21 : අල් අන්බියා – නබිවරු

අල් අන්බියා – නබිවරු

පරිච්ඡේදය: 21

මුළු වැකි ගණන : 112

මූසා, හාරූන්, ඉබ්‍රාහීම්, ලුත්, ඉස්හාක්, යඃකූබ්, නූහ්, දාවූද්, සුලෛමාන්, අය්යූබ්, ඉස්මායීල්, ඉද්රීස්, දුල් කිෆ්ල්, යූනූස්, සකරිය්යා ආදී නබිවරුන් පිළිබඳව මෙම පරිච්ඡේදයේ ප්‍රකාශ වන බැවින් මෙයට ‘නබි වරු’ යැයි නම් කරන ලදී.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

21 : 1 මිනිසුන්ට ඔවුන්ගේ විභාගය ළං වී ඇත. නමුත් ඔවුහු පිටු පා නොසැලකිලිමත්ව සිටිති.

21 : 2 තමන්ගේ දෙවියන් වෙතින් ඔවුනට අලූතින් පුවතක් පැමිණෙන සෑම විටෙක ම ඔවුහු කෙළි දෙලින් ම ඊට සවන් දෙති.

21 : 3 ඔවුන්ගේ සිත් නොසලකා හරියි. “මොහු නුඹලා වැනි මිනිසෙක් මිස අන් කවරෙක් ද? නුඹලා දැක දැක ම මෙම හූනියම වෙත යන්නෙහු දැ”යි අපරාධකරුවෝ ඉතා රහසිගත ව කථා කර ගනිති.

21 : 4 “මාගේ දෙවියන් අහසෙහි ද පොළොවෙහි ද තිබෙන වචනය ගැන දනියි. ඔහු සවන් දෙන්නා ය සර්වඥයැ”යි (දූතයා) පැවසීය.

21 : 6 මොවුනට පෙර අපි විනාශ කළ කිසිඳු ගම්මානයක් විශ්වාස නොකළේය. මොවුහු විශ්වාස කරන්නෝ ද?

21 : 7 (මුහම්මද්,) අපි ඔබට පෙර පුරුෂයින් ම දූතයින් ලෙස එවීමු.239 අපි ඔවුනට දූත පණිවුඩ දැනුම් දුනිමු. නුඹලා නොදන්නෙහු නම් දැනුම ඇති අයගෙන් අසන්න.150

21 : 8 අපි ඔවුන් ආහාර අනුභව නොකරන සිරුරක් සේ නොකළෙමු. ඔවුහු සදාකාලීනව ද නො සිටියහ.

21 : 9 පසුව අපි ඔවුනට (දුන්) පොරොන්දුව සැබෑ කොට ඔවුන් ද අපි සිතූ අය ද ආරක්ෂා කළෙමු. සීමාව ඉක්ම වූවන් විනාශ කළෙමු.

21 : 10 අපි නුඹලා වෙත ධර්ම ග්‍රන්ථයක් පහළ කළෙමු. එහි නුඹලාට අනුශාසනා ඇත. නුඹලා වටහා ගත යුතූ නොවේ ද?

21 : 11 අපරාධ කරමින් සිටි කොපමණ ගම්මානයන් අපි මුලිනුපුටා දැමුවෙමු ද? ඉන් පසුව (ඔවුන් වෙනුවට) අපි වෙනත් ජන සමාජයක් බිහි කළෙමු.

21 : 12 ඔවුනට අපේ වේදනාව හැඟුණු විට වහා ම එතැනින් පලා යන්නට වූ හ.

21 : 13 “පලා නොයන්න. නුඹලා භුක්ති විඳිමින් සිටි දේ වෙතට ද නුඹලාගේ වාසස්ථාන වෙතට ද ආපසු එන්න. නුඹලා විමසනු ලබන්නෙහු යැ”(යි ප්‍රකාශ කරන ලදී).

21 : 14 “අපට විනාශයක් ම ය. අපි අපරාධකරුවෝ වීමු”යි ඔවුහු පැවසූ හ.

21 : 15 අස්වනු නෙලීමෙන් පසු පුළුස්සන ලද ගොයමක් මෙන් අපි ඔවුන් පත් කරන තුරු ඔවුන්ගේ මෙම වැලපීම නතර නොවී ය.

21 : 16 අහස ද පොළොව ද ඒ දෙක අතර තිබෙන දැය ද අපි කෙළියක් ලෙසින් නිර්මාණය නො කළෙමු.

21 : 17 අපි විනෝදයක් (කෙළියක්) ලබා ගැනීමට සිතුවෙමු නම් අපි එය අප වෙතින් ම ලබා ගෙන ඇත්තෙමු. අපි (ඕනෑම දෙයක්) කළ හැකි අය වෙමු.

21 : 18 එසේ නොවේ. අපි සත්‍යය අසත්‍ය මත හෙළන්නෙමු. එවිට එය අසත්‍යය සුනු විසුනු කර දමයි. වහාම අසත්‍යය විනාශ වී යයි. නුඹලා (දෙවියන් ගැන වැරදි ලෙසින්) වර්ණනා කරන බැවින් නුඹලාට විනාශයක් ම ය.

21 : 19 අහස්හි ද පොළොවෙහි ද තිබෙන දේ ඔහුට ම හිමිය. ඔහු ළඟ සිටින අය ඔහු නැමදීමට උඩඟු නොවෙති. විඩාවට ද පත් නොවෙති.

21 : 20 ඔවුහු දිවා රෑ සුවිශුද්ධ කරති. උදාසීන නොවෙති.

21 : 21 මොවුහු පොළොවෙන් දෙවි වරුන් සකස් කර ගන්නෝ ද? ඔවුහු (මළවුන්ට) ජීවය දී නැගිටු වන්නෝ ද?

21 : 22 ඒ දෙකෙහි ම (අහස් හා පොළොවෙහි) අල්ලාහ් හැර වෙනත් දෙවි වරුන් සිටියේ නම් ඒ දෙක ම ව්‍යාකුල වී ඇත්තේ ය. ඔවුන් ප්‍රකාශ කරන දැය කෙරෙන් අර්ෂ් හි488 අධිපති වන අල්ලාහ් සුවිශුද්ධවන්තයා ය.10

21 : 23 ඔහු කරන දේ ගැන විමසනු නොලබයි. නමුත් ඔවුහු විමසනු ලබති.

21 : 24 ඔහු හැර වෙනත් දෙවිවරුන් සිතින් මවා ගත්තෝ ද? “නුඹලාගේ සාධක රැගෙන එන්න. මෙය මා සමඟ සිටින්නන්ගේ උපදේශය ද මට පෙර සිටි අයගේ උපදේශය ද වේ” යැයි (මුහම්මද්,) පවසන්න. නමුත් ඔවුන්ගෙන් බොහෝ දෙනෙක් සත්‍යය නොදනිති. ඔවුහු පිටු පාන්නෝ වෙති.

21 : 25 “මා හැර නැමදීමට සුදුස්සා අන් කිසිවෙක් නැත. එබැවින් මට ම නමදින්න” යන්න දැනුම් නොදී ඔබට පෙර අපි කිසිඳු දූතයෙකු නොඑවීමු.

21 : 26 “අසීමිත කරුණාවන්තයා දරුවකු බිහි කර ගත්තේ යැ”යි ඔවුහු පවසති. ඔහු සුවිශුද්ධවන්තයා ය.10 නමුත් ඔවුහු (සුර දූතවරු) ගෞරවනීය වහල්ලූ ය.

21 : 27 ඔවුහු ඔහු අබිබවා කථා නොකරති. ඔහුගේ අණ පරිදි ම ක්‍රියා කරති.

21 : 28 ඔවුන් ඉදිරියෙන් ද පසු පසින් ද තිබෙන දේ ගැන ඔහු දනියි. ඔහු තෘප්තිමත් වූ කෙනෙකුට මිස (අන් අයට) ඔවුහු මැදිහත් වී කථා නොකරති.17 ඔහුට බියෙන් වෙව්ලති.

21 : 29 “ඔහු හැර නැමදීමට සුදුස්සා මම යැ”යි ඔවුන්ගෙන් යම් කෙනෙක් පවසන්නේ ද අපි ඔහුට නිරය තිළිණ කරන්නෙමු. අපි අපරාධකරුවන්ට තිළිණ පිරිනමන්නේ මෙලෙස ය.

21 : 30 අහස් හා පොළොව එකට බද්ධව පැවතුණු බවත් 287අපි ඒදෙක ම වෙන් කළ බවත් දිවි ඇති සෑම දෙයක් ම අපි ජලයෙන් නිර්මාණය කළ බවත් (අප) ප්‍රතික්ෂේප කරන්නෝ සිතා බැලිය යුතු නොවේ ද? ඔවුහු විශ්වාස කළ යුතු නොවේ ද?

21 : 31 පොළෙව ඔවුන් කම්පනය නොකරනු පිණිස කූඤ්ඤ248 සවි කළෙමු. ඔවුන් මග දැන ගනු පිණිස අපි එහි නොයෙකුත් දීර්ඝ මං මාවත් ද ඇති කළෙමු.

21 : 32 අහස සුරක්ෂිත වහලක් කළෙමු.288 නමුත් ඔවුහු එහි සාධක වලට පිටු පාමින් සිටිති.

21 : 33 රැයත් දවාලත් ඉරත් සඳත් නිර්මාණය කළේ ඔහු ය. සියල්ල ම කක්ෂයෙහි පාවෙති.241

21 : 34 (මුහම්මද්,) ඔබට පෙර කිසිඳු මිනිසෙකුට අපි සදාකාලීනත්වය ඇති නොකළෙමු. ඔබ මරණයට පත් වුවහොත් ඔවුහු සදාකල් සිටිය හැකි අය වන්නෝ ද?

21 : 35 සෑම කෙනෙක් ම මරණය රස විඳින්නේ ම ය. යහපත හා අයහපත මගින් පරීක්ෂා කර බලනු පිණිස අපි නුඹලා සෝදිසි කරන්නෙමු.484 නුඹලා අප වෙත ම ආපසු ගෙන එනු ලබන්නෙහු ය.

21 : 36 “(මුහම්මද්,) ප්‍රතික්ෂේප කළ අය ඔබ දකින විට ඔබ විහිළුවක් සේ ම ගනිති. නුඹලාගේ දෙවිවරුන් ගැන විවේචනය කරන්නේ මොහු දැ”(යි ද ඔවුහු ප්‍රකාශ කරති). ඔවුහු අසිමිත කරුණාවන්තයා සිහි කිරීම ද ප්‍රතික්ෂේප කරන්නෝ වෙති.

21 : 37 මිනිසා ඉක්මන් ගතිකව නිර්මාණය කරන ලදී. මාගේ සාධක මම නුඹලාට මතු පෙන්වන්නෙමි. එබැවින් නුඹලා මා වෙත ඉක්මන් නොවන්න.

21 : 38 “නුඹලා සත්‍යවන්තයින් නම් මෙම අවවාදය (සිදු වන්නේ) කවරදා දැ”යි ඔවුහු අසති.

21 : 39 තම මුහුණු ද පිටු ද නිරා ගින්නෙන් වළක්වාගත නොහැකි මොහොත ගැන (එකම දෙවියන්) ප්‍රතික්ෂේප කරන්නෝ දැනගත යුතු නොවේ ද? ඔවුහු උදව් කරනු නොලබති.

21 : 40 නමුත් එය ඔවුන් වෙත හදිසියේ ම පැමිණ ඔවුන් තිගැස්මට පත් කරවයි. එය වැළැක්වීමට ඔවුනට නොහැකිය. ඔවුහු ඉඩ ප්‍රස්තාවක් ද දෙනු නොලබති.

21 : 41 (මුහම්මද්,) ඔබට පෙර බොහෝ දූතවරු විහිළු කරනු ලැබූහ. ඔවුන් විහිළු කරමින් සිටි දේ විහිළු කළ අය ම වැටලීය.

21 : 42 “රාත්‍රියෙහි ද දහවලෙහි ද අසිමිත කරුණාවන්තයාගෙන් නුඹලා ආරක්ෂා කරන්නා කවරෙක්දැ”යි අසන්න. නමුත් ඔවුහු තම දෙවියන් සිහි කිරීම පැහැර හරිති.

21 : 43 අප හැර ඔවුන් ආරක්ෂා කරන වෙනත් දෙවිවරු ඔවුනට සිටිත් ද? තමන්ට ම උදව් කර ගැනීමට ඔවුනට නොහැකිය. ඔවුහු අපගෙන් මුදවනු නොලබති.

21 : 44 එසේ නොවේ. අපි ඔවුන්ටත් ඔවුන්ගේ මුතුන් මිත්තන්ටත් ජීවන පහසුකම් සපයා ඔවුන්ගේ ආයු කාලය ද දීර්ඝ කළෙමු. අපි පොළොව එහි කෙළවරයන්ගෙන් අඩු කිරීමට පැමිණෙන බව ඔවුහු නුදුටුවෝ ද?243 ඔවුහු ද, (අප) ජය ගන්නා අය?

21 : 45 “දූත පණිවුඩය මගින් මම නුඹලාට අවවාද කරමි”යි (මුහම්මද්,) පවසන්න. අවවාද කරනු ලබන විට බිහිරා කැඳවීම ශ්‍රවණය නොකරයි.

21 : 46 ඔබේ දෙවියන්ගේ වේදනාවෙන් ස්වල්පයක් ඔවුනට හට ගත්තේ නම් “අපට විනාශයක් ම ය. අපි අපරාධ කරන්නෝ ව සිටියෙමු”යි ඔවුහු පවසති.

21 : 47 අපි කියාමත් දිනය1 වෙනුවෙන් යුක්ති සහගත තුලාවන් ස්ථාපනය කරන්නෙමු. කිසිවෙකුට සුළුවෙන් හෝ අපරාධ කරනු නොලැබේ. අබ ඇටයක තරම් වූවත් එය ද ගෙන එන්නෙමු. ගණන් ගැනීමට අපි ම ප්‍රමාණවත් ය.

21 : 48 (සත්‍යයෙන් අසත්‍යය) වෙන් කර දක්වන මාර්ගෝපදේශයක් ද ආලෝකයක් ද (අපට) බිය බැතිමත් වන අයට උපදේශයක් ද අපි මූසාටත් හාරූන්ටත් පිරිනැමුවෙමු.

21 : 49 ඔවුහු හුදෙකලාවේ තම දෙවියන්ට බිය වෙති. යුගාන්ත මොහොත1 ගැන ද බිය වෙති.

21 : 50 මෙය සෞභාග්‍යමත් උපදේශයකි. අපි ම මෙය පහළ කළෙමු. මෙය ද, නුඹලා ප්‍රතික්ෂේප කරන්නේ?

21 : 51 මීට පෙර අපි ඉබ්‍රාහිම්ට ඔහුගේ යහ මග දුනිමු. අපි ඔහු ගැන දැන සිටියෙමු.

21 : 52,53 “නුඹලා නමදින මෙම ප්‍රතිමාවන් කුමක් දැ”යි ඔහු තම පියාගෙන් ද තම ජන සමාජයෙන් ද ඇසූ විට “අපේ මුතුන් මිත්තන් මේවාට නමදිනු දුටුවෙමු”යි ඔවුහු පැවසූ හ.26

21 : 54 “නුඹලා ද නුඹලාගේ මුතුන් මිත්තන් ද පැහැදිලි දුර් මාර්ගයක සිටින්නෙහු යැ”යි ඔහු පැවසීය.

21 : 55 “නුඹ අපට සත්‍ය පවසන්නෙහි ද? නැතහොත් නුඹ සෙල්ලම් කරන්නෙහි දැ”යි ඔවුහු ඇසූ හ.

21 : 56 “එසේ නොවේ. නුඹලාගේ දෙවියන් අහස් හා පොළොව නිර්මාණය කළ දෙවියන් ම ය. මම එයට සාක්ෂි දරන්නෙක් මි”යි ඔහු පැවසීය.

21 : 57 “අල්ලාහ් මත දිවුරමි. නුඹලා හැරී ගිය පසු මම නුඹලාගේ ප්‍රතිමාවන් කඩා දමන්නෙමි” (යි ද ඔහු පැවසීය).473

21 : 58 ඔවුහු විශාල ප්‍රතිමාව වෙත ආපසු පැමිණිය යුතු පිණිස ඒවායින් එය හැර අනෙක්වා කැබලි කළේය.473

21 : 59 “අපේ දෙවිවරුන්ට මෙසේ සිදු කළේ කවරෙක් ද? ඔහු අපරාධකාරයෙක් යැ”යි ඔවුහු පැවසූ හ.

21 : 60 “තරුණයෙක් ඒවා විවේචනය කිරීම ගැන අසා ඇත්තෙමු. ඔහුට ඉබ්‍රාහීම් යැයි කියනු ලැබේ” යැයි ඔවුහු පැවසූ හ.

21 : 61 “ඔහු ජනතාව අතරට ගෙන එන්න. ඔවුහු සාක්ෂි දරත්වා`” යි ද ඔවුහු පැවසූ හ.

21 : 62 “ඉබ්‍රාහීම්, අපේ දෙවි වරුන්ට මෙසේ සිදු කළේ නුඹ දැ”යි ඔවුහු ඇසූ හ.

21 : 63 “නැත. මෙය සිදු කළේ ඒවායින් විශාල ප්‍රතිමාවයි.432 ඒවා කථා කරන්නේ නම් (කඩා දමන ලද) ඒවාගෙන් ම විමසන්නැ”යි ඔහු පැවසීය.

21 : 64 වහාම ඔවුහු ප්‍රබෝධමත් වී “(මේවාට නැමදුම් කිරීමෙන්) අපරාධ කළේ නුඹලා ම යැ”යි තමන් තුළ කථා කර ගත් හ.

21 : 65 පසුව ඔවුහු උඩු යටිකුරු වී “මේවා කථා නොකරන බව නුඹ දන්නෙහි යැ”යි පැවසූ හ.

21 : 66 “අල්ලාහ් හැර දමා නුඹලාට කිසිඳු යහපතක් හෝ අයහපතක් හෝ සිදු කළ නොහැකි දැයට නුඹලා නැමදුම් කරන්නෙහු දැ”යි ඔහු ඇසීය.

21 : 67 “නුඹලාටත් අල්ලාහ් හැර දමා නුඹලා නැමදුම් කරන දැයටත් නින්දාවක් ම ය. නුඹලා වටහා නොගන්නෙහු දැ”(යි ද ඔහු ඇසීය).

21 : 68 “නුඹලා (යමක්) කරන්නෙහු නම් මොහු ගින්නෙන් පුළුස්සා නුඹලාගේ දෙවි වරුන්ට පිහිට වන්නැ”යි ඔවුහු පැවසූ හ.

21 : 69 “ගින්න, නුඹ ඉබ්‍රාහීම් කෙරෙහි සිසිලක් ද ආරක්ෂාවක් ද වන්නැ”යි අපි පැවසීමු.

21 : 70 ඔවුහු ඔහුට එරෙහිව කුමන්ත්‍රණයක් කළහ. අපි ඔවුන් අලාභ ලද්දන් බවට පත් කළෙමු.

21 : 71 අපි ඔහු ද ලුත් ද ලෝවැසියන්ට අපි සෞභාග්‍යමත් කළ භූමියේ ආරක්ෂා කළෙමු.

21 : 72 අපි ඔහුට ඉස්හාක් ද අමතරව යඃකූබ් ද තිළිණ කළෙමු. (ඔවුන්) සියල්ලන් ම සත් පුරුෂයින් කළෙමු.

21 : 73 ඔවුන් අපගේ අණ පරිදි යහ මග පෙන්වන නායකයින් කළෙමු. යහපත් ක්‍රියා කරන ලෙසත් සලාතය ඉටු කරන ලෙසත් සකාතය දෙන ලෙසත් ඔවුනට දැනුම් දුනිමු. ඔවුහු අපට ම නැමදුම් කරන්නෝ වූහ.

21 : 74 ලුත්ට බලයක්164 ද අධ්‍යාපනයක් ද දුනිමු. අශිෂ්ට සම්පන්න ක්‍රියා කරමින් සිටි ගම්මානයෙන් ඔහු ආරක්ෂා කළෙමු. ඔවුහු වැරදි කරන අයහපත් පිරිසක් වූහ.

21 : 75 අපේ දයාවෙහි ඔහු ඇතුළු කළෙමු. ඔහු සත් පුරුෂයින්ගෙන් කෙනෙක් ය.

21 : 76 නූහ් මීට පෙර (අප වෙත) ප්‍රාර්ථනා කළ විට ඔහු(ගේ ප්‍රාර්ථනාව)ට පිළිතුරු දුනිමු. ඔහු ද ඔහුගේ පවුලේ අය ද මහ විපතින් ආරක්ෂා කළෙමු.

21 : 77 අපේ වැකි අසත්‍යයැයි සිතූ ජනතාවගෙන් අපි ඔහු (ආරක්ෂා) කර ඔහුට පිහිට වීමු. ඔවුහු අයහපත් ජනතාවක් වූහ. එබැවින් ඔවුන් සියල්ලන් ම (දියෙහි) ගිල්වීමු.

21 : 78 එක්තරා ජන සමාජයකට අයත් එළුවෙක් (තවත් ජන සමාජයක) වගා බිමෙහි උළා කෑ විට දාවූද් හා සුලෛමාන් විනිශ්චය කළ සැටි සිහි කරන්න. අපි ඔවුන්ගේ විනිශ්වයට සාක්ෂිකරුවෝ වීමු.

21 : 79 සුලෛමාන්ට එය අවබෝධ කරවීමු. දෙදෙනාට ම බලයක් ද අධ්‍යාපනයක් ද දුනිමු. දාවූද්ට කඳු ද පක්ෂීන් ද වසඟ කර දුනිමු. උන් (දෙවියන්) සුවිශුද්ධ කළහ. අපි (ඕනෑම දෙයක්) කළ හැකි අය වෙමු.

21 : 80 නුඹලාගේ සටනේ දී නුඹලා ආරක්ෂා කරනු පිණිස නුඹලාට හිමි සන්නාහ සෑදීමට අපි ඔහුට ඉගැන්වීමු. නුඹලා කෘතඥ වන අය වන්නෙහු ද?

21 : 81 සුලෛමාන්ට සැඩ සුළඟ ද (අපි වසඟ කර දුනිමු). අපි සෞභාග්‍යමත් කළ භූමියට ඔහුගේ අණ පරිදි එය ගමන් කළේය. අපි සියලූ දේ ගැන සර්වඥයෝ වෙමු.

21 : 82 ෂෛතාන්වරුන්ගෙන් ඔහු වෙනුවෙන් මුතු කිමි දෙන අය ද එය හැර වෙනත් වැඩ කරන අය ද (අපි ඔහුට වසඟ කර දුනිමු). අපි ඔවුන් අධීක්ෂණය කරන්නෝ වීමු.

21 : 83,84 ”දැඩි වේදනාව මා ග්‍රහණය කර ඇත. ඔබ කරුණාවන්තයින්ගෙන් අති මහත් කරුණාවන්තයා යැ”යි අය්යූබ් තම දෙවියන් කැඳවූ විට අපි ඔහු(ගේ ප්‍රාර්ථනාව)ට පිළිතුරු දුනිමු. ඔහුට හටගත් දැඩි වේදනාව පහ කළෙමු. ඔහුගේ පවුලේ අය ද ඔවුන් සමඟ එවැන්නන් ද අපගේ දයාවක් ලෙස ඔහුට පිරිනැමුවෙමු. මෙය නැමදුම් කරන්නන්ට උපදේශයකි.26

21 : 85 ඉස්මායීල්, ඉද්රීස්, දුල්කිෆ්ල් ආදී සියල්ලෝ ම ඉවසිලිවන්තයෝ ය.

21 : 86 අපි ඔවුන් අපේ දයාවෙහි ප්‍රවිශ්ට කළෙමු. ඔවුහු සත් පුරුෂයෝ ය.

21 : 87 මත්ස්‍ය හිමියා (යූනුස්) කෝපාවිශ්ට වී ගියේය. අපට ඔහු කෙරෙහි බලයක් නැතැයි සිතීය. “ඔබ හැර නැමදීමට සුදුස්සා වෙනත් කිසිවෙක් නොමැත. ඔබ සුවිශුද්ධවන්තයා ය.10 මම අපරාධකරුවන්ගෙන් කෙනෙක් වූයෙමි”යි අන්ධකාරයන්හි429 සිට ඔහු කැඳවීය.508

21 : 88 ඔහු(ගේ ප්‍රාර්ථනාව)ට පිළිතුරු දුනිමු. ශෝකයෙන් ඔහු ආරක්ෂා කළෙමු. අපි විශ්වාස කළ අය ආරක්ෂා කරන්නේ මෙලෙස ය.

21 : 89,90 “මාගේ දෙවියනි, මා තනි පුද්ගලයෙකු ලෙස අත් නොහරිනු මැනව` ඔබ උරුමක්කරුවන්ගෙන් අති විශිෂ්ට යැ”යි සකරිය්යා තම දෙවියන් කැඳවූ විට ඔහු(ගේ ප්‍රාර්ථනාව)ට පිළිතුරු දුනිමු. ඔහුට යහ්යා තිළිණ කළෙමු. ඔහුගේ භාර්යාව ද ඔහු වෙනුවෙන් (දරුවෙකු පිළිසිඳ ගත හැකි) යහපත් තත්ත්වයකට පත් කළෙමු. ඔවුහු යහපත් ක්‍රියාවන්හි ඉක්මන් වන්නෝ ද උද්‍යෝගයෙන් හා බියෙන් යුතුව අප වෙත ප්‍රාර්ථනා කරන්නෝ ද වූහ. අපට යටහත් පහත් වන්නෝ ද වූහ.26

21 : 91 තම පතිවත ආරක්ෂා කර ගත් ස්ත්‍රීය වෙත අපගේ ප්‍රාණයෙන් පිම්බෙමු.90 ඇය ද ඇගේ පුත්‍රයා ද ලෝවැසියන්ට සාධකයක් කළෙමු.415

21 : 92 නුඹලාගේ මෙම ජන සමාජය එක ම ජන සමාජයකි. නුඹලාගේ දෙවියන් මම ය. එබැවින් මට ම නමදින්න.

21 : 93 නමුත් ඔවුහු තම කටයුත්තෙහි තමන් අතර මත භේද වී සිටිති. සියල්ලෝ ම අප වෙත ආපසු පැමිණෙන්නෝ වෙති.

21 : 94 යමෙක් විශ්වාස කරන්නෙක් ව යහපත් ක්‍රියා කරන්නේ ද ඔහුගේ උත්සහයට කිසිඳු ප්‍රතික්ෂේපයක් නැත. අපි එය සටහන් කර ගන්නෙමු.

21 : 95 අපි විනාශ කළ ග්‍රාම වාසීන්ට (යළි පැමිණීම) තහනම් කරන ලදී. ඔවුහු යළි නොපැමිණෙති.

21 : 96 අවසානයේ දී යඃජූජ්, මඃජූජ්451 (පිරිස) විවෘත කරන ලදුව ඔවුහු සෑම බෑවුමකින් ම වේගයෙන් පැමිණෙති.

21 : 97 සැබෑ පොරොන්දුව ළං වී ඇත. එවිට (එකම දෙවියන්) ප්‍රතික්ෂේප කළ අයගේ දෘෂ්ටියන් නොසෙල් වී බලා සිටිනු ඇත. “අපට විනාශයක් ම ය. අපි මේ ගැන නොසැලකිලිමත් ව සිටියෙමු. නැත. අපි අපරාධකරුවෝ වීමු”(යි ඔවුහු පවසති).

21 : 98 නුඹලාත් අල්ලාහ් හැර දමා නුඹලා නමදින දැයත් නිරයේ ඉන්ධන ය. නුඹලා එහි සේන්දු වන්නෙහු ය.

21 : 99 ඔවුහු දෙවිවරු වූවා නම් මෙහි සේන්දු නොවෙති. සියල්ලෝ ම එහි සදාකාලීනව සිටිති.

21 : 100 ඔවුනට එහි විලාපයක් ම ඇත. ඔවුහු එහි කිසිවක් ශ්‍රවණය නොකරති.

21 : 101 කවරෙකුට අපෙන් යහපත පෙරටුව ගියේ ද ඔවුහු එයින් ඈත් කරනු ලබති.370

21 : 102 ඔවුහු එහි ඝෝෂාවට සවන් නොදෙති. ඔවුහු තම සිත් ආශා කරන දැයෙහි සදාකාලීන ව සිටිති.

21 : 103 අති මහත් භීතිය ඔවුන් දුකට පත් නොකරයි. සුර දූතවරු ඔවුන් හමුවෙති “මෙයයි, නුඹලාට පොරොන්දු වන ලද දිනය”1 (යි පවසති).

21 : 104 ලියන ලද ලේඛන හකුළන්නා සේ අපි අහස හකුළන දින1 ප්‍රථම නිර්මාණය අපි ආරම්භ කළා සේ එය නැවතත් ස්ථාපිත කරන්නෙමු.453 මෙය අපගේ පොරොන්දුවකි. අපි (ඕනෑම දෙයක්) කළ හැකි අය වෙමු.

21 : 105 සබූර් ධර්ම ග්‍රන්ථයෙහි උපදේශයෙන් පසුව “මාගේ යහපත් වහල්ලූ පොළොව උරුම කර ගනිති”යි ලියා තැබුවෙමු

21 : 106 නැමදුම් කරන ජනතාවට මෙහි ප්‍රමාණවත් නිවේදනයක් ඇත..

21 : 107 (මුහම්මද්,) ලෝවැසියන්ට281 දයාවක් ලෙස ම අපි ඔබ එවීමු.187

21 : 108 “නුඹලාගේ දෙවියන් එක ම දෙවියෙක් යැයි මට දැනුම් දෙනු ලැබේ. නුඹලා (මෙය) පිළිගන්නෙහු දැ”යි අසන්න.

21 : 109 ඔවුහු පිටු පෑවොත් “මම නුඹලා සියල්ලන්ට ම එක සමාන ලෙස දැන්වීමු. නුඹලාට අවවාදිත දැය සමීපයේ තිබේ ද? නැතහොත් දුරින් තිබේ දැයි මම නොදනිමි”යි පවසන්න.

21 : 110 හඬ නගා පවසන වචනය ද නුඹලා සඟවන දැය ද ඔහු දනියි.

21 : 111 මෙ(ලෝ ජීවිත)ය නුඹලාට පරීක්ෂණයක්484 හා නියමිත කාලයක් දක්වා වූ සුව පහසුවක් ද? යන්න මම නොදනිමි.

21 : 112 මාගේ දෙවියනි, ඔබ සත්‍ය වූ විනිශ්චයක් කරනු මැනව` “නුඹලා ප්‍රකාශ කරන දැයට එරෙහිව උදව් පතනු ලබන්නා අපේ දෙවියන් වන අසීමිත කරුණාවන්තයා යැ”යි (දූතයා) පැවසීය.