07 : අල් අඃරාෆ් – බාධක බිත්තිය

අල් අඃරාෆ් – බාධක බිත්තිය

පරිච්ඡේදය: 7

මුළු වැකි ගණන : 206

ස්වර්ගය හා නිරය අතර විශාල පළලකින් යුත් බාධක බිත්තියක් ඇත. ස්වර්ගයට හෝ නිරයට හෝ යවනු නොලබන පිරිසක් එහි නතර කරනු ලබති. අඃරාෆ් යනු එම බාධක බිත්තියයි. මේ පිළිබඳව මෙම පරිච්ඡෙදයේ 46, 47, 48,49 යනාදී වැකි පවසන බැවින් මෙම පරිච්ඡෙදයට අඃරාෆ් යන නම ලැබිණ.

අසීමිත කරුණාවන්තයා ද අසම සම දයාවන්තයා ද වන අල්ලාහ්ගේ නාමයෙන්…

7 : 1

අලිෆ්ල ලාම්, මීම්, සාද්.2

7 : 2

(මෙය) ධර්ම ග්‍රන්ථයකි. විශ්වාස කළ අයට උපදේශයක් ලෙසද (මුහම්මද්,) මෙමගින් ඔබ අවවාද කරනු පිණිස ද මෙය ඔබට පහළ විය. එබැවින් මෙයින් ඔබේ සිතෙහි කැළඹීමක් හට නොගනිත්වා

7 : 3

නුඹලාගේ දෙවියන් වෙතින් නුඹලාට පහළ වූ දේ අනුගමනය කරන්න. ඔහු හැර (අන් අය)භාරකරුවන් කර අනුගමනය නොකරන්න. නුඹලා ඉගෙනුම ලබන්නේ සුළු වශයෙනි.

7 : 4

අපි කොපමණ ගම්මානයන් විනාශ කළෙමු ද? එම ගම්මාන වලට අපේ වේදනාව රාත්‍රි කාලයේ දී හෝ පෙරවරුවෙහි ඔවුන් නිදියමින් සිටිය දීහෝ පැමිණ ඇත.

7 : 5

අපේ වේදනාව ඔවුන් වෙත පැමිණි විට “අපි අපරාධ කළ අයවෙමු”යි ප්‍රකාශ කිරීම මිස අන් කිසිවක් ඔවුන්ගේ මොර ගැසීම නොවීය.

7 : 6

කවරෙකු වෙත දූතයින් එවනු ලැබුවේ ද ඔවුන්ගෙන් ද අපි විමසන්නෙමු. දූතයින්ගෙන් ද අපි විමසන්නෙමු.

7 : 7

(අපට) දන්නා බැවින් අපි ඔවුන්ට විග්‍රහ කරන්නෙමු. අපි නොසැලකිලිමත් ව නොසිටින්නෙමු.

7 : 8

එදින1 ඇගයීම සැබෑ ය. යම් කෙනෙකුගේ (යහපත් ක්‍රියාවන්හි) කිරුම් බර ඝණව පවතින්නේ ද ඔවුහු ජය ලද්දෝ වෙති.

7 : 9

යම් කෙනෙකුගේ (යහපත් ක්‍රියාවන්හි) කිරුම් බර සැහැල්ලූව පවතින්නේ ද ඔවුහු තමන්ට ම අලාභ ඇති කර ගත් හ. මෙයට හේතුව ඔවුහු අප විෂයයෙහි අයුක්ති සහගතව කටයුතු කිරීම ය.

7 : 10

අපි පොළොවෙහි නුඹලා ජීවත් කරවා ඇත්තෙමු.175 එහි නුඹලාට විවිධ සැප පහසුකම් ද සලසා දුනිම. නුඹලා කෘතඥ වන්නේ ඉතා සුළු වශයෙනි.175

7 : 11

අපි නුඹලා නිර්මාණය කළෙමු. පසුව නුඹලා හැඩ ගැස්වීමු. පසුව “ ආදම්ට යටහත් පහත් වන්නැ” යි11 සුර දූතයින්ට පැවසීමු. ඉබ්ලීස් හැර සියල්ලෝ ම යටහත් පහත් වූහ. ඔහු යටහත් පහත් වන්නෙක් නොවීය.

7 : 12

“මම නුඹට අණ කළ විට, යටහත් පහත් වීමෙන්11 නුඹ වැළැක් වූයේ කුමක් දැ”යි (දෙවියන්) ඇසීය. ” මම ඔහුට වඩා උසස් ය. ඔබ මා ගින්නෙන් නිර්මාණය කළෙහි ය. ඔහු මැටියෙන් නිර්මාණය කළෙහි යැ” යි ඔහු පැවසීය.503 ) 506

7 : 13

“නුඹ මෙතැනින් බසිනු. නුඹ මෙහි උඩඟු වීම යුතු නැත. එබැවින් පිට වෙනු. නුඹ අධමයෙක් යැ”යි (දෙවියන්) පැවසීය.

7 : 14

“ඔවුන් පණ ගන්වනු ලබන දිනය1 තෙක් මට ඉඩ ප්‍රස්තාවක් දෙනු මැනවැ”යි ඔහු ඇසීය.

7 : 15

“නුඹ ඉඩ ප්‍රස්තාවක් දෙන ලද්දෙක් යැ”යි (දෙවියන්) පැවසීය.

7 : 16

“ඔබ මා නොමග යැවූ නිසා ඔවුන් වෙනුවෙන් ඔබේ සෘජු මාර්ගයෙහි මම (අවහිරයක් ව)හිඳින්නෙමි”යි ඔහු පැවසීය.

7 : 17

“ඉන් පසු ඔවුන්ගේ ඉදිරියෙන් ද පිටු පසින් ද දකුණු පසින් ද වම් පසින් ද ඔවුන් වෙත පැමිණෙන්නෙමි. ඔවුන්ගෙන් බොහෝ දෙනෙකු කෘතඥ වන්නන් ලෙස ඔබ නොදකින්නෙහි යැ”(යි ද ඔහු පැවසීය).

7 : 18

“නින්දිත කෙනෙකු ලෙස ද පළවා හරින ලද කෙනෙකු ලෙස ද නුඹ මෙතැනින් පිට වී යනු. (මිනිසුන් වන) ඔවුන්ගෙන් ද (ජින්වරුන් වන) නුඹලාගෙන් ද නුඹ අනුගමනය කරන සියල්ලන් ම දමා මම නිරය පුරවන්නෙමි”යි (දෙවියන්) පැවසීය.

7 : 19

“ආදම්, ඔබත් ඔබේ භාර්යාවත් මෙම ස්වර්ගයෙහි12 වාසය කරන්න. රිසි පරිදි දෙදෙනා ම අනුභව කරන්න. නමුත් මෙම ගසට13 පමණක් ළං නොවන්න. (ළං වුවහොත්) ඔබ දෙදෙනා ම අපරාධකරුවන් වන්නෙහු යැ” (යි ද දෙවියන් පැවසීය).

7 : 20

එම දෙදෙනාගේ වසන ලද රහස් අවයව හෙළි කරනු පිණිස ෂෛතාන් එම දෙදෙනාට අයහපත් සිතුවිලි පහළ කළේය.174 “නුඹලා දෙදෙනා ම සුර දූතයින් බවට පත් වන බැවින් හෝ මෙහි සදාකාලීනව වාසය කරන බැවින් හෝ මිස නුඹලාගේ දෙවියන් මෙම ගස13 නුඹලාට තහනම් නොකළේ යැයි” ඔහු පැවසීය.

7 : 21

“මම නුඹලා දෙදෙනාට ම යහපත පතන්නෙක්මි”යි ඔවුන්ට දිව්රීය.

7 : 22

ඔහු එම දෙදෙනා ම මුළා කර (ඔවුන් සිටි උසස් තත්ත්වයෙන්) පහත් කළේය. එම දෙදෙනා ම එම ගසෙහි13 රස බැලු විට ඔවුන්ගේ රහස් අවයව ඔවුනට හෙළි විය.174 එම දෙදෙනා ම ස්වර්ගයේ12 කොළ වලින් තමන් වසා ගැනීමට උත්සහ කළහ. ඔවුන්ගේ දෙවියන් ඔවුන් කැඳවා “මම නුඹලාට මෙම ගස13 තහනම් නොකළෙම් ද? ෂෛතාන් නුඹලා දෙදෙනාට ප්‍රකට සතුරෙක් යැයි මම නුඹලාට නො කීවෙම් දැයි” ඇසීය.

7 : 23

“අපේ දෙවියනි, අපි අපට ම අපරාධ කර ගතිමු. ඔබ අපට ක්ෂමා කර දයාව නොදැක් වුවහොත් අපි අලාභ ලද්දන් වන්නෙමු”යි14 එම දෙදෙනා ම පැවසූහ.

7 : 24

“(මෙතැනින්) බසින්න. නුඹලාගෙන් ඇතැමෙක් ඇතැමෙකුට සතුරෝ වෙති. නුඹලාට පොළොවෙහි නියමිත කාලයක් දක්වා වාසයක් ද සුව පහසුවක් ද ඇතැ”යි175 (දෙවියන්) පැවසීය.

7 : 25

“නුඹලා එහි ම ජීවත් වන්නෙහු ය. එහි ම මරණයට පත් වන්නෙහු ය. එයින් ම බැහැර කරනු ලබන්නෙහු යැ”යි ද (දෙවියන්) පැවසීය.175

7 : 26

ආදම්ගේ දරුවනි,504 නුඹලාගේ රහස් අවයව වසා ගන්නා වස්ත්‍රයක් ද අලංකාරයක් ද අපි නුඹලාට පහළ කර ඇත්තෙමු.504 (දේව) බිය බැතිය නමැති වස්ත්‍රය අති විශිෂ්ට ය. ඔවුන් සිතනු පිණිස මෙය අල්ලාහ්ගේ සාධක අතරෙහි පවතින්නකි.

7 : 27

ආදම්ගේ දරුවනි,504 ෂෛතාන් නුඹලාගේ දෙමාපියන් දෙදෙනා ස්වර්ගයෙන්12 බැහැර කළා සේ නුඹලාත් අවුල් වියවුල් නොකරත්වා`504 ඔහු ඔවුන්ගේ රහස් අවයව ඔවුනට පෙන්වනු පිණිස ඔවුන්ගේ වස්ත්‍රය ඔවුන්ගෙන් ඉවත් කළේය.174 නුඹලා ඔවුන් නොදකිනු අයුරින් ඔහු ද ඔහුගේ පිරිස ද නුඹලා දෙස බලමින් සිටිති. අපි විශ්වාස නොකරන අයට ෂෛතාන්වරුන් ළබැඳි මිත්‍රයින් කළෙමු.

7 : 28

ඔවුන් අශිෂ්ට සම්පන්න ක්‍රියාවක් කරන විට “අපි අපේ මුතුන් මිත්තන් මෙලෙසින් ම දුටුවෙමු. මෙය අපට අණ කළේ අල්ලාහ් ම යැ”යි පවසති. “අල්ලාහ් අශිෂ්ට සම්පන්න ක්‍රියා අණ නොකරයි. නුඹලා නොදන්නා දේ අල්ලාහ් කෙරෙහි ප්‍රබන්ධ කර ප්‍රකාශ කරන්නෙහු දැ”යි අසන්න.

7 : 29

“මාගේ දෙවියන් යුක්තිය අණ කර ඇතැ”යි පවසන්න. සියලූ නැමදුම් ස්ථානයන් හි නුඹලාගේ අවධානයන් එක්තැන් කර ගන්න. නැමදුම, ඔහුට පමණක් චිත්ත පාරිශුද්ධියෙන් පිළිගන්වා ඔහු වෙත ම ප්‍රාර්ථනා කරන්න. ඔහු නුඹලා මුල දී නිර්මාණය කළා සේ යළි පැමිණෙන්නෙහු ය.

7 : 30

ඔහු පිරිසකට යහ මග පෙන්වීය. තවත් පිරිසක් කෙරෙහි දුර් මාර්ගය ස්ථීර විය. ඔවුහු අල්ලාහ් හැර ෂෛතාන්වරුන් ළබැඳි මිත්‍රයින් කර ගනිති. ඔවුහු තමන් යහ මග ලත් අය යැයි ද සිතා ගනිති.

7 : 31

ආදම්ගේ දරුවනි, 504 සියලූ නැමදුම් ස්ථානයන්හි නුඹලාගේ අලංකාරය සිදු කර ගන්න.176 අනුභව කරන්න. පානය කරන්නග නමුත් නාස්ති නොකරන්න. ඔහු නාස්ති කරන්නන් ප්‍රිය නොකරයි.

7 : 32

“අල්ලාහ් තම වහලූන්ට හෙළි කළ අලංකාරය ද පිරිසිදු ආහාර ද තහනම් කරන්නා කවරෙක් දැ”යි අසන්න. “ඒවා මෙලොව ජීවිතයෙහි ද විශේෂයෙන් ම කියාමත් දිනයේ දී1 විශ්වාස කළ අයට හිමියැ”යි පවසන්න. අපි අවබෝධ කර ගන්නා ජනතාවට මෙලෙස සාධක පැහැදිලි කරන්නෙමු.

7 : 33

“අශිෂ්ට සම්පන්න ක්‍රියාවන්හි ප්‍රත්‍යක්ෂ දැය හා රහසි ගත දැය ද පාපය ද අයුක්ති සහගතව සීමාව ඉක්ම වීම ද අල්ලාහ් කවරක් පිළිබඳව කිසිඳු සාධකයක් පහළ නොකළේ ද, එය අල්ලාහ්ට සමාන ව සිතීම ද නුඹලා නොදන්නා දේ අල්ලාහ් කෙරෙහි ප්‍රබන්ධ කර ප්‍රකාශ කිරීම ද මාගේ දෙවියන් තහනම් කර ඇතැ”යි පවසන්න.

7 : 34

සෑම ජන සමාජයකට ම කාල සීමාවක් ඇත. ඔවුන්ගේ කාල සීමාව පැමිණෙන විට නිමේෂයකටවත් ඔවුහු පමා නොවෙති, ඉක්මන් ද නොවෙති.

7 : 35

ආදම්ගේ දරුවනි, 504 නුඹලා අතුරින් මාගේ වැකි නුඹලාට ප්‍රකාශ කරන දූතයින් නුඹලා වෙත පැමිණෙන විට (මට) බිය බැතිමත් වී ශිෂ්ට වූ අයට කිසිඳු බියක් නැත. ඔවුන් දුක් වන්නේ ද නැත.

7 : 36

අපේ වැකි අසත්‍ය යැයි සිතා උඩඟු වෙමින් ඊට පිටු පාන්නෝ නිරාවාසීහූ ය. ඔවුහු එහි සදාකාලීන ව සිටිති.

7 : 37

අල්ලාහ් කෙරෙහි අසත්‍ය ප්‍රබන්ධ කළ අයට හෝ ඔහුගේ වැකි අසත්‍ය යැයි සිතූ අයට හෝ වඩා මහා අපරාධකරුවෝ කවරෙහු ද? නියම කරන ලද ඔවුන්ගේ කොටස ඔවුනට ලැබෙනු ඇත. “අල්ලාහ් හැර දමා නුඹලා කැඳවමින් සිටි දේ කොහේ දැ”යි අපේ දූතවරු161 ඔවුන් අත්පත් කර ගැනීමට165 ඔවුන් වෙත පැමිණෙන විට අසති. “ඔවුහු අපගෙන් අතුරුදහන් වී ඇතැ”යි ඔවුහු පවසති. “අපි (එකම දෙවියන්) ප්‍රතික්ෂේප කරන්නෝ ව සිටියෙමු”යි ඔවුහු තමන්ට එරෙහිව ම සාක්ෂි දරති.

7 : 38

“නුඹලාට පෙර උකුත් වූ සමාජයන් වන ජින්වරුන් හා මිනිසුන් සමඟ නුඹලා ද නිරයට ඇතුළු වන්නැ”යි (දෙවියන්) පවසයි. සෑම ජන සමාජයක් ම එහි ඇතුළුවත් ම තම සොහොයුරු ජන සමාජයට ශාප කරති. අවසානයේ දී ඔවුහු සියල්ලෝ ම නිරය අත් කර ගත් විට “අපේ දෙවියනි, මොවුහු අප නොමග යැවූහ. එබැවින් මොවුනට නිරය නමැති වේදනාව දෙගුණයක් දෙනු මැනවැ”යි ඔවුන්ගෙන් පසුව ගිය අය පෙර ගිය අය ගැන පවසති. “සියල්ලන්ට ම දෙගුණයක් ය. නමුත් නුඹලා නොදන්නෙහු යැ”යි (දෙවියන්) පවසයි.

7 : 39

“අපට වඩා නුඹලාට කිසිඳු විශේෂත්වයක් නැත. එබැවින් නුඹලා කරමින් සිටි දේ හේතු කොටගෙන265 වේදනාව විඳින්නැ”යි පෙර ගිය අය පසුව ගිය අයට පවසති.

7 : 40

අපේ වැකි අසත්‍ය යැයි සිතා උඩඟු වෙමින් ඊට පිටු පාන අයට අහස්හි දොරටු විවෘත කරනු නොලැබේ.177 ඉඳිකටු මලෙහි ඔටුවෙක් ඇතුළු වන තෙක් ඔවුහු ස්වර්ගයට ඇතුළු නොවෙති. මෙලෙස අපි අපරාධකරුවන්ට දඬුවම් කරන්නෙමු.

7 : 41

ඔවුනට නිරය නමැති ඇතිරිල්ලක් ද ඔවුනට ඉහළින් (නිරය නමැති) පොරෝන ද ඇත. මෙලෙස අපි අපරාධකරුවන්ට දඬුවම් කරන්නෙමු.

7 : 42

විශ්වාස කොට යහපත් ක්‍රියා කරන්නෝ ස්වර්ගවාසීහූ ය. ඔවුහු එහි සදාකාලීනව සිටිතිග අපි කිසිවෙකු ඔහුගේ ශක්තියට අනුව මිස දුෂ්කරතාවට පත් නොකරන්නෙමු.68

7 : 43

ඔවුන්ගේ සිත් තුළ තිබූ ක්‍රෝධය අපි පහ කරන්නෙමු. ඔවුනට යටින් ගංගා ගලා බසියි. “අපට මෙබඳු මාර්ගයක් පෙන් වූ අල්ලාහ්ට ම සියලූ ප්‍රශංසා හිමි ය. අල්ලාහ් අපට යහ මග නොපෙන්වා ඇත්නම් අපි යහ මග ලබා නොසිටින්නෙමු. අපේ දෙවියන්ගේ දූතවරු සත්‍යය රැගෙන ආහ”යැයි ඔවුහු පවසති. “නුඹලාගේ ක්‍රියාවන් හේතු කොටගෙන නුඹලාට උරුම කරන ලද ස්වර්ගය මෙයයැ”යි ඔවුනට ප්‍රකාශ කරනු ලැබේ.

7 : 44

“අපේ දෙවියන් අපට පොරොන්දු වූ දේ ස්ථීරව ලබා ගතිමු. නුඹලාගේ දෙවියන් නුඹලාට පොරොන්දු වූ දේ ස්ථීරව ලබා ගත්තෙහු දැ”යි ස්වර්ගවාසීහූ නිරාවාසින්ගෙන් විමසති. ඔවුහු “එසේ යැ”යි පවසති. “අපරාධකරුවන් කෙරෙහි අල්ලාහ්ගේ ශාපය6 ඇතැ”යි ඔවුන‘ තර දැනුම් දෙන්නෙක් දැනුම් දෙනු ඇත.

7 : 45

ඔවුහු අල්ලාහ්ගේ මාර්ගයෙන් වැළැක්වූ හ. එය වකුටු මාර්ගයක් යැයි සිතූ හ. පරලොව පිළිගැනීමට ප්‍රතික්ෂේප කරමින් ද සිටිය හ.

7 : 46

ඒ දෙක අතර බාධක (බිත්ති)යක් ඇත. එම බාධක බිත්තිය මත ඇතැම් මිනිස්සු සිටිති. ඔවුහු සෑමකෙනෙකු ම ඔවුන්ගේ සලකුණු වලින් හැඳින ගනිති. ඔවුහු ස්වර්ගවාසීන් අමතා “නුඹලා කෙරෙහි සලාම් උදා වේවා`”යි පවසති.159 ඔවුහු අපේක්ෂා කළත් එහි (මෙතෙක්) ඇතුළු නොවී සිටිති.

7 : 47

ඔවුන්ගේ දෘෂ්ටියන් නිරාවාසීන් දෙසට හරවනු ලබන විට “අපේ දෙවියනි, අපරාධ කළ පිරිස සමඟ අප එක් නොකරනු මැනවැ”යි පවසති.

7 : 48,49

බාධක බිත්තිය මත සිටින්නෝ (නිරයේ සිටින) ඇතැමුන් කැඳවති. ඔවුන්ගේ සලකුණු වලින් ඔවුන් හැඳින ගනිති. “නුඹලාගේ මිනිස් බලය ද නුඹලා උඩඟු වෙමින් සිටීම ද නුඹලා ආරක්ෂා නොකළේය. අල්ලාහ් දයාව නොදක්වන්නේ යැ”යි නුඹලා දිවුරා ප්‍රකාශ කළේ (ස්වර්ගවාසීන් වන) මේ අය ගැන දැ”යි ඔවුනට පවසති. (මින් පසු) ස්වර්ගයට පිවිසෙන්න.178 නුඹලාට කිසිඳු බියක් නැත. නුඹලා දුක් වන්නේ ද නැතැ”(යි බාධක බිත්තිය මත සිටින අයට කියනු ලැබේ.)26

7 : 50

නිරාවාසීහූ ස්වර්ගවාසීන් අමතා “අප මත ජලය ස්වල්පයක් හෝ අල්ලාහ් නුඹලාට පිරිනැමූ දැයින් යමක් හෝ හෙළන්නැ”යි අසති. “(තමා) ප්‍රතික්ෂේප කළ අයට අල්ලාහ් ඒ දෙක තහනම් කළේ යැ”යි (ස්වර්ගවාසීහූ) පවසති.

7 : 51

ඔවුහු තම ධර්මය විනෝදයක් ව ද කෙළියක් ව ද ගත්හ. මෙලොව ජීවිතය ඔවුන් මුළා කළේය. මෙම දිනය1 හමු වීමට තිබෙන බව ඔවුන් අමතක කොට අපේ වැකි ප්‍රතික්ෂේප කරමින් සිටියා සේ අද දින අපිත් ඔවුන් අමතක කරන්නෙමු.6

7 : 52

අපි ඔවුන් වෙත ධර්ම ග්‍රන්ථයක් ගෙනැවිත් සිටින්නෙමු. එය නැණවත් ලෙස පැහැදිලි කර ඇත්තෙමු. එය විශ්වාස කරන ජනතාවට යහ මගක් ද දයාවක් ද වේ.

7 : 53

මෙ(ම ධර්ම ග්‍රන්ථයෙ)හි අනතුරු ඇඟවීම මිස අන් කිසිවක් ඔවුහු අපේක්ෂා කරන්නෝ ද? “අපේ දෙවියන්ගේ දූතවරු සත්‍යය රැගෙන ආහ. අප වෙනුවෙන් මැදිහත් වන්නෝ සිටිත් ද? ඔවුහු අපට මැදිහත් වන්නේ නැද්ද?17 නැතහොත් (ලොවට) ආපසු යවනු නොලබන්නෙමු ද? අපි කලින් කරමින් සිටි ක්‍රියාවන් නොවන වෙනත් ක්‍රියාවන් කරන්නෙමු”යි එම අනතුරු හැඟවීම් පැමිණෙන දිනය1 මීට පෙර අමතක කළ අය පවසති. ඔවුහු තමන්ට ම අලාභ ඇති කර ගත්හ. ඔවුන් ප්‍රබන්ධ කළ දේ ඔවුන්ගෙන් අතුරුදහන් විය.

7 : 54

අහස් හා පොළොව දින හයකින් නිර්මාණය කළේ නුඹලාගේ දෙවියන් වන අල්ලාහ් ම ය.179 ඉන් පසු ඔහු අර්ෂ488 මත අසුන් ගත්තේ ය. ඔහු රාත්‍රිය දවාලෙන් ආවරණය කරයි. දහවල, රාත්‍රිය පසු පස වේගයෙන් හඹා යයි. ඔහු සූර්යයා ද චන්ද්‍රයා ද තාරකා ද තම නියෝගයෙන් අවනත කරවීය. දැන ගන්න. නිර්මාණය ද නියෝගය ද ඔහුට ම හිමිය. විශ්වයේ දෙවියන් වන අල්ලාහ් භාග්‍යවන්තයෙකි.

7 : 55

නුඹලාගේ දෙවියන් වෙත නිහතමානීව ද රහසිගතව ද ප්‍රාර්ථනා කරන්න. ඔහු සීමාව ඉක්ම වූවන් ප්‍රිය නොකරයි.180

7 : 56

පොළොව ක්‍රමවත්ව සංශෝධනය කරනු ලැබූ පසු එහි අවුල් ඇති නොකරන්න. බිය බැතිමත් ව ද අභිලාෂයෙන් යුතුව ද ඔහු වෙත ප්‍රාර්ථනා කරන්න. අල්ලාහ්ගේ දයාව යහපත් ක්‍රියා කරන්නන්ට සමීප ය.49

7 : 57

තම දයාවට පෙරටුව සුබාරංචියක් ලෙස සුළඟ එවන්නේ ඔහු ම ය. එය ඝණ වලාකුළක් උසුලන විට මළ ගම්මානයකට අපි එය පා කර හරින්නෙමු. එයින් ජලය පහළ කර එමගින් සියලූ පලතුරු හෙළි කරන්නෙමු. මෙලෙසින් ම අපි මළවුන් හෙළි කරන්නෙමු. (මෙමගින්) නුඹලා ඉගැන්මක් ලැබිය හැකිය.

7 : 58

වෘක්ෂලතා, ඒවාහි දෙවියන්ගේ කැමැත්ත පරිදි යහපත් භූමියෙහි හෙළි වෙයි. අයහපත් භූමියෙහි අධම දෙයක් මිස අන් කිසිවක් හෙළි නොවේ. කෘතඥ වන ජනතාවට අපි මෙලෙස සාධක පැහැදිලි කරන්නෙමු.

7 : 59

අපි නූහ්ව ඔහුගේ ජනතාව වෙත එවීමු. “මාගේ ජනතාවනි, අල්ලාහ් ම නමදින්න. නුඹලාට ඔහු හැර නැමදීමට සුදුස්සා වෙනත් කිසිවෙක් නොමැත. මම නුඹලා කෙරෙහි ඉමහත් දිනක1 වේදනාවට බිය වෙමි”යි ඔහු පැවසීය.

7 : 60

“අපි නුඹ ප්‍රකට දුර් මාර්ගයක ම දකින්නෙමු”යි ඔහුගේ ජන සමාජයේ ප්‍රධානීහූ පැවසූහ.

7 : 61

“මාගේ ජනතාවනි, මා වෙත කිසිඳු දුර් මාර්ගයක් නැත. නමුත් මම විශ්වයේ දෙවියන්ගේ දූතයෙක්මි”යි ඔහු පැවසීය.

7 : 62

“මම මාගේ දෙවියන්ගේ දූත පණිවුඩ නුඹලාට ප්‍රකාශ කරමි. නුඹලාට යහපත පතමි. නුඹලා නොදන්නා දේ අල්ලාහ් වෙතින් මම දැන ගනිමි.”

7 : 63

“නුඹලාට අවවාද කිරීමට ද නුඹලා (දෙවියන්ට) බිය බැතිමත් වීමට ද නුඹලාට දයාව දක්වනු ලැබීමට ද නුඹලාට අයත් මිනිසෙකුට නුඹලාගේ දෙවියන් වෙතින් උපදේශයක් පැමිණී මෙහි ලා නුඹලා විස්මයට පත්වන්නෙහු ද?” (යැයි ද ඔහු ඇසීය).

7 : 64

නමුත් ඔහු අසත්‍ය පවසන්නෙක් යැයි සිතූහ. එබැවින් අපි ඔහු ද ඔහු සමඟ නැවෙහි සිටි අය ද ආරක්ෂා කළෙමු. අපේ වැකි අසත්‍ය යැයි සිතූ අය ගිල්වීමු. ඔවුහු අන්ධ පිරිසක් වූ හ.

7 : 65

(අපි) ආද් ජන සමාජය වෙත ඔවුන්ගේ සොහොයුරු හූද් (එවීමු). “මාගේ ජනතාවනි, අල්ලාහ් ම නමදින්න. නුඹලා ඔහු හැර නැමදීමට සුදුස්සා වෙනත් කිසිවෙක් නොමැත. නුඹලා (දෙවියන්ට) බිය බැතිමත් නොවන්නෙහු දැ”යි ඔහු ඇසීය.

7 : 66

“අපි නුඹ අනුවණකමක දකින්නෙමු. නුඹ අසත්‍ය පවසන්නෙක් යැයි ද අපි සිතන්නෙමු” යි ඔහුගේ ජන සමාජයේ (එකම දෙවියන්) ප්‍රතික්ෂේප කළ ප්‍රධානීහූ පැවසූහ.

7 : 67

“මාගේ ජනතාවනි, මා වෙත කිසිඳු අනුවණකමක් නැත. නමුත් මම විශ්වයේ දෙවියන්ගේ දූතයෙක්මි”යි ඔහු පැවසීය.

7 : 68

“මම මාගේ දෙවියන්ගේ දූත පණිවුඩ නුඹලාට ප්‍රකාශ කරමි. මම නුඹලාට යහපත පතන්නෙක්මි, විශ්වාසවන්තයෙක්මි.”

7 : 69

“නුඹලාට අවවාද කරනු පිණිස නුඹලාට අයත් මිනිසෙකුට නුඹලාගේ දෙවියන් වෙතින් නුඹලාට උපදේශයක් පැමිණීමෙහි ලා නුඹලා විස්මයට පත් වන්නෙහු ද? නූහ්ගේ ජන සමාජයට පසු ඔහු නුඹලා අනුප්‍රාප්තිකයින්46 කළ සැටි ද කායික වශයෙන් නුඹලාගේ ශක්තිය වැඩි කළ සැටි ද සිහි කරන්න. නුඹලා ජය ලබනු පිණිස අල්ලාහ්ගේ අනුග්‍රහයන් සිහි කරන්නැ” (යි ද ඔහු පැවසීය).

7 : 70

“අපේ මුතුන් මිත්තන් නමදිමින් සිටි දේ අත් හැර දමා අල්ලාහ් පමණක් අපි නැමදිය යුතු පිණිස නුඹ අප වෙත පැමිණියෙහි ද? නුඹ සත්‍යවන්තයෙක් නම් නුඹ අපට අවවවාද කරන දේ අප වෙත ගෙන එන්නැ”යි ඔවුහු පැවසූ හ.

7 : 71

“නුඹලාගේ දෙවියන් වෙතින් නුඹලා කෙරෙහි වේදනාවක් ද කෝපයක් ද උදා විය. නුඹලා ද නුඹලාගේ මුතුන් මිත්තන් ද තබා ගත් හිස් නාමයන් පිළිබඳව (කල්පිත භාජන පිළිබඳව) නුඹලා මා සමඟ විවාද කරන්නෙහු ද? ඒ පිළිබඳව කිසිඳු සාධකයක් අල්ලාහ් පහළ නොකළේ ය. නුඹලා අපේක්ෂා කරන්න. මමත් නුඹලා සමඟ එක් වී අපේක්ෂා කරන්නෙමි”යි ඔහු පැවසීය.

7 : 72

අපි ඔහු ද ඔහු සමඟ සිටි පිරිස ද අපේ දයාවෙන් ආරක්ෂා කළෙමු. අපේ වැකි අසත්‍ය යැයි සිතූ අය මුලිනුපුටා දැමුවෙමු. ඔවුහු විශ්වාස කළ අය නොවූහ.

7 : 73

(අපි) සමූද් ජන සමාජය වෙත ඔවුන්ගේ සොහොයුරු සාලීහ් (එවීමු). “මාගේ ජනතාවනි, අල්ලාහ් ම නමදින්න. නුඹලාට ඔහු හැර නැමදීමට සුදුස්සා වෙනත් කිසිවෙක් නොමැත. නුඹලාගේ දෙවියන් වෙතින් නුඹලාට සාධකයක් පැමිණ ඇත. එය නුඹලාට සාධකයක් වන අල්ලාහ්ගේ ඔටුදෙන ය. අල්ලාහ්ගේ පොළොවෙහි අනුභව කිරීමට ඌට ඉඩ හරින්න. ඌට හිංසා නොකරන්න. (එසේ කළහොත්) නුඹලාට පීඩාකාරී වේදනාවක් හටගනු ඇතැ”යි ඔහු පැවසීය.

7 : 74

“ආද් ජන සමාජයට පසු ඔහු නුඹලා අනුප්‍රාප්තිකයින්46 කළ සැටි සිහි කරන්න. ඔහු නුඹලා පොළොවෙහි වාසය කිරීමට සැලැස්වීය. එහි තැනි තලාවන්හි මාලිගා තනා ගන්නෙහු ය. කඳු හාරා ගෙවල් තනා ගන්නෙහු ය. එබැවින් අල්ලාහ්ගේ අනුග්‍රහයන් සිහි කරන්න. පොළොවෙහි අවුල් ඇති කරමින් නොසැරිසරන්නැ”(යි ද ඔහු පැවසීය).

7 : 75

“සාලිහ් ඔහුගේ දෙවියන් විසින් එවන ලද දූතයෙක් බව නුඹලා දන්නෙහු දැ”යි ඔහුගේ ජන සමාජයේ උඩඟු වූ ප්‍රධානීහූ ඔවුන‘තුරින් විශ්වාස කළ දුබලයින්ගෙන් (විහිළුවකට මෙන්) ඇසූ හ. “ඔහු සමඟ එවන ලද පුවත අපි විශ්වාස කළෙමු”යි (දුබලයෝ) පැවසූ හ.

7 : 76

“නුඹලා විශ්වාස කළ දේ අපි ප්‍රතික්ෂේප කරන්නෙමු”යි උඩඟු වූ අය පැවසූ හ.

7 : 77

පසුව එම ඔටුදෙන කපා දැමූ හ. ඔවුන්ගේ දෙවියන්ගේ නියෝගය කඩ කළහ. “සාලීහ්, නුඹ දූතයෙක් නම් නුඹ අපට අවවාද කළ දේ අප වෙත ගෙන එන්නැ”යි ද පැවසූ හ.

7 : 78

වහාම භූමිකම්පාව ඔවුනට පහර දුණි. උදෑසන ඔවුහු තම නිවෙස්වල වැතිරී සිටිය හ.

7 : 79

ඔහු (වැතිරී සිටින) ඔවුන්ගෙන් ඉවත් විය. “මාගේ ජනතාවනි, මම මාගේ දෙවියන්ගේ දූත පණිවුඩ නුඹලාට ප්‍රකාශ කළෙමි. නුඹලාට යහපත ම පැතුවෙමි. නමුත් නුඹලා යහපත පතන්නන් ප්‍රිය නොකළෙහු යැ,යි පැවසීය.

7 : 80

(අපි) ලුත් ද (දූතයෙකු ලෙස එවීමු). “නුඹලාට පෙර ලොවෙහි කිසිවෙකු නොකළ අශිෂ්ට සම්පන්න ක්‍රියාවක් නුඹලා කරන්නෙහු දැ”යි ඔහු තම ජනතාවගෙන් ඇසීය.

7 : 81

“නුඹලා ස්ත්‍රීන් හැර දමා කාමාශාව වෙනුවෙන් පුරුෂයින් වෙත යන්නෙහු ය. නුඹලා සීමාව ඉක්ම වන පිරිසක් යැ”(යි ද ඔහු පැවසීය).

7 : 82

“නුඹලාගේ ගම්මානයෙන් මොවුන් බැහැර කරන්න. මොවුහු ශුද්ධවන්ත මිනිස්සු ය” යන්න මිස අන් කිසිවක් ඔහුගේ ජන සමාජයේ පිළිතුර නොවීය.

7 : 83

එබැවින් ඔහුගේ භාර්යාව හැර ඔහු ද ඔහුගේ පවුලේ අය ද අපි ආරක්ෂා කළෙමු. ඇය විනාශ වන අයගෙන් කෙනෙක වූවා ය.

7 : 84

අපි ඔවුන් වෙත මහ වර්ෂාවක් ඇද හැලූවෙමු. වරදකරුවන්ගේ අවසානය කෙබඳු වී දැයි බලන්න.

7 : 85

අපි මද්යන් නගරයට ඔවුන්ගේ සොහොයුරු ෂුඅයිබ්ව එවීමු. “මාගේ ජනතාවනි, අල්ලාහ් ම නමදින්න. නුඹලාට ඔහු හැර නැමදීමට සුදුස්සා වෙනත් කිසිවෙක් නොමැත. නුඹලාගේ දෙවියන් වෙතින් නුඹලාට සාධකයක් පැමිණ ඇත. එබැවින් කිරුම හා මිනුම සම්පූර්ණ කරන්න. මිනිසුන්ට ඔවුන්ගේ ද්‍රව්‍ය අඩු නොකරන්න. පොළොව ක්‍රමවත් කරනු ලැබූ පසු එහි අවුල් ඇති නොකරන්න. නුඹලා විශ්වාස කර සිටියෙහු නම් මෙය නුඹලාට යහපතක් යැ”යි ඔහු පැවසීය.

7 : 86

“සෑම මං මාවතක ම (මිනිසුන්ට) තර්ජනය කරනු පිණිස නොහිඳින්න. අල්ලාහ්ගේ ධර්මය වකුටු වූවක් සේ නිරූපණය කරමින් විශ්වාස කළ අය එයින් නොවළක්වන්න. නුඹලා ස්වල්ප දෙනෙකු ව සිටි සැටි ද ඔහු නුඹලා වර්ධනය කළ සැටි ද සිහි කරන්න. අවුල් ඇති කළ අයගේ අවසානය කෙබඳු වී දැයි බලන්න.”

7 : 87

“මා සමඟ එවන ලද පුවත නුඹලාගෙන් පිරිසක් විශ්වාස කොට තවත් පිරිසක් විශ්වාස නොකළේ නම් අල්ලාහ් අප අතර විනිශ්චය කරන තෙක් ඉවසන්න. ඔහු විනිශ්චය කරන්නන්ගෙන් අති විශිෂ්ට යැ”(යි ද ඔහු පැවසීය).

7 : 88

“ෂුඅයිබ්, අපි නුඹ ද නුඹ සමඟ විශ්වාස කළ අය ද අපේ ගම්මානයෙන් පිටු වහල් කරන්නෙමු. නැතහොත් නුඹලා අපේ දහමට නැවත පැමිණිය යුතුයැ”යි ඔහුගේ ජන සමාජයේ උඩඟු වූ ප්‍රධානී නුඹලාගේ දහම පිළිකුල් කළත් දැ”යි ඇසීය.

7 : 89

“අල්ලාහ් නුඹලාගේ දහමෙන් අප ආරක්ෂා කළ පසුත් අපි ඊට නැවත පැමිණියහොත් අපි අල්ලාහ් කෙරෙහි අසත්‍ය ප්‍රබන්ධ කළ අය වන්නෙමු. අපේ දෙවියන් වන අල්ලාහ් සිතුවේ නම් මිස ඊට (නුඹලාගේ දහමට) නැවත පැමිණීම අපගෙන් කිසිවිටෙකත් සිදු නොවේ. අපේ දෙවියන් සියලූ දේ දැනුමෙන් වටලයි. අපි අල්ලාහ් කෙරෙහි රඳා පවතින්නෙමු. අපේ දෙවියනි, අප හා අපේ ජනතාව අතර යුක්තිසහගත ව විනිශ්චය කරනු මැනව` ඔබ විනිශ්චයකරුවන්ගෙන් අති විශිෂ්ට යැ”(යි ෂුඅයිබ් පැවසීය).

7 : 90

“නුඹලා ෂුඅයිබ් අනුගමනය කළහොත් අලාභ ලද්දන් වන්නෙහු යැ”යි ඔහුගේ ජන සමාජයේ (එකම දෙවියන්) ප්‍රතික්ෂේප කළ ප්‍රධානීහූ පැවසූහ.

7 : 91

වහාම භූමිකම්පාව ඔවුනට පහර දුණි. උදෑසන ඔවුහු තම නිවෙස් වල වැතිරී සිටියහ.

7 : 92

ෂුඅයිබ් අසත්‍ය පවසන්නෙක් යැයි සිතූ අය (ඊට පෙර) එහි වාසය නොකළ අය මෙන් වූහ. ෂුඅයිබ් අසත්‍ය පවසන්නෙක් යැයි සිතූ අය අලාභ ලද්දෝ වූහ.

7 : 93

ඔහු (වැතිරී සිටින) ඔවුන්ගෙන්ඉවත් විය. “මාගේ ජනතාවනි, මම මාගේ දෙවියන්ගේ දූත පණිවුඩ නුඹලාට ප්‍රකාශ කළෙමි. නුඹලාට යහපත ම පැතුවෙමි. එබැවින් (එකම දෙවියන්) ප්‍රතික්ෂේප කළ පිරිසක් වෙනුවෙන් මම දුක් වන්නේ කෙසේ දැ”යි ඔහු පැවසීය.

7 : 94

අපි කවර ගම්මානයකට නබිවරයෙකු එව්වත් එම ග්‍රාමවාසීන්ට යටහත් පහත් වනු පිණිස දරිද්‍රතාවෙන් ද රෝගයෙන් ද අපි ඔවුන් හසු නොකර සිටියේ නැත.

7 : 95

පසුව අපි අයහපත වෙනුවට යහපත හුවමාරු කර දුනිමු. පසුව ඔවුහු වර්ධනය වූ විට “(අපට පමණක් නොව) අපේ මුතුන් මිත්තන්ට ද දුක සැප හටගෙන ඇතැ”යි පැවසූහ. එබැවින් ඔවුනට නොහැඟෙන ලෙසින් හදිසියේ ම අපි ඔවුනට දඬුවම් කළෙමු.

7 : 96

එම ගම්මාන වලට අයත් පිරිස විශ්වාස කොට (අපට) බිය බැතිමත් වී සිටියහොත් අහසින් ද පොළොවෙන් ද සෞභාග්‍යයන් අපි ඔවුනට විවෘත කර සිටින්නෙමු. නමුත් ඔවුහු අසත්‍ය යැයි සිතූහ. එබැවින් ඔවුන් පාපයන් කරමින් සිටීම හේතු කොටගෙන265 අපි ඔවුනට දඬුවම් කළෙමු.

7 : 97

“ඔවුන් රාත්‍රියේ නිදියමින් සිටියදී අපේ වේදනාව ඔවුන් වෙත පහළ වනු ඇත” යන්නෙහි එම ග්‍රාමවාසීහූ බියෙන් මිදී සිටින්නෝ ද?

7 : 98

“නැතහොත් ඔවුන් විනෝද වෙමින් සිටිය දී පෙරවරුවෙහි අපේ වේදනාව ඔවුන් වෙත පහළ වනු ඇත” යන්නෙහි එම ග්‍රාමවාසීහූ බියෙන් මිදී සිටින්නෝ ද?

7 : 99

නුඹලා අල්ලාහ්ගේ කුමන්ත්‍රණයෙහි6 බියෙන් මිදී සිටින්නෙහු ද? අලාභ ලත් පිරිස මිස (අන් අය) අල්ලාහ්ගේ කුමන්ත්‍රණයෙහි බියෙන් මිදී නොසිටිති.

7 : 100

පොළොවෙහි උරුමක්කරුවන් ගෙන් (ඔවුන් විනාශ කරනු ලැබීමෙන් පසු) එය අත්පත් කර ගත් අයට ඔවුන්ගේ පාපයන් හේතු කොටගෙන අපි සිතා ඇත්නම් දඬුවම් කර ඇත්තෙමු යන වගත් ඔවුනට නොඇසෙන පරිදි ඔවුන්ගේ සිත් මත අපි මුද්‍රා තබන්නෙමු යන වගත් ඔවුනට නොවැටහුණේ ද?

7 : 101

(මුහම්මද්,) මෙම ගම්මාන වල තොරතුරු අපි ඔබට ප්‍රකාශ කරන්නෙමු. ඔවුන්ගේ දූතවරු පැහැදිලි සාධක සමඟ ඔවුන් වෙත පැමිණියහ. නමුත් ඔවුහු පෙරදී ම අසත්‍ය යැයි සිතූ බැවින් විශ්වාස කළ අය නොවූ හ. මෙලෙස අල්ලාහ් (තමා) ප්‍රතික්ෂේප කරන්නන්ගේ සිත් මත මුද්‍රා තබයි.

7 : 102

අපි ඔවුන්ගෙන් බහුතරයක් වෙත කිසිඳු පොරොන්දු ඉටු කිරීමක් නුදුටුවෙමු. අපි ඔවුන්ගෙන් බොහෝ දෙනෙකු වැරදි කරන්නෝ ව දුටුවෙමු.

7 : 103

අපි ඔවුනට පසුව මූසාව ෆිර්අවුන් වෙත ද ඔහුගේ සභිකයින් වෙත ද පැහැදිලි සාධක සමඟ එවීමු. ඔවුහු ඒවා පිළිගැනීමට ප්‍රතික්ෂේප කළහ. අවුල් ඇති කළ අයගේ අවසානය කෙබඳු වී දැයි බලන්න.

7 : 104

“ෆිර්අවුන්, මම විශ්වයේ දෙවියන්ගේ දූතයෙක්මි”යි මූසා පැවසීය.

7 : 105

“අල්ලාහ් කෙරෙහි සත්‍යය මිස අන් කිසිවක් ප්‍රකාශ නොකිරීමට මම බැඳී සිටින්නෙක්මි. නුඹලාගේ දෙවියන් වෙතින් පැහැදිලි සාධකයක් නුඹලාට ගෙනැවිත් සිටිමි. එබැවින් ඉස්රායීල්ගේ දරුවන් මා සමඟ එවනු” (යැයි ද පැවසීය.)181

7 : 106

“නුඹ සත්‍ය පවසන්නෙක් නම් සාධකයක් ගෙනැවිත් තිබේ නම් එය ගෙන හැර දක්වන්නැ”යි (ෆිර්අවුන්) පැවසීය.

7 : 107

එවිට ඔහු තම සැරයටිය දැමීය. වහාම එය සැබෑ සර්පයෙක් විය.

7 : 108

ඔහු තම අත පිටතට ගත්තේ ය. වහාම එය බලන්නන්ට සුදු පැහැයෙන් දිස් විය.

7 : 109,110

“මොහු ඉතා දක්ෂ හූනියම්කාරයෙකි. මොහු නුඹලාගේ දේශයෙන් නුඹලා පිට මං කිරීමට අදහස් කරයි. නුඹලා කුමක් අණ කරන්නෙහු දැ”යි ෆිර්අවුන්ගේ ජන සමාජයේ ප්‍රධානීහූ ඇසූහ.26

7 : 111,112

“ඔහුට ද ඔහුගේ සොහොයුරාට ද කල් දෙන්න. (හූනියම්කරුවන්) එක් රැස් කරන අය විවිධ නගර වලට යවන්න. ඔවුහු අති දක්ෂ හූනියම්කරුවන් සියල්ලන් ම ඔබ වෙත කැඳවා ගෙන එති”යි ඔවුහු (ෆිර්අවුන්ට) පැවසූ හ.26

7 : 113

හූනියම්කරුවෝ ෆිර්අවුන් වෙතට පැමිණිය හ. “අපි දිනුවෙමු නම් අපට තිළිණයක් ඇත් දැ”යි ඔවුහු ඇසූ හ.

7 : 114

(එයට ඔහු) “එසේ යල නුඹලා මට ළං වූවන් වන්නෙහු යැ”යි පැවසීය.

7 : 115

“මූසා, (විජ්ජාවන්) ඔබ දමන්නෙහි ද? නැතහොත් අපි දමන්න දැ”යි ඔවුහු ඇසූ හ.

7 : 116

“නුඹලා ම දමන්නැ”යි (මූසා) පැවසීය. ඔවුහු (තම විජ්ජාවන්) දැමූ විට මිනිසුන්ගේ ඇස් වසඟ කළහ.182 මිනිසුන්ට භීතියක් ද ඇති කළහ. ඔවුහු ඉමහත් හූනියමක් ගෙන හැර දැක්වූ හ.

7 : 117

“ඔබේ සැරයටිය දමන්නැ”යි අපි මූසාට දැනුම් දුනිමු. වහාම එය ඔවුන් කළ විජ්ජාවන් ගිල දැමීය.

7 : 118

එවිට සත්‍යය තහවුරු විය. ඔවුන් කරමින් සිටි දේ නිෂ්ඵල විය.

7 : 119

එහි දී ඔවුහු පරාජය කරනු ලැබූ හ. ඔවුහු අවඥාවට පත් වූහ.

7 : 120

හූනියම්කරුවෝ සජ්දාවෙහි වැටුණ හ.

7 : 121,122

“අපි විශ්වයේ දෙවියන් වන මූසා හා හාරූන්ගේ දෙවියන් ගැන විශ්වාස කළෙමු”යි ද ඔවුහු පැවසූ හ.26

7 : 123

“මම නුඹලාට අවසර දීමට පෙර නුඹලා ඔහු විශ්වාස කළෙහු ද? මෙය මෙම නගරයෙන් එහි හිමිකරුවන් පිට මං කිරීම සඳහා නුඹලා මෙහි සිදු කළ කුමන්ත්‍රණයකි. නුඹලා (මෙහි විපාකය) දැන ගන්නෙහු යැ”යි ෆිර්අවුන් පැවසීය.

7 : 124

“මම නුඹලාගේ අත් හා පාද විරුද්ධ පැත්තෙන් කපා දමන්නෙමි. පසුව නුඹලා සියල්ලන් ම කුරුසියෙහි තබා ඇණ ගසන්නෙමි.” (යි ද ඔහු පැවසීය).

7 : 125

“අපි අපේ දෙවියන් වෙත හැරෙන්නෝ වෙමු”යි ඔවුහු පැවසූහ.

7 : 126

“අපේ දෙවියන්ගේ සාධක අප වෙත පැමිණි විට අපි එය විශ්වාස කළ බැවින් නුඹ අපට දඬුවම් කරන්නෙහි යැ”(යි ෆිර්අවුන්ට පවසා) “අපේ දෙවියනි, අපට ඉවසීම දෙනු මැනව` අප මුස්ලිම්වරුන්295 ලෙසින් ම මරණයට පත් කරවනු මැනවැ”යි ඔවුහු පැවසූ හ.

7 : 127

“මෙම දේශයෙහි අවුල් ඇති කිරීම සඳහා ද ඔබටත් ඔබේ දෙවිවරුන්ටත් පිටු පෑම සඳහා ද මූසා හා ඔහුගේ ජනතාව නිදැල්ලේ සිටීමට ඉඩ හරින්නෙහි දැ”යි ෆිර්අවුන්ගේ ජන සමාජයේ ප්‍රධානීහූ (ෆිර්අවුන්ගෙන්) ඇසූහ. “අපි ඔවුන්ගේ පිරිමි දරුවන් ඝාතනය කර දමා ගැහැනු (දරුව)න් ජීවත් වීමට ඉඩ හරිමු. අපි ඔවුන් මත ආධිපත්‍යය පතුරුවන්නෝ වෙමු”යි ෆිර්අවුන් පැවසීය.

7 : 128

“නුඹලා අල්ලාහ්ගෙන් පිහිට පතන්න. ඉවසිලිමත් වන්න. පොළොව අල්ලාහ්ට ම හිමිය. තම වහලූන්ගෙන් ඔහු සිතූ අයට ඔහු එය උරුම කරයි. අවසන් තීරණය (දෙවියන්ට) බිය බැතිමත් වන අයට හිතකර යැ”යි මූසා තම ජනතාවට පැවසීය.

7 : 129

“ඔබ අප වෙත පැමිණීමට පෙර ද ඔබ අප වෙත පැමිණි පසු ද අපි හිංසා පීඩා කරනු ලබමින් සිටින්නෙමු”යි ඔවුහු පැවසූ හ. නුඹලාගේ දෙවියන් නුඹලාගේ සතුරා විනාශ කොට පොළොවෙහි (ඔවුන් වෙනුවට) නුඹලා අනුප්‍රාප්ත කර46 නුඹලා කෙසේ ක්‍රියා කරන්නෙහු දැයි බලනු ඇතැ”යි ඔහු පැවසීය.

7 : 130

ඔවුන් ඉගැන්මක් ලබනු පිණිස දුර්භික්ෂ වලින් ද පලදාවන් අඩු කිරීමෙන් ද අපි ෆිර්අවුන්ගේ ජන සමාජයට දඬුවම් කළෙමු.

7 : 131

ඔවුන් වෙත කිසියම් යහපතක් පැමිණෙන විට “එය අප වෙනුවෙන් (ලද දෙයක්)යැ”යි පවසති. නමුත් ඔවුනට අයහපතක් සිදු වූයේ නම් මූසා ද ඔහු සමඟ සිටින්නන් ද දුර් නිමිත්තක්ව ඔවුහු සිතති. ඔවුන් දුර් නිමිත්තක්ව සිතන දේ අල්ලාහ් වෙතින් පැමිණ ඇති බව දැන ගන්න. නමුත් ඔවුන්ගෙන් බොහෝ දෙනෙක් (මෙය) නොදනිති.

7 : 132

“අප වසඟ කිරීමට නුඹ කවර සාධකයක් රැගෙන ආවත් අපි නුඹ කෙරෙහි විශ්වාස කරන්නෝ නොවෙමු”යි ඔවුහු පැවසූ හ.

7 : 133

එබැවින් අපි ඔවුනට එරෙහිව මහා ජල ගැල්ම ද පළඟැටියන් ද උකුණන් ද මැඩියන් ද රුධිරය ද පැහැදිලි සාධක ලෙස එවීමු. නමුත් ඔවුහු උඩඟු වූහ. වැරදි කරන පිරිසක් ව සිටියහ.

7 : 134

ඔවුනට එරෙහිව වේදනාව පැමිණි සෑම විට ම “මූසාල නුඹේ දෙවියන් නුඹට දුන් පොරොන්දුව අනුව අප වෙනුවෙන් ඔහු වෙත ප්‍රාර්ථනා කරන්න. නුඹ අපගෙන් මෙම වේදනාව පහ කළහොත් අපි නුඹ විශ්වාස කරන්නෙමු. නුඹ සමඟ ඉස්රායීල්ගේ දරුවන් එවන්නෙමු”යි181 ඔවුහු පැවසූ හ.

7 : 135

ඔවුන් අත් කර ගත යුතු කාල සීමාවක් දක්වා අපි ඔවුන්ගෙන් වේදනාව පහ කළ වහාම ඔවුහු පොරොන්දු කඩ කළහ.

7 : 136

ඔවුන් අපේ වැකි අසත්‍ය යැයි සිතා ඒවා නොසලකා හැර දැමූ බැවින් අපි ඔවුනට දඬුවම් කළෙමු. අපි ඔවුන් මුහුදෙහි ගිල්වීමු.

7 : 137

අපි සෞභාග්‍යමත් කළ පොළොවෙහි නැගෙනහිර හා බස්නාහිර ප්‍රදේශ වලට දුබලයින් ලෙස සලකන ලද ජන සමාජය උරුමක්කරුවන් කළෙමු. ඉස්රායීල්ගේ දරුවන් ඉවසූ හෙයින් ඔබේ දෙවියන්ගේ අලංකාර පොරොන්දුව ඔවුන් විෂයයෙහි සම්පූර්ණ ව ඉටු විය. ෆිර්අවුන් සහ ඔහුගේ පිරිස නිර්මාණය කළ දැය ද ඔවුන් උසින් ඉඳි කළ දැය ද අපි සහමුලින් ම විනාශ කළෙමු.

7 : 138

අපි ඉස්රායීල්ගේ දරුවන් මුහුදින් එතෙර කළෙමු. එවිට තම ප්‍රතිමා වලට වත් පිළිවෙත් පවත්වමින් සිටි පිරිසක් වෙත ඔවුහු පැමිණියහ.”මූසාල ඔවුනට සිටින දෙවිවරුන් මෙන් අපට ද දෙවියකු සලසා දෙන්නැ”යි ඇසූහ. “නුඹලා මුග්ධ පිරිසක්යැ”යි ඔහු පැවසීය.

7 : 139

“ඔවුන් කවරක් මත සිටින්නේ ද එය විනාශ වන්නක් ම ය. ඔවුන් කරමින් සිටි දැය ද නිෂ්ඵල දැයකි.”

7 : 140

“මම අල්ලාහ් නොවන අය නුඹලාට දෙවිවරුන් ලෙස කල්පිත ව සොයන්නෙම් ද? නුඹලා ලෝ වැසියන්ට වඩා උසස් කළේ ඔහු ම යැ”යි (මූසා) පැවසීය.

7 : 141

නුඹලාගේ පිරිමි දරුවන් ඝාතනය කර ගැහැනු (දරුව)න්ට ජීවිත දානය දී නුඹලාට දරුණු වේදනාවක් විඳීමට සැලැස්වූ ෆිර්අවුන්ගේ පිරිසගෙන් අපි නුඹලා ආරක්ෂා කළ සැටි සිහි කරන්න. මෙහි නුඹලාගේ දෙවියන් වෙතින් වූ ඉමහත් පරීක්ෂණයක් විය.

7 : 142

අපි මූසාට තිස් රැයක් පොරොන්දු වීමු. තවත් (රාත්‍රී) දහයකින් එය සම්පූර්ණ කළෙමු. එබැවින් ඔහුගේ දෙවියන් නියම කළ කාලය සතළිස් රැයක් ලෙස සම්පූර්ණ විය.18 “මාගේ ජනතාවට මා වෙනුවට අනුප්‍රාප්ත වී46 (ඔවුන්) ක්‍රමවත් කරන්න. අවුල් ඇති කරන්නන්ගේ මාර්ගය ඔබ අනුගමනය නොකරන්නැ”යි තමාගේ සොහොයුරු හාරූන්ට මූසා පැවසීය.

7 : 143

අපි පොරොන්දු වූ ස්ථානයට මූසා පැමිණ ඔහු සමඟ ඔහුගේ දෙවියන් සම්භාෂණය කළ විට488 “මාගේ දෙවියනි, මට (ඔබ) පෙන්වනු මැනව` මම ඔබ බැලිය යුතුයැ”යි පැවසීය. එයට (දෙවියන්) “ඔබට මා කිසිසේත් ම බැලිය නොහැකිය. නමුත් එම කන්ද දෙස බලන්න. එයට හිමි ස්ථානයෙහි එය ස්ථීරව පිහිටා තිබුණි නම් ඔබට මා බැලිය හැකියැ”යි පැවසීය. ඔහුගේ දෙවියන් එම කන්දට දෘශ්‍යමාන වූ විට එය සුනු විසුනු කළේය. මූසා සිහි මුර්ඡා වී ඇද වැටුණේ ය. ඔහුට සිහිය ලැබුණු විට “ඔබ සුවිශුද්ධවන්තයා ය.10 මම ඔබගෙන් ක්ෂමාව අයැදිමි. මම විශ්වාස කළ අයගෙන් පළමු වැන්නා වෙමි”යි පැවසීය.21

7 : 144

“මූසාල මාගේ දූත පණිවුඩ වලින් ද මාගේ සම්භාෂණයෙන් ද488 අන් මිනිසුන්ට වඩා මම ඔබ තෝරා ගතිමි. එබැවින් මම පිරිනැමූ දේ අල්ලා ගන්න. කෘතඥ වන්නෙක් වන්නැ”යි (දෙවියන්) පැවසීය.

7 : 145

අපි ඔහු වෙනුවෙන් සියලූ කරුණු පුවරුවල ලීවෙමු. එය උපදේශයක් ද සියලූ කරුණු සඳහා විග්‍රහයක් ද විය.184 “මෙය ශක්තිමත් ව අල්ලා ගන්න. මෙය අලංකාර ලෙසින් අල්ලා ගන්නා ලෙස ඔබේ ජනතාවටත් අණ කරන්න. මම වරදකරුවන්ගේ නිවහන ඔබට පෙන්වන්නෙමි428 (යි ද දෙවියන් පැවසීය).

7 : 146

අයුක්ති සහගතව පොළොවෙහි උඩඟු වෙමින් සිටින අය මාගේ සාධක වලින් හරවන්නෙමි. ඔවුහු සියලූ සාධක දුටුවත් ඒවා විශ්වාස නොකරති. ඔවුහු සෘජු මාර්ගය දුටුවහොත් එය (තමන්ගේ) මාර්ගයක් කර නොගනිති. දුර් මාර්ගය දුටුවහොත් එය (තමන්ගේ) මාර්ගයක් කර ගනිති. මෙයට හේතුව ඔවුහු අපේ වැකි අසත්‍ය යැයි සිතා ඒවා නොසලකා හැරිම ය.

7 : 147

අපේ වැකි ද පරලොව හමුවීම ද අසත්‍ය යැයි සිතූ අයගේ ක්‍රියාවන් නිෂ්ඵල වනු ඇත. ඔවුන් කළ දැයට මිස අන් කිසිවකට තිළිණ පිරිනමනු ලබන්නෝ ද?

7 : 148

මූසාගේ ජනතාව ඔහුට පසුව ඔවුන්ගේ ආභරණ වලින් වසු පැටවකුගේ රූපයක් තනා ගත්හ. එයට ගව හඬක් ද විය. ඌ ඔවුන් සමඟ කථා නොකරන බව ද ඔවුනට කිසිඳු මගක් නොපෙන්වන බව ද ඔවුහු දැනගත යුතු නොවේ ද?19 ඔවුහු එය සිතින් මවා ගෙන අපරාධකරුවෝ වූහ.

7 : 149

තමන් නොමග ගිය බව අවබෝධ කර ගත් ඔවුහු පසුතැවිලි වූ විට “අපේ දෙවියන් අපට දයාව දක්වා අප ක්ෂමා නොකළේ නම් අපි අලාභ ලත් අය වන්නෙමු”යි පැවසූහ.

7 : 150

මූසා ඉතා කෝපයෙන් හා ශෝකයෙන් යුතුව තම ජනතාව වෙත ආපසු පැමිණී විට “මට පසුව නුඹලා කළ දේ ඉතා නරක ය. නුඹලාගේ දෙවියන්ගේ නියෝගයට (දඬුවමට) නුඹලා ඉක්මන් වන්නෙහු දැ”යි ඇසී ය. ඔහු පුවරු විසි කර තම සොහොයුරාගේ හිස අල්ලා තමා වෙත ඇද්දේ ය. (එයට ඔහුගේ සොහොයුරු හාරූන්) “මාගේ මවගේ පුත්‍රයාණනි, මෙම ජනතාව මා දුබලයෙක් යැයි සිතූ හ. මා ඝාතනය කිරීමට ද තැත් කළහ. එබැවින් සතුරන් මා දෙස බලා සිනාසෙන තත්ත්වයක් ඔබ උදා නොකරන්න. මා ද අපරාධ කළ පිරිසගෙන් කෙනෙක් නොකරන්නැ”යි පැවසීය.

7 : 151

“මාගේ දෙවියනි, මා ද මාගේ සොහොයුරා ද ක්ෂමා කරනු මැනව` ඔබේ දයාවෙහි අප ඇතුළු කරනු මැනව` ඔබ දයාවන්තයින්ගෙන් අති විශිෂ්ට යැ”යි (මූසා) පැවසීය.

7 : 152

වසු පැටවා දෙවියෙක් යැයි සිතූ අය කෙරෙහි ඔවුන්ගේ දෙවියන්ගේ කෝපය ද මෙලොව ජීවිතයෙහි නින්දාවක් ද උදා වනු ඇත. උප කල්පනය කරන අය වේදනාවට ලක් කරන්නේ මෙලෙස ය.19

7 : 153

යමෙක් පාපාකාරී ක්‍රියාවන් කර පසුව ශිෂ්ට වී පසුව විශ්වාස කරන්නේ ද ඔබේ දෙවියන් ඉන් පසුත් (ඔවුන්) ක්ෂමා කරන්නෙකි, අසම සම දයාවන්තයෙකි.

7 : 154

මූසාගේ කෝපය සංසිඳුණු විට ඔහු පුවරු ගත්තේ ය. එහි අක්ෂර වල තම දෙවියන්ට බිය බැතිමත් වන අයට දයාවක් ද යහ මගක් ද විය.

7 : 155

අපි නියම කළ ස්ථානයෙහි මූසා තම ජනතාවගෙන් පිරිමින් හැත්තෑ දෙනෙකු තෝරා ගත්තේ ය. ඔවුනට භූමිකම්පාව පහර දුන් විට “මාගේ දෙවියනි, ඔබ සිතා ඇත්නම් මීට පෙර ඔවුන් ද මා ද විනාශ කරන්නට තිබුණි. අප අතුරින් මුග්ධයින් කළ දේ වෙනුවෙන් ඔබ අප විනාශ කරන්නෙහි ද? මෙය ඔබේ පරික්ෂණයක්484 මිස වෙන නැත. මෙමගින් ඔබ සිතූ අය දුර් මාර්ගයෙහි අත් හැර දමන්නෙහි ය. ඔබ සිතූ අයට යහමග පෙන්වන්නෙහි ය. අපේ භාරකරු ඔබ ම ය. එබැවින් අප ක්ෂමා කර අපට දයාව දක්වනු මැනව` ඔබ ක්ෂමා කරන්නන්ගෙන් අති විශිෂ්ට යැ”යි (මූසා) ප්‍රාර්ථනා කළේ ය.392

7 : 156

“අපට මෙලොවෙහි ද පරලොවෙහි ද යහපතක් ලියා තබනු මැනව` අපි ඔබ වෙත හැරුණෙමු” (යැයි ද ප්‍රාර්ථනා කළේ ය). “මාගේ වේදනාව මම සිතූ අයට දෙන්නෙමි. මාගේ දයාව සියලූ දේ වටලමින් සිටියි. (මට) බිය බැතිමත් වී සකාතය ද පිරිනමා අපේ වැකි විශ්වාස කරන අයට එය ලියා තබන්නෙමි”යි (දෙවියන්) පැවසීය.

7 : 157

ඔවුහු කියවීමට හා ලිවීමට312 නොදන්නා152 මෙම දූතයා, මෙම නබිවරයා (මුහම්මද්) අනුගමනය කරති. තමන් වෙතැති තව්රාතයෙහි ද ඉන්ජීලයෙහි ද391 මොහු ගැන සඳහන් වී තිබීම457 ඔවුහු දකිති.25 ) 491 මොහු යහපත ඔවුනට අණ කරයි. අයහපත ඔවුනට වළක්වයි. පිරිසිදු දේ ඔවුනට අනුමත කරයි. අපිරිසිදු දේ ඔවුනට තහනම් කරයි.186 ඔවුන්ගේ බර ද ඔවුන් කෙරෙහි වූ (එකට බඳින ලද) විලංගු ද ඉවත් කරයි. මොහු විශ්වාස කොට මොහුට ගෞරව කර මොහුට උදව් කර මොහු සමඟ පහළ කරන ලද ආලෝකය ද අනුගමනය කරන්නෝ ජය ලද්දෝ ය.

7 : 158

“මිනිසුනි, මම නුඹලා සියල්ලන්ට ම අල්ලාහ්ගේ දූතයා වෙමි.187 ) 281 අහස්හි ද පොළොවෙහි ද පාලනය ඔහුට ම හිමි ය. ඔහු හැර නැමදීමට සුදුස්සා වෙනත් කිසිවෙක් නොමැත. ඔහු ජීවය දෙන්නේ ය. මරණයට පත් කරන්නේ යැ”යි (මුහම්මද්,) පවසන්න. අල්ලාහ් ද ඔහුගේ දූතයා වන කියවීමට හා ලිවීමට312 නොදන්නා152 මෙම නබිවරයා ද විශ්වාස කරන්න. ඔහු අල්ලාහ් ගැන ද ඔහුගේ වචන ගැන ද විශ්වාස කරයි. ඔහු අනුගමනය කරන්න. නුඹලා යහ මග ලබන්නෙහු ය.

7 : 159

මූසාගේ ජනතාව අතර සත්‍යයෙන් යුතුව මග පෙන්වන අය ද ඒ අනුව යුක්තිය ඉටු කරන අය ද සිටිති.

7 : 160

අපි ඔවුන් ගෝත්‍ර දොළසකින් යුත් ජන සමාජයන් ලෙස බෙදා වෙන් කළෙමු. මූසාගේ ජනතාව ඔහුගෙන් ජලය ඉල්ලා සිටි විට “ඔබේ සැරයටියෙන් මෙම පර්වතයට ගසන්නැ”යි අපි ඔහුට පැවසීමු. වහාම එයින් උල්පත් දොළසක් පැන නැංගේය. සියලූ පිරිස ඔවුනොවුන්ගේ තොටු පළ හඳුනා ගත්හ. වලාකුළු ඔවුන් මත සෙවණ දීමට සැලැස්වීමු. මන්නු සල්වා442 (නමැති ආහාරය) ඔවුනට පහළ කළෙමු. “අපි නුඹලාට පිරිනැමූ පිරිසිදු දේ අනුභව කරන්නැ”(යි ද පැවසීමු). ඔවුහු අපට අපරාධ නොකළහ. නමුත් තමන්ට ම අපරාධ කර ගත්හ.

7 : 161

“මෙම ගම්මානයෙහි පදිංචි වන්න. එහි රිසි සේ අනුභව කරන්න. “ක්ෂමාව (අයැදින්නෙමු)”යි පවසන්න. දොරටු මාර්ගයෙන් යටහත් පහත් ව ඇතුළු වන්න. අපි නුඹලාට නුඹලාගේ වැරදි ක්ෂමා කරන්නෙමු. යහපත සිදු කරන්නන්ට අධිකව පිරිනමන්නෙමු”යි ඔවුනට ප්‍රකාශ කරනු ලැබූ සැටි සිහි කරන්න.

7 : 162

ඔවුන්ගෙන් අපරාධ කළ අය ඔවුනට (පවසන ලද්දා වූ දේ හැර දමා) නොපවසන ලද වෙනත් වචනයක් ලෙස (එය) වෙනස් කර ගත්හ. එබැවින් ඔවුන් අපරාධ කරමින් සිටි නිසා අපි ඔවුනට අහසින් දඬුවමක් පහළ කළෙමු.

7 : 163

මුහුදු අසල පිහිටි ගම්මානය ගැන ඔවුන්ගෙන් විමසන්න. ඔවුහු සබත් දින (සෙනසුරාදා) සීමාව ඉක්ම වූ සැටි සිහි කරන්න. සබත් දිනයෙහි මත්ස්‍යයෝ දිය මතු පිට දිස් වෙමින් ඔවුන් වෙත පැමිණෙති. සබත් නොවන දිනයන්හි ඔවුන් වෙත නොපැමිණෙති. ඔවුන් වැරදි කරමින් සිටි බැවින් 23 අපි ඔවුන් මෙලෙස පරීක්ෂා කළෙමු.484

7 : 164

“අල්ලාහ් විනාශ කිරීමට හෝ දරුණු ලෙස දඬුවම් කිරීමට හෝ සිටින පිරිසකට නුඹලා අනුශාසනා කරන්නේ කුමකට දැ”යි ඔවුන්ගෙන් පිරිසක් ඇසූ හ. “(විනිශ්චය දිනයේ දී) නුඹලාගේ දෙවියන්ගෙන් ගැලවෙනු පිණිසත් ඔවුන් (දෙවියන්ට) බිය බැතිමත් වනු පිණිසත් (අපි ඔවුනට අනුශාසනා කරන්නෙමු)”යි ඔවුහු පැවසූ හ.

7 : 165

ඔවුහු ප්‍රකාශ කරන ලද අනුශාසනාව අමතක කළ විට අයහපත වැළැක් වූ අය (පමණක්) ආරක්ෂා කළෙමු. අපරාධකරුවන් වැරදි කරමින් සිටි බැවින් ඔවුනට දරුණු ලෙස දඬුවම් කළෙමු.188

7 : 166

ඔවුනට තහනම් කරන ලද දේ කඩ කළ විට “නීච වඳුරන් බවට පත් වන්නැ”යි ඔවුනට පැවසීමු.23

7 : 167

කියාමත් දිනය1 දක්වා ඔවුනට ක්‍රෑර වධ හිංසා පමුණුවන අය ඔවුනට එරෙහිව පත් කරන බව ඔබේ දෙවියන් ප්‍රකාශ කළ සැටි සිහි කරන්න. ඔබේ දෙවියන් ඉතා ශීඝ්‍රයෙන් දඬුවම් කරන්නෙකි. ඔහු ක්ෂමා කරන්නෙකි, අසම සම දයාවන්තයෙකි.99

7 : 168

අපි ඔවුන් පොළොවෙහි විවිධ ජන සමාජයන් ලෙස බෙදා වෙන් කළෙමු. ඔවුන් අතර යහපත් අය ද සිටිති. එසේ නොවන අය ද ඔවුන් අතර සිටිති. ඔවුන් ශිෂ්ට වනු පිණිස ඔවුන් යහපත මගින් ද අයහපත මගින් ද පරික්ෂා කළෙමු.484

7 : 169

ඔවුනට පසුව තවත් ජන සමාජයක් ඔවුන් වෙනුවට අනුප්‍රාප්ත46 වූහ. ඔවුහු ධර්ම ග්‍රන්ථය උරුමයෙන් ලැබූහ. (එමඟින්) මෙම අධම ද්‍රව්‍ය ලබා ගනිති. අපට ක්ෂමා කරනු ලබන්නේ යැයි ද පවසති. නැවතත් එවැනි ම අධම ද්‍රව්‍යයක් ඔවුනට ලැබුණේ නම් ඔවුහු එය ද ලබා ගනිති. අල්ලාහ් කෙරෙහි සත්‍යය මිස අන් කිසිවක් නොපැවසිය යුතු යැයි ධර්ම ග්‍රන්ථයෙහි ඔවුන්ගෙන් ප්‍රතිඥාවක් නොගන්නා ලද්දේ ද? ඔවුහු එහි සඳහන් දේ අධ්‍යයනය කළේ නැද්ද? (දෙවියන්ට) බිය බැතිමත් වන අයට පරලොව ජීවිතය අති විශිෂ්ට ය. නුඹලා (මෙය) වටහා ගත යුතු නොවේ ද?

7 : 170

යමෙක් ධර්ම ග්‍රන්ථය ස්ථීර ලෙස අල්ලා ගෙන සලාතය ඉටු කරන්නේ ද එවැනි ක්‍රමවත් වන අයගේ කුලිය අපි නිෂ්ඵල නොකරන්නෙමු.

7 : 171

“අපි ඔවුනට ඉහළින් වලාකුළක් මෙන් කන්ද ඔසවා එය තමන් මත වැටෙතියි ඔවුන් සිතූ විට “අපි නුඹලාට පිරිනැමූ දේ ශක්තිමත්ව අල්ලා ගන්න. එහි සඳහන් දේ ගැන සිතා බලන්න. එවිට (අපට) බිය බැතිමත් අය වන්නෙහු යැ”(යි පැවසීමු).22

7 : 172,173

ඔබේ දෙවියන් ආදම්ගේ දරුවන්ගේ504 පිට කොඳු වලින්189 ඔවුන්ගේ පෙළපත බිහි කොට ඔවුනට එරෙහිව ම ඔවුන් සාක්ෂි දැරීමට සැලැස්වීය. මම නුඹලාගේ දෙවියන් නොවෙම් දැ”(යි ඔහු ඇසීය). “එසේ ය. අපි (මෙයට) සාක්ෂි දරන්නෙමු”යි ඔවුහු පැවසූහ. “අපි මේ ගැන නොසැලකිලිමත් ව සිටියෙමු” යනුවෙන් හෝ “මීට පෙර අපගේ මුතුන් මිත්තෝ සමානයන් කල්පනය කළහ. අපි ඔවුනට පසුව පැවතෙන්නෝ වෙමු. එම නාස්තිකාරයන්ගේ ක්‍රියාව වෙනුවෙන් ඔබ අප විනාශ කරන්නෙහි ද?” යනුවෙන් හෝ නුඹලා කියාමත් දින1 නොපවසනු පිණිස (අපි මෙලෙස ප්‍රතිඥා ගත්තෙමු).26

7 : 174

ඔවුහු ශිෂ්ට වනු පිණිස අපි මෙලෙස සාධක පැහැදිලි කරන්නෙමු.

7 : 175

(මුහම්මද්,) ඔවුනට කෙනෙකුගේ ඉතිහාසය ප්‍රකාශ කරන්න. අපි ඔහුට අපේ වැකි පිරිනැමුවෙමු. ඔහු එයින් ලිස්සා ගියේ ය. ෂෛතාන් ඔහු පසු පස ලුහු බැන්ඳේ ය. එබැවින් ඔහු නොමග ගිය කෙනෙක් විය.

7 : 176

අපි සිතුවෙමු නම් එමගින් ඔහු උසස් කර ඇත්තෙමු. නමුත් ඔහු මෙලොව ජීවිතය දෙසට හැරුණේ ය. තම චිත්තාභිලාෂය අනුගමනය කළේ ය. ඔහුගේ උපමාව සුනඛයා ය. ඔබ ඌට පහර දුන්නත් ඌ දිව ලොලවයි. ඔබ ඌ අත් හැර දැමුවත් ඌ දිව ලොලවයි. අපේ වැකි අසත්‍ය යැයි සිතූ අයගේ උපමාව මෙයයි. ඔවුන් සිතනු පිණිස මෙම ඉතිහාසය ප්‍රකාශ කරන්න.

7 : 177

අපේ වැකි අසත්‍ය යැයි සිතා තමන්ට ම අපරාධ කර ගත් පිරිසගේ උපමාව ඉතා නරක ය.

7 : 178

අල්ලාහ් යමෙකු යහ මගට යොමු කරන්නේ ද ඔහු ය, යහ මග ලද්දා. ඔහු යමෙකු දුර් මාර්ගයෙහි අත් හැරියේ ද ඔහු ය, අලාභ ලද්දා.

7 : 179

ජින්වරුන්ගෙන් ද මිනිසුන්ගෙන් ද බොහෝ දෙනෙකු නිරය වෙනුවෙන් ම නිර්මාණය කර ඇත්තෙමු. ඔවුනට සිත් ඇත. නමුත් එමගින් ඔවුහු වටහා නොගනිති. ඔවුනට ඇස් ඇත. නමුත් එමගින් ඔවුහු නොබලති. ඔවුනට කන් ඇත. නමුත් එමගින් ඔවුහු ශ්‍රවණය නොකරති. ඔවුහු සිවුපාවුන් වැනි ය. නැත. ඔවුහු එයටත් වඩා නොමග ගියවුන් ය. නොසැලකිලිමත් වූ අය ඔවුහු ම ය.

7 : 180

අල්ලාහ්ට ඉතා අලංකාර නාමයන් ඇත. එබැවින් එමගින් ඔහු වෙත ප්‍රාර්ථනා කරන්න. ඔහුගේ නාමයන්හි වෙනස්කම් සිදු කර ප්‍රකාශ කරන අය අත් හැර දමන්න. ඔවුන් කරමින් සිටි දේ වෙනුවෙන් දඬුවම් කරනු ලබති.190

7 : 181

අපි නිර්මාණය කළ අය අතර සත්‍යයෙන් මග පෙන්වන ජන සමාජයක් ද එමගින් යුක්තිය ඉටු කරන අය ද සිටිති.

7 : 182

අපේ වැකි අසත්‍ය යැයි සිතන අයට නොදැනුවත් ලෙසින් අපි ඔවුන් නිදැල්ලේ හැර දමා ක්‍රම ක්‍රමයෙන් අල්ලා ගන්නෙමු.

7 : 183

ඔවුනට ඉඩ ප්‍රස්තාවක් ලබා දී ඇත්තෙමි. මාගේ සැලැස්ම ස්ථීර ය.

7 : 184

ඔවුන්ගේ මිත්‍රයාට (මුහම්මද්ට) කිසිඳු උන්මාදයක් නොමැති468 බව ඔවුහු කල්පනා නොකළෝ ද? ඔහු පැහැදිලි ව අවවාද කරන්නෙක් පමණකි.

7 : 185

අහස් හා පොළොවෙහි රාජ්‍යය ගැන ද අල්ලාහ් නිර්මාණය කර තිබෙන සෙසු දේවල් ගැන ද ඔවුන්ගේ කාල සීමාව ඉතා සමීපයේ තිබිය හැකිය යන්න ගැන ද ඔවුහු කල්පනා නොකළෝ ද? මින් පසු කවර පුවතක් දල ඔවුන් විශ්වාස කරන්නේ?

7 : 186

අල්ලාහ් යමෙකු දුර් මාර්ගයේ අත් හැරියේ ද ඔහුට කිසිඳු මග පෙන්වන්නෙක් නැත. ඔහු ඔවුන්ගේ සීමාව ඉක්මවීමෙහි ලා ඔවුන් අයාලේ යෑමට ඉඩ හරියි.

7 : 187

යුගාන්ත මොහොත1 පැමිණෙන්නේ කවදා දැ”යි ඔවුහු (මුහම්මද්,) ඔබෙන් විමසති. “මේ පිළිබඳව දැනුම ඇත්තේ මාගේ දෙවියන් වෙත ය. එයට නියමිත වෙලාවෙහි ඔහුට හැර අන් කිසිවෙකුට එය හෙළිදරව් කළ නොහැකිය. අහස් හි ද පොළොවෙ හි ද එය ඉමහත් ව පිහිටනු ඇත. එය නුඹලා වෙත හදිසියේ ම පැමිණෙනු ඇතැ”යි පවසන්න. මේ පිළිබඳව ඔබ හොඳින් දැන සිටින්නෙකු මෙන් ඔවුහු ඔබෙන් විමසති. “මේ පිළිබඳව දැනුම ඇත්තේ අල්ලාහ් වෙත යැ”යි පවසන්න. නමුත් මිනිසුන්ගෙන් බොහෝ දෙනෙක් නොදනිති.

7 : 188

“අල්ලාහ් සිතූ දේ මිස මට ම යහපතක් කර ගැනීමට හෝ අයහපත් කර ගැනීමට හෝ මට බලයක් නැත. මම ගුප්ත දේ මැනවින් දැන සිටින්නෙක් නම් අධිකව යහපත අත් කර ගෙන සිටින්නෙමි. මට කිසිඳු විපතක් සිදු නොවී ඇත. විශ්වාස කරන පිරිසකට මම අවවාද කරන්නෙක් ද සුබාරංචි කියන්නෙක් ද පමණකැ”යි (මුහම්මද්,) පවසන්න.

7 : 189

නුඹලා එකම එක් කෙනෙකුගෙන් නිර්මාණය කළේ ඔහු ය.368 ඔහු ඇගෙන් සිත සැනසුම ලබනු පිණිස ඔහුගෙන් ඔහුගේ සහකාරිය නිර්මාණය කළේ ය.504 ඔහු ඇය සමඟ එක් වූ විට සැහැල්ලූ බරක් ඉසිලූවා ය. එය සමඟ සැරිසැරුවා ය. ඇය (ගේ කුස) බර වූ විට “(අංග) විකල නොවූ කෙනෙකු ඔබ අපට පිරිනැමුවෙහි නම් අපි කෘතඥ වන්නෝ වෙමු”යි එම දෙදෙනා තම දෙවියන් වන අල්ලාහ් වෙත ප්‍රාර්ථනා කළහ.

7 : 190

එම දෙදෙනාට (අංග) විකල නොවූ කෙනෙකු ඔහු දුන් විට ඔවුනට දුන් දැයෙහි ඔහුට හවුල්කරුවන් ඇති කළහ. ඔවුන් කල්පනය කරන සමානයන් කෙරෙන් අල්ලාහ් උත්කෘෂ්ට විය.191

7 : 191

ඔවුහු කිසි දැයක්වත් නිර්මාණය නොකළ දේ (දෙවියන්ට) සමානව සිතන්නෝ ද? ඔවුහු ම නිර්මාණය කරනු ලබති.

7 : 192

මොවුනට උදව් කිරීමට ඔවුනට නොහැකි ය. ඔවුහු තමන්ට ම උදව් කර ගත නොහැකිය.

7 : 193

නුඹලා යමක් දැන්වීමට ඔවුන් කැඳෙව්වෙහු නම් ඔවුහු නුඹලා අනුගමනය නොකරති. නුඹලා ඔවුන් කැඳවීමක් නිහඬ ව සිටීමත් නුඹලාට එක සමාන ය.

7 : 194

නුඹලා අල්ලාහ් හැර කවරෙකු කඳවන්නෙහු ද ඔවුහු නුඹලා මෙන් වහල්ලූ ය. නුඹලා සත්‍යවන්තයින් නම් ඔවුන් කැඳවා බලන්න. ඔවුහු නුඹලාට පිළිතුරු දෙත්වා

7 : 195

ඔවුනට ඇවිදින පාද තිබේ ද? නැතහොත් ස්පර්ශ කරන අත් තිබේ ද? නැතහොත් බලන ඇස් තිබේ ද? නැතහොත් ශ්‍රවණය කරන කන් තිබේ ද? “නුඹලාගේ (කල්පිත) දෙවිවරුන් කැඳවා මට එරෙහිව කුමන්ත්‍රණ කරන්න. මට කිසිඳු ඉඩ ප්‍රස්තාවක් නොදෙන්නැ”යි පවසන්න.

7 : 196

“මාගේ භාරකරුවා මෙම ධර්ම ග්‍රන්ථය පහළ කළ අල්ලාහ් ම ය. ඔහු සත් පුරුෂයින්ගේ වගකීම් භාර ගන්නේ යැ”(යි පවසන්න.)

7 : 197

නුඹලා ඔහු හැර කවරෙකු කැඳවන්නෙහු ද ඔවුන් විසින් නුඹලාට පිහිට විය නොහැකිය. ඔවුන් විසින් තමන්ට ම පිහිට විය නොහැකිය.

7 : 198

නුඹලා යමක් දැන්වීමට ඔවුන් කැඳෙව්වෙහු නම් ඔවුහු එයට සවන් නොදෙති. ඔවුන් ඔබ දෙස බලා සිටින්නා සේ ඔබ දකින්නෙහි ය. නමුත් ඔවුහු නොබලති.

7 : 199

උදාරාත්මක බවින් කටයුතු කරන්න. යහපත අණ කරන්න. මුග්ධයින් නොසලකා හරින්න.

7 : 200

ෂෛතාන්ගෙන් ඔබට පෙලඹවීමක් ඇති වූයේ නම් අල්ලාහ්ගෙන් ආරක්ෂාව පතන්න. ඔහු සවන් දෙන්නෙකි,488 සර්වඥයෙකි.

7 : 201

(දෙවියන්ට) බිය බැතිමත් වන අයට ෂෛතාන්ගෙන් පෙලඹවීමක් ඇති වූයේ නම් වහාම විමසිලිමත් වෙති. එවිට ඔවුහු පිබිදෙති.

7 : 202

ඔවුහු (ෂෛයිතාන්වරු) තම සොහොයුරන් දුර් මාර්ගයට ඇද ගෙන යති. (එහි) කිසිඳු අඩුවක් නොකරති.

7 : 203

(මුහම්මද්,) ඔබ ඔවුන් වෙත සාධකයක් නොගෙනාවෙහි නම් “ඔබ එය ගෙන නොඑන්නෙහි දැ”යි ඔවුහු අසති. මාගේ දෙවියන් වෙතින් මට දැනුම් දෙනු ලබන දේ මම අනුගමනය කරමි. “මෙය නුඹලාගේ දෙවියන් වෙතින් වූ විග්‍රහයක් ද යහ මගක් ද විශ්වාස කරන ජනතාවකට දයාවක් ද වේ” යැයි පවසන්න.

7 : 204

කුර්ආනය පාරායණා කරනු ලබන විට එයට සවන් දෙන්න. නිහඬ ව සිටින්න. නුඹලා දයාව දක්වනු ලබන්නෙහු ය.

7 : 205

ඔබේ සිත තුළ නිහතමානී ව ද බිය බැතිමත් ව ද මහ හඬින් තොර වචනයෙන් ද උදය හා සවස ඔබේ දෙවියන් සිහි කරන්න. ඔබ නොසැලකිලිමත් කෙනෙක් නොවන්න.192

7 : 206

ඔබේ දෙවියන් වෙත සිටින අය (සුර දූතවරු) ඔහුට වහල් බවින් කටයුතු කිරීමෙන් උඩඟු නොවෙති. ඔහු සුවිශුද්ධ කරති. ඔහුට ම සජ්දා කරති.396