ දුර් මාර්ගය මෙයයි.

22 : 13 කවරෙකුගේ යහපතට වඩා අයහපත ඉතා සමීපයේ තිබේ ද ඔහු වෙත මොහු ප්‍රාර්ථනා කරයි. ඔහු අයහපත් මිත්‍රයා ය. අයහපත් භාරකරුවා ය.

22 : 14 විශ්වාස කොට යහපත් ක්‍රියා කළ අය ස්වර්ගයන්හි අල්ලාහ් ඇතුළු කරවයි. ඒවා යටින් ගංගා ගලා බසියි. අල්ලාහ්, තමා සිතූ දේ කරයි.

22 : 15 අල්ලාහ් මෙලොවෙහි ද පරලොවෙහි ද මොහුට (මුහම්මද්ට) උදව් නොකරන්නේ යැයි යමෙක් සිතන්නේ නම් ඔහු අහස දෙසට කඹයක් දික් කොට පසුව (දෙවියන් මුහම්මද්ට කරන උපකාරය) කපා හරිත්වා` මෙම කුමන්ත්‍රණයවත් ඔහුගේ ප්‍රකෝපය පහ කරන්නේ දැයි බලත්වා`

22 : 16 මෙලෙස අපි එය පැහැදිලි වැකි ලෙස පහළ කළෙමු. අල්ලාහ්, තමා සිතූ කෙනෙකුට යහ මග පෙන්වයි.

22 : 17 විශ්වාස කළ අය ද යුදෙව්වන්ද සාබිඊන්වරුන් ද443 ක්‍රිස්තියානිවරුන් ද ගිනි යදින්නන් ද සමානයන් කල්පනය කළ අය ද ආදී ඔවුන් අතර අල්ලාහ් කියාමත් දින1 විනිශ්චය කරයි. අල්ලාහ් සියලූ දේ බලමින් සිටින්නෙකි.

22 : 18 අහස් හි සිටින අය ද පොළොවෙහි සිටින අය ද හිරු ද සඳ ද තාරකා ද කඳු ද ගස්වැල් ද ජීවින් ද මිනිසුන්ගෙන් බොහෝ දෙනෙක් ද අල්ලාහ්ට යටහත් පහත් වන බව ඔබ නොදන්නෙහි ද?396 තවත් බොහෝ දෙනෙකු කෙරෙහි වේදනාව ස්ථීර විය. අල්ලාහ් යමෙකුට නිග්‍රහ කරන්නේ ද ඔහුට ගෞරවය ඇති කරන්නෙක් නැත. අල්ලාහ් සිතූ දේ කරයි.

22 : 19 මෙන්න, තම දෙවියන් ගැන විවාද කරමින් සිටි පැමිණිලිකරුවන් දෙදෙනෙක් සිටිති. (එකම දෙවියන්) ප්‍රතික්ෂේප කළ අය වෙනුවෙන් ගින්නෙන් ඇඳුමක් පිළියෙල කරන ලදී. ඔවුන්ගේ හිස් මත උණු දිය වත් කරනු ලැබේ.

22 : 20 එමගින් ඔවුන්ගේ උදරයන්හි තිබෙන දැය ද සම් ද උණු කරනු ලැබේ.

22 : 21 ඔවුන් වෙනුවෙන් යකඩ කුළු ගෙඩි ද ඇත.

22 : 22 ඔවුහු දුකින් එයින් පිට වීමට සිතන සෑම විටෙක ම නැවත එහි තල්ලූ කරනු ලබති. “දවන වේදනාව විඳින්නැ”(යි ඔවුනට ප්‍රකාශ කරනු ලැබේ).

22 : 23 විශ්වාස කොට යහපත් ක්‍රියා කළ අය ස්වර්ගයන්හි අල්ලාහ් ඇතුළු කරවයි. ඒවා යටින් ගංගා ගලා බසියි. ඇත. එහි දී ඔවුනට රන් වළලූ ද මුතු ද පළඳවනු ලැබේ. එහි දී ඔවුන්ගේ වස්ත්‍රය සේද ය.

22 : 24 ඔවුහු පිවිතුරු ප්‍රතිපත්තියකට මග පෙන්වනු ලැබූහ. ප්‍රශංසනීයයා (වන දෙවියන්)ගේ මාර්ගයට ද ඔවුහු මග පෙන්වනු ලැබූහ.

22 : 25 (එකම දෙවියන්) ප්‍රතික්ෂේප කළ අයට ද අල්ලාහ්ගේ මාර්ගයෙන් හා මස්ජිදුල් හරාමයෙන් (මිනිසුන්) වැළැක් වූ අයට ද එහි දී අයුක්තිය මගින් වැරදි කිරීමට සිතන අයට ද පීඩාකාරී වේදනාවක් විඳීමට සලස්වන්නෙමු. මස්ජිදුල් හරාමය (එහි) සමීපයේ වාසය කරන්නන්ට ද දුරින් වාසය කරන්නන්ට ද එක සමාන කළෙමු.290

22 : 26 “මට කිසිවක් සමානව නොසිතන්න. තවාෆ් කරන්නන්ට ද සිටගෙන නමදින්නන්ට ද රුකුඋ සජ්දා කරන්නන්ට ද මාගේ ගෘහය පවිත්‍ර කරන්නැ”යි (පවසමින්) අපි ඉබ්‍රාහීම්ට එම ගෘහය33 පිහිටි ස්ථානය නිශ්චය කර දුන් සැටි සිහි කරන්න.

22 : 27 හජ් පිළිබඳ ජනතාවට දන්වන්න. ඔවුහු පා ගමනින් ද සෑම වැහැරුණු ඔටුවෙකු පිට ද ඔබ වෙත පැමිණෙති. උන් දුර බැහැර සෑම මාර්ගයකින් ම ඔවුන් ගෙනැවින් එක් කරන්නේ යැ”(යි ද අපි පැවසුවෙමු).

22 : 28 ඔවුහු තමන්ට හිමි ප්‍රයෝජන අත් කර ගනු පිණිස ද ඔවුනට හීලෑ සිවු පාවුන් දුන් බැවින් නියමිත දින වල අල්ලාහ්ගේ නාමය උසුරනු පිණිස ද (පැමිණෙති). නුඹලා ද එයින් අනුභව කරන්න.171 දුක් විඳින දිළිඳුන්ට ද පිරිනමන්න.

22 : 29 පසුව ඔවුහු තමන් තුළ තිබෙන අපවිත්‍ර පහ කරත්වා` තම භාරයන් ඉටු කරත්වා` ඉපැරණි වූ එම ශෘහය33 තවාෆ් කරත්වා`

22 : 30 මෙයයි (අල්ලාහ්ගේ නියෝගය). යමෙක් අල්ලාහ් පුණ්‍යත්වයට පත් කළ දැයට ගරු කරන්නේ ද එය ඔහුගේ දෙවියන් වෙත ඔහුට ඉතා යහපත් ය. නුඹලාට ප්‍රකාශ කරනු ලබන දැය හැර සෙසු සිවුපාවුන් නුඹලාට අනුමත කරන ලදී. ප්‍රතිමාවන් නමැති අපවිත්‍රයෙන් වැළකෙන්න. අසත්‍ය කථා කිරීමෙන් වැළකෙන්න.

22 : 31 අල්ලාහ්ට ම කැප කොට ඔහුට සමානයන් කල්පනය නොකළවුන් ලෙසින් (දිවි ගත කරන්න). අල්ලාහ්ට සමානයන් කල්පනය කරන්නා අහසින් වැටී පක්ෂීහු පැහැර ගෙන ගිය කෙනෙකු මෙන්416 හෝ සුළඟ දුර තැනකට ගෙන ගොස් දැමූ කෙනෙකු මෙන් ය.

22 : 32 මෙයයි (අල්ලාහ්ගේ නියෝගය). යමෙක් අල්ලාහ්ගේ සංකේත වලට ගරු කරන්නේ ද එය සිත් තුළ තිබෙන දේව බිය බැතිය ප්‍රකාශ වීමක් ය.

22 : 33 ඒවාහි (හීලෑ සිවුපාවුන්ගෙන්) නියමිත කාලයක් දක්වා නුඹලාට ප්‍රයෝජන ඇත.383 පසුව උන් ගෙන යනු ලබන තැන ඉපැරණි වූ එම ගෘහයයි.33

22 : 33 ඒවාහි (හීලෑ සිවුපාවුන්ගෙන්) නියමිත කාලයක් දක්වා නුඹලාට ප්‍රයෝජන ඇත.383 පසුව උන් ගෙන යනු ලබන තැන ඉපැරණි වූ එම ගෘහයයි.33

22 : 35 අල්ලාහ් ගැන ප්‍රකාශ කරන ලද්දේ නම් ඔවුන්ගේ සිත් වෙව්ලයි. ඔවුනට සිදු වූ දේ ඔවුහු ඉවසා ගනිති. සලාතය ඉටු කරති. අපි ඔවුනට දුන් දැයින් (යහපත් මාර්ගයේ) වියදම් කරති.

22 : 36 නුඹලා වෙනුවෙන් (බිලි දෙනු ලබන) ඔටුවන් අල්ලාහ්ගේ (ධාර්මික) සංකේත වලින් එකක් කළෙමු. ඒවාහි නුඹලාට යහපතක් ඇත. ඌ සිට ගනිමින් සිටිය දී ඌ කෙරෙහි අල්ලාහ්ගේ නාමය උසුරන්න. ඌගේ ඇලපත දෙසින් වැටුණු විගස එයින් අනුභව කරන්න.171 පුලන්නාට ද සිඟන්නාට ද අනුභවයට දෙන්න. නුඹලා කෘතඥ වනු පිණිස මෙලෙස අපි නුඹලාට එය ප්‍රයෝජනවත් කළෙමු.

22 : 37 උන්ගේ මාංශ හෝ උන්ගේ රුධිරය හෝ අල්ලාහ්ට ළඟා නොවේ. නමුත් නුඹලා තුළ තිබෙන (දේව) බිය බැතිය ම ඔහුට ළඟා වේ.292 නුඹලාට යහ මග පෙන් වූ හෙයින් නුඹලා අල්ලාහ් උත්කෘෂ්ටවත් කරවනු පිණිස මෙලෙස ඔහු එය නුඹලාට ප්‍රයෝජනවත් කළේය. යහපත කරන්නන්ට සුබාරංචි කියන්න.

22 : 38 අල්ලාහ් විශ්වාස කළ අය කෙරෙන් (ද්‍රෝහිකම) වළක්වා දමයි. අල්ලාහ් අකෘතඥ ද්‍රෝහියන් ප්‍රිය නොකරයි.

22 : 39 සටන් කරනු ලැබූ අයට අයුක්තියක් සිදු කරන ලද හෙයින් ඔවුනට (එරෙහි වී සටන් කිරීමට) අවසර දෙන ලදී. අල්ලාහ් ඔවුනට උදව් කිරීමට බලසම්පන්නයෙකි.53

22 : 40 “අපේ දෙවියන් අල්ලාහ් ම යැ”යි ඔවුන් ප්‍රකාශ කළ බැවින් අයුක්ති සහගතව තමන්නේ නිවෙස් වලින් ඔවුහු නෙරපා දමනු ලැබූ හ. අල්ලාහ් මිනිසුන්ගෙන් ඇතැමෙකු ලවා ඇතැමෙකු නොවැළැක්වූයේ නම් ආරාමයන්, දේවස්ථාන, සිද්ධස්ථාන සහ අල්ලාහ්ගේ නාමය අධිකව සිහි කරනු ලබන පල්ලි සුනු විසුනු කරනු ලැබ ඇත්තේ ය.433 තමාට උදව් කරන අයට අල්ලාහ් ද උදව් කරයි. අල්ලාහ් බලවතෙකි අබිබවන්නෙකි.

22 : 41 අපි පොළොවෙහි ඔවුනට අවස්ථාවක් දුනිමු නම් ඔවුහු සලාතය ඉටු කරති. සකාතය ද පිරිනමති. යහපත අණ කරති. අයහපත වළක්වති. කටයුතු වල අවසානය අල්ලාහ්ට ම හිමිය.

22 : 42,43,44 (මුහම්මද්,) ඔවුහු ඔබ අසත්‍ය පවසන්නෙක් යැයි සිතුවහොත් ඔවුනට පෙර නූහ්ගේ ජන සමාජය ද ආද් හා සමූද් ජන සමාජය ද ඉබ්‍රාහීම්ගේ ජන සමාජය ද ලුත්ගේ ජන සමාජය ද මද්යන් වාසීහු ද අසත්‍ය යැයි සිතා ඇත්තා හ. මූසා ද අසත්‍ය පවසන්නෙක් යැයි සිතනු ලැබීය. එබැවින් (මා) ප්‍රතික්ෂේප කළ අයට මම ඉඩ ප්‍රස්තාවක් දුනිමි. පසුව ඔවුන් හසු කර ගතිමි. මාගේ වේදනාව කෙබඳු වී ද?26

22 : 45 අපරාධ කරමින් සිටි කොපමණ ගම්මානයන් අපි විනාශ කළෙමු ද? ඒවා ඒවායේ වහල වල් සමඟ ඇද වැටී ඇත. (කොපමණ) පාළු ළින් ද? ශක්තිමත් බල කොටු ද?

22 : 46 ඔවුහු පොළොවෙහි සංචාරය නොකළෝ ද? (එසේ කළහොත්) වටහා ගන්නා සිත් ද ඇසෙන කන් ද ඔවුනට තිබෙන ඇත දෘෂ්ටියන් අන්ධ නොවීය නමුත් සිත්හි තිබෙන සිතුවිලි ම අන්ධ වී ඇත

22 : 47 (මුහම්මද්,) ඔවුහු වේදනාව ඔබෙන් හදිසියෙන් ම සොයති අල්ලාහ් තම පොරොන්දු කිසිසේත් ම කඩ නොකරයි ඔබේ දෙවියන් හමුවේ දවසක් යනු නුඹලා ගණන් කරන වසර දහසක් බඳු ය293

22 : 48 කොපමණ ගම්මාන වලට ඒවා අපරාධ කරමින් සිටිය දී මම ඒවාට ඉඩ ප්‍රස්තා දුන්නෙම් ද? පසුව ඒවා හසු කර ගත්තෙමි යළි පිවිසුම මා වෙත ම ය

22 : 49 “මිනිසුනි, මම නුඹලාට පැහැදිලි ව අවවාද කරන්නෙක් මි”යි (මුහම්මද්,) පවසන්න.

22 : 50 විශ්වාස කොට යහපත් ක්‍රියා කළ අයට ක්ෂමාවක් ද ගෞරවනීය ආහාරයක් ද ඇත

22 : 51 අපේ වැකි ජය ගැනීමට තැත් කරන අය නිරාවාසීහු ය

22 : 52,53 (මුහම්මද්,) අපි ඔබට පෙර එවූ කුමන නබිවරයෙක් වූවත් දූතයෙක් වූවත්398 ඔහු පාරායණා කරන විට ෂෛතාන් ඔහුගේ පාරායණයෙහි (සාවද්‍ය වූ අවුලක්) නොදමා සිටියේ නැත.294 කවරෙකුගේ සිතෙහි රෝගයක් තිබේ ද ඔවුනට ද රළු සිතක් තිබෙන අයට ද ෂෛතාන් දැමූ දේ පරික්ෂණයක් කරනු පිණිස අල්ලාහ් ෂෛතාන් දැමූ දේ වෙනස් කරයි. පසුව තම වැකි ස්ථීර කරයි. අල්ලාහ් සර්වඥයෙකි,ප්‍රඥාවන්තයෙකි. අපරාධකරුවෝ (සත්‍යයෙන්) ඈත් වූ මත භේදයක සිටිති’26

22 : 54 (මුහම්මද්,) අධ්‍යාපනය පිරිනමන ලද අය මෙය ඔබේ දෙවියන් වෙතින් පැමිණි සත්‍යය බව දැන ගෙන එය විශ්වාස කරනු පිණිස ද ඔවුන්ගේ සිත් ඔහුට යටහත් පහත් වනු පිණිස ද (මෙසේ සිදු කරයි) අල්ලාහ් විශ්වාස කළ අය සෘජු මාර්ගයකට යොමු කරයි

22 : 55 යුගාන්ත මොහොත1 හදිසියේ ම ඔවුන් වෙත පැමිණෙන තෙක් හෝ ප්‍රයෝජනවත් නොවන දිනයේ වේදනාව ඔවුන් වෙත පැමිණෙන තෙක් හෝ (එකම දෙවියන්) ප්‍රතික්ෂේප කරන්නෝ මෙහි සැකයෙහි ම සිටිති.

22 : 56 මෙදින පාලනය අල්ලාහ්ට ම හිමිය. ඔහු ඔවුන් අතර විනිශ්චය කරයි. විශ්වාස කොට යහපත් ක්‍රියා කළ අය ප්‍රමෝදමත් ස්වර්ගයන් හි සිටිති.

22 : 57 (අප) ප්‍රතික්ෂේප කොට අපේ වැකි අසත්‍ය යැයි සිතූ අයට නින්දනීය වේදනාවක් ඇත.

22 : 58 අල්ලාහ්ගේ මාර්ගයෙහි හිජ්රත්460 කර පසුව ඝාතනය කරන ලද අයට නැතහොත් මරණයට පත් වූ අයට අල්ලාහ් අලංකාර ආහාරයක් පිරිනමයි. අල්ලාහ් ආහාර සපයන්නන්ගෙන් අති විශිෂ්ට ය.463

22 : 59 ඔවුන් තෘප්තිමත් වන ප්‍රවේශයකට ඔවුන් ඇතුළු කරයි. අල්ලාහ් සර්වඥයෙකි,ඉවසිලිවන්තයෙකි’

22 : 60 මෙයයි (අල්ලාහ්ගේ නියෝගය) යමෙක් තමා පීඩා කරනු ලැබුවාක් මෙන් (ඊට හේතුකාරක වූ අයට) පීඩා කරන විට ඒ වෙනුවෙන් ඔහුට යළි අපරාධ කරන ලද්දේ නම් අල්ලාහ් ඔහුට පිහිට වනු ඇත. අල්ලාහ් ක්ෂමා කරන්නෙකි, වැරදි ඉවසා සිටින්නෙකි.

22 : 61 මෙයට හේතුව අල්ලාහ් රාත්‍රිය දහවලෙහි ඇතුළු කිරීමත් දහවල රාත්‍රියෙහි ඇතුළු කිරීමත් අල්ලාහ් සවන් දෙන්නෙක් ද බලන්නෙක් ද වීමත් ය.

22 : 62 තවද මෙයට හේතුව අල්ලාහ් ම සත්‍යවන්තයා වීමත් ඔහු හැර ඔවුන් ප්‍රාර්ථනා කරන දේ අසත්‍ය දේ වීමත් අල්ලාහ් උත්කෘෂ්ට හා ශ්‍රේෂ්ඨ වීමත් ය.

22 : 63 අල්ලාහ් අහසින් ජලය පහළ කරන බවත් (එමගින්) පොළොව හරිත වන බවත් ඔබ නොදන්නෙහි ද?507 අල්ලාහ් තීක්ෂණ බුද්ධිමතෙකි, ප්‍රවීණයෙකි.

22 : 54 (මුහම්මද්,) අධ්‍යාපනය පිරිනමන ලද අය මෙය ඔබේ දෙවියන් වෙතින් පැමිණි සත්‍යය බව දැන ගෙන එය විශ්වාස කරනු පිණිස ද ඔවුන්ගේ සිත් ඔහුට යටහත් පහත් වනු පිණිස ද (මෙසේ සිදු කරයි) අල්ලාහ් විශ්වාස කළ අය සෘජු මාර්ගයකට යොමු කරයි

22 : 55 යුගාන්ත මොහොත1 හදිසියේ ම ඔවුන් වෙත පැමිණෙන තෙක් හෝ ප්‍රයෝජනවත් නොවන දිනයේ වේදනාව ඔවුන් වෙත පැමිණෙන තෙක් හෝ (එකම දෙවියන්) ප්‍රතික්ෂේප කරන්නෝ මෙහි සැකයෙහි ම සිටිති.

22 : 56 මෙදින පාලනය අල්ලාහ්ට ම හිමිය. ඔහු ඔවුන් අතර විනිශ්චය කරයි. විශ්වාස කොට යහපත් ක්‍රියා කළ අය ප්‍රමෝදමත් ස්වර්ගයන් හි සිටිති.

22 : 57 (අප) ප්‍රතික්ෂේප කොට අපේ වැකි අසත්‍ය යැයි සිතූ අයට නින්දනීය වේදනාවක් ඇත.

22 : 58 අල්ලාහ්ගේ මාර්ගයෙහි හිජ්රත්460 කර පසුව ඝාතනය කරන ලද අයට නැතහොත් මරණයට පත් වූ අයට අල්ලාහ් අලංකාර ආහාරයක් පිරිනමයි. අල්ලාහ් ආහාර සපයන්නන්ගෙන් අති විශිෂ්ට ය.463

22 : 59 ඔවුන් තෘප්තිමත් වන ප්‍රවේශයකට ඔවුන් ඇතුළු කරයි. අල්ලාහ් සර්වඥයෙකි,ඉවසිලිවන්තයෙකි’

22 : 60 මෙයයි (අල්ලාහ්ගේ නියෝගය) යමෙක් තමා පීඩා කරනු ලැබුවාක් මෙන් (ඊට හේතුකාරක වූ අයට) පීඩා කරන විට ඒ වෙනුවෙන් ඔහුට යළි අපරාධ කරන ලද්දේ නම් අල්ලාහ් ඔහුට පිහිට වනු ඇත. අල්ලාහ් ක්ෂමා කරන්නෙකි, වැරදි ඉවසා සිටින්නෙකි.

22 : 61 මෙයට හේතුව අල්ලාහ් රාත්‍රිය දහවලෙහි ඇතුළු කිරීමත් දහවල රාත්‍රියෙහි ඇතුළු කිරීමත් අල්ලාහ් සවන් දෙන්නෙක් ද බලන්නෙක් ද වීමත් ය.

22 : 62 තවද මෙයට හේතුව අල්ලාහ් ම සත්‍යවන්තයා වීමත් ඔහු හැර ඔවුන් ප්‍රාර්ථනා කරන දේ අසත්‍ය දේ වීමත් අල්ලාහ් උත්කෘෂ්ට හා ශ්‍රේෂ්ඨ වීමත් ය.

22 : 63 අල්ලාහ් අහසින් ජලය පහළ කරන බවත් (එමගින්) පොළොව හරිත වන බවත් ඔබ නොදන්නෙහි ද?507 අල්ලාහ් තීක්ෂණ බුද්ධිමතෙකි, ප්‍රවීණයෙකි.

22 : 64 අහස් හි තිබෙන දැය ද පොළොවෙහි තිබෙන දැය ද ඔහුට ම හිමිය. අල්ලාහ් ප්‍රශංසනීය යා ය, අවශ්‍යතාවලින් තොර කෙනා ය.

22 : 65 (මුහම්මද්,) පොළොවෙහි තිබෙන දැය ද ඔහුගේ අණ පරිදි මුහුදේ යාත්‍රා කරන නැව ද අල්ලාහ් නුඹලාට ප්‍රයෝජනවත් කර තිබෙන බව ඔබ නොදන්නෙහි ද? ඔහු අණ කළේ නම් මිස අහස පොළොව මත නොවැටෙන සේ ඔහු වළක්වා තබා ඇත240 අල්ලාහ් මිනිසුන් කෙරෙහි අනුකම්පාව දක්වන්නෙකි, අසම සම දයාවන්තයෙකි.

22 : 66 නුඹලාට ජීවය දුන්නේ ඔහු ය. පසුව නුඹලා මරණයට පත් කරයි. පසුව නුඹලා ප්‍රාණවත් කරයි. මිනිසා අකෘතඥයෙක් ම ය.

22 : 67 (මුහම්මද්,) අපි සෑම ජන සමාජයකට ම වත් පිළිවෙත් ක්‍රමයක් නියම කර ඇත්තෙමු. ඔවුහු ඒවා අනුගමනය කරති. ඔවුහු මේ සම්බන්ධයෙන් ඔබ සමඟ විවාද නොකරත්වා` ඔබේ දෙවියන් වෙතට (ඔවුන්) කැඳවන්න. ඔබ සෘජු මාර්ගයක සිටින්නෙහි ය.

22 : 68 ඔවුහු ඔබ සමඟ විවාද කළහොත් “අල්ලාහ් නුඹලා කරන දැය මැනවින් දනියි” යැයි (මුහම්මද්,) පවසන්න.

22 : 69 නුඹලා ප්‍රතිවිරුද්ධ වූ දැයෙහි අල්ලාහ් කියාමත් දින1 නුඹලා අතර විනිශ්චය කරයි.

22 : 70 (මුහම්මද්,) අහස්හි ද පොළොවෙහි ද තිබෙන දැය ගැන අල්ලාහ් දන්නා බව ඔබ නොදන්නෙහි ද? මෙය ලේඛනයක157 (සටහන් වී) ඇත මෙය අල්ලාහ්ට පහසු ය.

22 : 71 අල්ලාහ් හැර දමා ඔහු කවරක් ගැන කිසිඳු සාධකයක් පහළ නොකළේ ද එයට ද කවරක් ගැන ඔවුනට දැනුමක් නොමැත්තේ ද එයට ද ඔවුහු නැමදුම් කරති. අපරාධකරුවනට කිසිඳු පිහිට වන්නෙක් නැත.

22 : 72 අපේ පැහැදිලි වැකි ඔවුනට ප්‍රකාශ කරන ලද්දේ නම් (අපි) ප්‍රතික්ෂේප කරන්නන්ගේ මුහුණු වල පිළිකුල ඔබ දකින්නෙහි ය. අපේ වැකි ඔවුනට ප්‍රකාශ කරන අයට පහර දීමට ද ඔවුහු එළඹෙති “මීට වඩා නරක දැයක් ගැන මම නුඹලාට පවසන්නෙම් දැ”යි (මුහම්මද්,) අසන්න (එය) නිරයයි ප්‍රතික්ෂේප කළ අයට අල්ලාහ් එය පොරොන්දු වී ඇත. එය ගමනාන්තයන් හි ඉතා නරක ය.

22 : 73 මිනිසුනි, නුඹලාට උපමාවක් ප්‍රකාශ කරනු ලැබේ. එබැවින් එයට සවන් දෙන්න. නුඹලා අල්ලාහ් හැර කවරෙකු කැඳවන්නෙහු ද ඔවුහු සියල්ලෝ ම එක් රැස් වූවත් මැස්සකුවත් නිර්මාණය නොකරති. මැස්සා ඔවුන්ගෙන් යමක් පැහැර ගත්තේ නම් උගෙන් එය මුදවා ගැනීමවත් ඔවුනට නොහැකිය. සොයන්නා ද සොයනු ලබන්නා ද දුබල ව සිටිති.

22 : 74 ඔවුහු අල්ලාහ්ට ගෞරව කළ යුතු අයුරින් ගෞරව නොකළ හ. අල්ලාහ් බලවතෙකි, අබිබවන්නෙකි.

22 : 75 අල්ලාහ් සුර දූතයින්ගෙන් ද මිනිසුන්ගෙන් ද දූතයින් තෝරා ගනියි.161 අල්ලාහ් සවන් දෙන්නෙකි,488 බලන්නෙකි.

22 : 76 ඔවුන් ඉදිරියෙන් හා පසු පසින් තිබෙන දැය ඔහු දනියි. සියලූ කටයුතු අල්ලාහ් වෙත ම ගෙන යනු ලැබේ.

22 : 77 විශ්වාස කළ අයවලූනි, රුකුඋ කරන්න, සජ්දා කරන්න.396 නුඹලාගේ දෙවියන් නමදින්න. යහපත ඉටු කරන්න. නුඹලා ජය ලබන්නෙහු ය.

22 : 78 අල්ලාහ් වෙනුවෙන් ශුද්ධ වූ ධර්ම සටන සිදු කළ යුතු අයුරින් ශුද්ධ වූ ධර්ම සටන සිදු කරන්න. මෙම දූතයා (මුහම්මද්) නුඹලාට පැහැදිලිව ප්‍රකාශ කරන්නෙකු වනු පිණිස ද නුඹලා සෙසු ජනතාවට පැහැදිලි ව ප්‍රකාශ කරන්නන් වනු පිණිස ද ඔහු නුඹලා තෝරා ගත්තේ ය. නුඹලාගේ පියාණන් වූ ඉබ්‍රාහීම්ගේ ධර්මය වන මෙම ධර්මයේ ඔහු නුඹලාට කිසිඳු අපහසුතාවක් ඇති නොකළේය.68 මීට පෙර ද මෙහි ද නුඹලාට මුස්ලිම්වරු295 යැයි නම් කළේ ඔහු මය.එබැවින් සලාතය ඉටු කරන්න, සකාතය ද පිරිනමන්න. අල්ලාහ් තදින් අල්ලා ගන්න. නුඹලාගේ ආරක්ෂකයා ඔහු ය. ඔහු අති විශිෂ්ට ආරක්ෂකයා ය, අති විශිෂ්ට උදව් කරුවා ය.